(((زين))) مالها وماعليها

الموضوع في 'السوق الكويتي للأوراق الماليه' بواسطة الصااافي, بتاريخ ‏29 ابريل 2008.

  1. الصااافي

    الصااافي عضو جديد

    التسجيل:
    ‏15 نوفمبر 2006
    المشاركات:
    90
    عدد الإعجابات:
    0
    اول شي انا استأذن اخواني المشرفين لاني فتحت موضوع جديد بس يعذروني لاهميت الموضوع.



    كثر في هالايام الحجي عن شركة زين وللاسف ناس اتقول السهم هذا يسوى وناس اتقول ما يسوى ناس تمدح بدون اي خلفية او اي دراية والعكس صحيح .

    وبعدين انا استغرب من هالعالم وهالجرئه وجنه ماكو ناس راح تتاثر من كلامهم وراح يبنون قرار استثمارهم سواء بالايجاب او السلب على وجهات نظرهم .

    باختصار انا مو كاتب على اشان امدح او اسب انا حبيت اوضح بعض اللي اعرفه عن زين ويمكن ايكون غافل عن كثير من الاخوان .


    انا اعتب على المفرطين في مدحهم ولزين بدون اي دليل وفي المقابل اعتب على المتشائمين .


    وحبيت ارد على المتشائمين خاصة اللي يقولون زين انهارت ولا زين شراح يسوون بزيادة راس المال او ......الخ.



    حبيت اذكر الناس هذولا لو فلوس زيادة راس المال حطوه في البنك وخذو ارباح وديعه راح تدخل عليه بالنازل 100 مليون دينار بالسنة هذا بس للعلم فمابلك اذا هم راح يسكرون التزاماتهم و راح يستثمرونها وراح يكون العائد والله اعلم بحدود 20-25% . بمعني ان ماكو خوف من الزيادة ان شاء الله.


    الشي الثاني محد فيكم يالمتشائمين التفت يمين ولا يسار وشاف جم تسوى الشركات اللي تمتلكها زين بالوقت الحالي على.

    1-السعودية زيادة في القيمة السوقية من 10 ريال الى 26 ريال يعني زيادة 160%
    2- الاردن التكلفة كانت 400 مليون دولار بالنازل الحين مليار دولار
    3-سلتل التكلفة 3 مليار حاليا 11 مليار
    4- نيجيريا طبعا سوق قوي جدا جدا بس يبيله صبر ان شاء الله
    5- السودان بلد طالع من حرب ولاحظ الاستثمارات منكته عليه يعني هم يبيل صبر .
    6- العراق وصج بوجود مخاطر لكن هم العائد ماله جيد وهم يبيله صبر
    ....الخ

    انا ما ابي اذكر بعد سالفة الادراج بلندن وبيع جزئ من الشركة الى الى مستثمرين اللي متوقع لهل العملية 4 مليارات دولار لصالح زين لان الموضوع هذا مو على الارض الواقع انا قاعد اتكلم على حقائق وارقام .


    بالنهاية وعلى لسان سعد البراك راح اتكون نسبة النمو لعام الل2009 ان شاء الله 30 %.

    وبالنهاية انا موكاتب هالموضوع الا من اجل التنوير للاخوان والاخوات واتمنى من كل شخص انه ما يبني قرار استثماره بناء على مشاركات من اشخاص قد يكونو مجتهدين ولكن غير صائبين ويمكن اكون انا اول واحد منهم .




    وبعدين معلومة مهمه السهم فيه صانع سوق قوي( الاستثمارات الوطنية )

    وماتفوفيقي الا بالله عليه توكلت وهو ربي العرش العظيم
     
  2. بوسعود66666

    بوسعود66666 عضو مميز

    التسجيل:
    ‏1 أغسطس 2007
    المشاركات:
    15,265
    عدد الإعجابات:
    5
    مكان الإقامة:
    مجلس الوزراء
    مشكور اخوى الصافى بس ياليت هالكلام اتخليه فى صفحه زين
    وشكرا لك
     
  3. stock sniper

    stock sniper عضو جديد

    التسجيل:
    ‏18 سبتمبر 2007
    المشاركات:
    921
    عدد الإعجابات:
    0
    الله يعطيك العافية على هالكلام الطيب وفي ناس للاسف لو تتكلم مليون مرة وتقولهم بان زين من افضل الاسهم بالتوزيعات واحد اسرع شركات اتصالات في العالم نموا يقولولك السهم يبي يوصل دينار ولا دينار ونص ويخلون الناس تخاف وتبيع وبعدين يقولون شفتو اشلون

    والله حاله شركة مثل منا القابضة الكل يمدح فيها ويطمرون سهمها فوق وهي للحين ماطقت شبل في مصر واعلنت عن عدم توزيع ارباح ونفس الناس اللي تتكلم على زين وتقول نازلة ووو

    تمدح في شركات ورقية حتى ماعندها توزيع ارباح وتقول هالسهم رايح 700 وهالسهم رايح ديناريين على شنهو ما ادري زين يظل زين وماعليه خوف سهم قوي واصوله قوية وادارته من احسن الادارات في العالم بس شنهو تقول للحسد
     
  4. mo24mo

    mo24mo عضو جديد

    التسجيل:
    ‏25 ابريل 2008
    المشاركات:
    243
    عدد الإعجابات:
    1
    السلام عليكم

    اخوي بالنسبه للمستثمر تم نفية في المقابله مع البنوان في جريده القبس قبل شهر تقريبا
     
  5. fhfh

    fhfh عضو نشط

    التسجيل:
    ‏2 أكتوبر 2007
    المشاركات:
    324
    عدد الإعجابات:
    9
    يأخوان عندى سوال شنو معنى انك تشترى سهم فى شركة وشنو الفا ئدة؟ معناة انى اخد ريع سنوىيصرف على وعلى بيتى صح ولا انا غلطان وادا عندى خير زايد مافية باس انى اخلى جزء من الخير بعمليات مضاربيةان كانت عندى المعرفة بالتحاليل الفنيةاللى يتحدثون عنها او استعين بشركات تحلل لى وضع الاسهم اليومى هدا ادا فلوسى تسوى اما انى اخلى فلوسى الى املكها مضاربة فلابد هالمحافط طال الزمن ولاقصر يصيدونى وممكن يطلعونى مديون فى النهاية سياسة الاستثمار امن لحفط مدخراتى, يبقى اختيار الشركة التشغيلية وماعندها غير الارباح الشغيلية
     
  6. abdollah mohamm

    abdollah mohamm عضو جديد

    التسجيل:
    ‏2 ابريل 2008
    المشاركات:
    53
    عدد الإعجابات:
    0
    كلامك عدل بارك الله فيك
     
  7. أسد القرين

    أسد القرين عضو جديد

    التسجيل:
    ‏2 ديسمبر 2007
    المشاركات:
    284
    عدد الإعجابات:
    0
    سهم للمضاربة حاليا