برنامج بيتك للتداول (مع الصور)

[رذاذ المطر]

((( برنامج بيتك للتداول بالصور )))

بعض الأعضاء يستفسر عن برنامج بيتك للتداول

وشاشات العرض

وبما اني أتداول عليه

وحبيت أقدم شي بسيط لهذا المنتدى اللي استفدت منه وايد

صورت لكم كل شاشات التداول الرئيسية

من بداية تسجيل الدخول......




يتبع...........................................

 

[رذاذ المطر]

أما بالنسبة لأسعار الأسهم في السوق الرسمي
نلاحظ في الصورة وجود كل الشركات المدرجة والشركات المظللة بالرمادي آنا مأشرة عليها ..




وفي الصورة الثانية
تلاحظون وجود شركات معينة فقط وهي اللي كنت مأشرة عليها من قبل وكانت مظللة بالرمادي
يعني بإمكانكم تخلون القائمة فيها شركات معينة تبون تتابعونها....بدال ماتطلع كل الشركات....!!



يتبع ............

 

[رذاذ المطر]

وفي الصورة التالية
تعرض بيانات السوق





والصورة التالية لشاشة عرض الرسوم البيانية
وبصراحة ماتبرد الكبدأو إني آنا ماعرف لها






يتبع ......................

 

[رذاذ المطر]

والصورة التالية تبين : شاشة التداول ، والتداول ممكن للكسور والرسمي.
وتظهر فيها قائمة الأوامر اللي تنتظر التنفيذ ، المنفذة ، الملغاة.......الخ.





وآخر شي شاشة الحساب
فيها نعرف القدرة الشرائية ، وضع المحفظة ، التقرير الملخص ، تقرير النشاطات ، تقرير الربح والخسارة ، السجل التاريخي للأوامر .
بالإضافة لتحويل المبالغ المالية من وإلى حساب البنك في بيتك على الأون لاين



وسلامتكم.............

 

[الزنقيل]

الله يعطيك العافيه على هالجهد الممتاز
الحين الواحد يقدر يقارن بين شركات الوساطه ويختار إلي يعجبه

وبالتوفيق للجميع​

 

[Mr.Jad]

شكرا لك

 

[B.B.C]

جزاك الله خير

كم عمولات التداول فى بيتك

 

[OVER-THE-TOP]

بس فيه عيب شرعي

واللي اهو الاوامر اول ما يسكر السوق تنعفس فوق تحت

ماتعرف العرض من الطلب وهذا عيب شرعي

 

[رذاذ المطر]

الله يعطيك العافيه على هالجهد الممتاز
الحين الواحد يقدر يقارن بين شركات الوساطه ويختار إلي يعجبه

وبالتوفيق للجميع​

الله يوفقك

شكرا لك

العفو

جزاك الله خير

كم عمولات التداول فى بيتك

بصراحة ماعرفها بالضبط
في شي يقصونه مني نسبة من كل عملية ، وفي مصاريف اخرى: نص دينار عن كل عملية.مادري ايهي نسبتهم

بس فيه عيب شرعي

واللي اهو الاوامر اول ما يسكر السوق تنعفس فوق تحت

ماتعرف العرض من الطلب وهذا عيب شرعي

رجعت للبرنامج عشانك وصورت الشاشة
لاحظ التوقيت الموجود تحت عشان تتأكد
الأوامر مرتبة

 

[ABO_BADER]

جزاك الله خير أخوي الكريم
وبالنسبة لي انا استخدم برنامج بيتك لللتداول وبصراحه ممتاز

 

[رذاذ المطر]

الله يوفقك،،،

 

[OVER-THE-TOP]

حسبالج اقص عليج

شوفي الاوامر شلون معفوسة

انتي حاطة سهم الاولى للاستثمار حلو

اغلاقة كان 375

وبالجدول كان العرض 370 والطلب 365 شلون يصير

 

[Doc30]

شكرا على الموضوع :
1) هل صحيح ان فتح الحساب يطول شهر ؟
2)هل يتعامل البرنامج مع جميع الاسهم ولا بس الشرعيه؟

وشكراا

 

[ناصر الخالدى]

الله يوفقك،،،

جزاك الله الف خير

 

[OVER-THE-TOP]

شكرا على الموضوع :
1) هل صحيح ان فتح الحساب يطول شهر ؟
2)هل يتعامل البرنامج مع جميع الاسهم ولا بس الشرعيه؟

وشكراا

لا مو معقولة اصلا شهر اشدعوه

تروح اي فرع لبيت التمويل وتعبي الاستمارة 3 ايام عمل

وتحول 500 دينار ويصير فعال وتقدر تتداول فيه

ميزتة انك ما تقدر تتداول الا بالاسهم الاسلامية

عشان ما يقص عليك الشيطان

 

[Doc30]

لا مو معقولة اصلا شهر اشدعوه

تروح اي فرع لبيت التمويل وتعبي الاستمارة 3 ايام عمل

وتحول 500 دينار ويصير فعال وتقدر تتداول فيه

ميزتة انك ما تقدر تتداول الا بالاسهم الاسلامية

عشان ما يقص عليك الشيطان

500 دينار بس ؟ شتشتري فيهم بالسوق ؟ اخاف قصدك 5000

 

[رذاذ المطر]

حسبالج اقص عليج

شوفي الاوامر شلون معفوسة

انتي حاطة سهم الاولى للاستثمار حلو

اغلاقة كان 375

وبالجدول كان العرض 370 والطلب 365 شلون يصير

سامحنا يالطيب

توني أعرف قصدك
مممممم
مو مشكلة المهم يضبط معاي أثناء التداول

شكرا على الموضوع :
1) هل صحيح ان فتح الحساب يطول شهر ؟
2)هل يتعامل البرنامج مع جميع الاسهم ولا بس الشرعيه؟

وشكراا

فتح الحساب:
مادري آنا عندي توصية وحصلت الحساب بسرعة

الاسهم:
ماجربت اتادول الا الاسهم الشرعية،بس اللي سمعته انه مو كل الشركات

 

[رذاذ المطر]

500 دينار بس ؟ شتشتري فيهم بالسوق ؟ اخاف قصدك 5000

الخمسمية حد أدني لفتح الحساب
عاد بتزيد كيفك
انت وميزانيتك

 

[OVER-THE-TOP]

500 دينار بس ؟ شتشتري فيهم بالسوق ؟ اخاف قصدك 5000

لا عشان يصير الحساب فعال لازم تحول له 500 دينار بس

وبعد ما يصير فعال حولة مليون وتداول فيه لين تقول بس

 

[Doc30]

لا عشان يصير الحساب فعال لازم تحول له 500 دينار بس

وبعد ما يصير فعال حولة مليون وتداول فيه لين تقول بس

ايي ,اشوا انهم ياحدون مليون .

مشكور على الاجابات Over-the-top و رذاذ المطر