##قصة الحمــــــــار أبن الحمـــــــار والثعلب##

الموضوع في 'إستراحة المنتدى' بواسطة القبطان, بتاريخ ‏14 مايو 2008.

  1. القبطان

    القبطان عضو جديد

    التسجيل:
    ‏19 مارس 2007
    المشاركات:
    164
    عدد الإعجابات:
    0
    مكان الإقامة:
    المدينه المنوره (ينبع الصناعيه)
    السلام عليكم ورحمة الله وبركاته


    كان هناك حمــــــــــــار بمعنى الكلمة في غابة تسودها الأشجار والانهار وكانت غابة مليئة

    بالخيرات والنعيم ,,, وكانت محطت انظار اصحاب الغابات المجاورة

    ولد هذا الحمـــــــار الطيب من حمــار وحمـــــارة طيبين لدرجة انك تحس فعلا أنهم حميـــر


    من شد طيبة القلب التي لفتت انظار كثير من الثعالب في الغابات المجاورة


    خرج هذا الحمــــار ذات يوم كعادته معزوم عند أحد الحمـــير القريبين من منزلة


    فجلسوا يحكون عن ايام الطفولة ويشربون الماء مع الشعير ويقرمشونه بلذة

    مع شوية بارسيم منقوع بماء الخل !


    فاذا باثعلب من الغابة المجاورة مر بهم ,,, ورمى السلام فاقالوا له تفضل وشاركنا

    الجلسة فاقبل الثعلب العزومة وجلس وشاركهم سوالفهم التي تدور حول

    العمل ومصروفات المنزل والسفر في العطلات الصيفية

    ولم يجد الثعلب أية فائدة من تلك السوالف

    فقال لهم

    انت يحمـــار الحين مادوك يجيك 10 اكياس شعير + ثلاث ربطات بارسيم من اللي يحبهم

    قلبك

    فارد عليه الحمـــــــــار

    امممم ياليت والله بس من وين ياحسرة احنا ماغير هالرواتب وعلى قد الحال

    قال الثعلب مايبي له شي بس اكفلني عند أسد الغابة واترك الباقي علي

    قال الxxxx : طيب طيب وش اقوله اذا جيت يم أسد الغابة


    قاله الثعلب ياحمــــار قولة هذا ثعلب تجار من الغابات المجاورة يريد مني انك أكفله

    حتى يشتغل عندنا بس كذا قوله ياحمــــار


    المهم الحمــــــار ماصدق خبر


    من بكرة صحى الصبح بدري وراح الي أسد الغابة

    ودخل على الاسد وقالة

    الحمـــار : صبحك الله بالخير ياطويل العمر

    الاسد : صبحك بنور هلا بحمــــارنا !


    الحمــــــــــار : ياطويل العمر أنا ودي أكفل لي ثعلب من الغابات المجاورة يشتغل في

    غابتنا وأبي أستفيد منه طال عمرك


    الاسد : أنت ليش ماتشتغل بنفسك ياحمــــار بدال ماتخلي هالثعلب يستفيد من غابتنا

    الحمــــار : ياطويل العمر أنا حمـــار مثل ماتعرف ماعندي غير أحمل على ظهري

    الاسد : صحيح نسيت أنك حمــــار ,, خلاص أكفله

    بعدها طلع الحمـــــــــــار مبسوط ويمشي وينقز من بين الحقووووول مرة يدربى

    ومرة يرافس ومرة ينهق من الفرحة

    لين وصل خوية الحمـــــــــار الثاني وقاله أبشرك الاسد وافق أني اكفل الثعلب

    قاله كويس أجل خلينا ننتظر الثعلب لين يجي العصر ونقوله هالخبريه هالحلوة


    المهم كالعادة اجلسوا في نفس الجلسة وجلسوا يطقطقون شعير يسولفون عن هموم

    الدنيا وكثرة المصاريف


    الا مايمدي الحمـــــــار يقول مشكلته مع زوجته الحمــــــــارة الا الثعلب نقز عندهم

    في حضيرتهم قصدي مجلسهم الموقر

    الثعلب : هاه بشر يالحمــــــــــار وش صار معك بخصوص الكفالة

    الحمــــار : أبشر خير الاسد وافق طول الله عمره وقال لا مانع من كفالته

    الثعلب : زين زين سويت يالحمــــار وعلى هذا الخبر خذ كيس هالشعير هدية مني

    طقطق فيه لين الصباح

    الحمـــــار : يابعد كبدي انت والله انك الطيب

    بعدها بيومين جاهم الثعلب


    وقال

    ياحمـــــــــــار أنا ودي اخذ الارض اللي قدام بيتك ونزرعها انواع الخضروات والفواكة


    على فكرة كل شي علي من ناحية الفلوس بس هناك مشكلة


    قال الحمــــار وش هالمشكلة

    رد عليه الثعلب وهو يحك يدقنه

    مقدر احطها بإسمي واشتغل فيها لازم تكون بإسمك ياقلبي على شان اقدر اشتغل

    تحت أسمك واديرها على راحتي


    قال الحمــــار امممممممم طيب ولايهمك بروح اطلع خشبه وخليهم يكتبون عليها

    مزرعة امممم على فكرة وش أكتب على الخشبة

    قاله الثعلب :

    أكتب عليها ياقلبي ( مزرعة الحمــــــار أبن الحمــــــار )

    الحمــــار طار من الفرحة وأخير صار عندي مزرعة بإسمي

    قاله ايه صار عندك مرزعة باسمك ولاتنسى 10 اكياس شعير تجيك كل شهر

    انبسط الحمــــــــــــــــــــــــار من الفرحة

    وراح وجاب خشبة وكتب عليها


    مزرعة الحمــــــــــــــار أبن الحمــــــــــــار


    المهم راح الثعلب وضبط المزرعة وجاب الآت حراثة وجهز كل شي


    ورجع للحمـــار ثاني يوم وصار بينهم هذا الحوار

    الثعلب : صبحك الله بالخير ياحلا حمــــــــــار

    الحمـــــــــار : هلا وغلا بالرزق

    الثعلب : ياحمــــار وشرايك أجيب اجيب لك اخواني وعيال عمي تكفلهم على شان

    نتوسع بالشغل ونكبر المرزعة وبدال مايجيك 10 اكياس شعير يجيك 20 كيس شعير

    لحد باب بيتك وفوقهن بوسة على صماخك الحلو

    الحمـــــــــــار : والله انك فعلا شاطر ايه ليش مانوسع الشغل


    راح الحمـــــــــــــــار ثاني يوم الصبح الي مجلس الاسد وجرى بينهم هذا الحوار

    الحمــــــــــــار : صبحك الله بالخير ياعمي

    الاسد : هلا باحمــــــــــــارنا

    الحمــــــــــــــــار : طال عمرك اشتغلنا انا والثعلب وبدأ الرزق يطلع قدام عيني

    بس أبي من بعد تسمح لي أني اكفل عيال عم الثعلب وعياله على شان نوسع

    الرزقات ويكثر الخير في الغابة كلها

    الاسد : يا حمــــــــــــــار ليش ماتشتغل بنفس وتعتمد على عقلك دام كل شي متوفر

    عندك

    الحمــــــــــــــــــار : ياطويل العمر هو نسيت أني حمــــــــــــــــار ؟!

    الاسد : صح صدقني نسيت فعلا أنك حمــــــــــــــار اسف لايكون بس جرحتك ؟

    الحمــــــــــــــار : لاعادي ياطويل العمر مايجي منك خطأ

    الاسد : خلاص خلاص روح اكفلهم

    الحمـــــــــــــار طار من الفرحة ونسى انه في مجلس الاسد وقام يناهق بصوت

    موسيقي مزعج

    الا النمر وزير الاسد صرخ ياحمـــــــــــــــار انت في حضرت ملك الغابة كيف تناهق

    في مجلسه بالصوت المزعج ذا

    المهم النمر اخذ هاك العصا وصفق الحمـــار لين داخ الحمــــار من الضرب واغمى عليه


    وحطوه في السجن


    بعده وصل الخبر للحمـــــــــار صاحبه وعلى طوووووووووووول

    راح وعلم الثعلب وقاله الحق على كفيلك الحمــــــــــــــــــــــــــــــــــــار

    قاله الثعلب افا ياذا العلم وش صار وش جرى


    قاله الحمـــــــــــــار كفيلك يوم وافق له ملك الغابة ان يكفل عيال عمك الثعالب

    انبسط ومن الفرحة قام يناهق بمجلس ملك الغابة وزعل عليه الاسد وخلا النمر

    يضربه بالعصا لين داخ واغمى عليه

    قاله الثعلب ماعليك انا رايح أطلعه منها مثل الشعره من العجين


    قاله الحمـــــــار صاحب الحمـــــــار اللي كافل الثعلب شلون طيب تطلعه

    قاله الثعلب انت مو حمـــــــــــــار قاله ايه أنا حمـــــــــــار

    قاله الثعلب أجل خليك ساكت لانك مراح تفكر مثلي

    قاله الحمــــــار صاحب الحمـــــــــــار اللي كافل الثعلب كلامك صحيح


    المهم الثعلب راح وشرى 30 خروف محشي + اربع جواميس بدون عظم + 5 غزلان

    + 3 ثيران ابوقرون

    ويوم وصل الثعلب الي اطراف مجلس ملك الغابة قال للقرد روح أدخل على

    الاسد بهذي الهدايا واذا سئلك مين ارسلهن قله الثعلب اللي كفيله الحمـــــــــــار

    المسجون عندكم ,,,,,,,,, قال طيب ولايهمك

    المهم القرد دخل ومعه الهدايا

    القرد : السلام عليكم ياسيدي الاسد

    الاسد ملك الغابة : وعليكم السلام

    القرد : تفضل ياسيدي هذي هدايا من الثعلب

    الاسد : الثعلب !!! مين بالضبط

    القرد : الثعلب اللي كفيله الxxxx اللي انتم ساجنينه ياطويل العمر

    الاسد : ونعم به من ثعلب عزالله ان عطاياه مجزية

    القرد : الثعلب تجار ياطويل العمر

    الاسد : الله يالدنيا الحين هالحمـــــــــــار أبن الحمــــــــار يصير كفيل هالثعلب هالتجار

    القرد : نعم ياطويل العمر


    الاسد : ياالنمر روح واستقبل الثعلب التاجر واعتذر له عن التأخير ودخله على طول الي

    مجلسي

    النمر : أبشر ياطويل العمر


    النمر : هلا وغلا بالثعلب شرفتنا بجيتك عزالله انك كفيت ووفيت على هالهدايا الطيبة

    الثعلب : العفو ياوزير الملك ماسوينا الا الجواب وهذا قليل في حق الملك

    النمر : تفضل يالله حيه تفضل في مجلس ملك الغابة


    دخل الثعلب وهو واثق من خطوته

    الاسد : يامرحبا يامرحبا باللي جانا عزالله انك شرفتنا بجيتك

    الثعلب : تحيا وتدوم واشكر تواضعك الكبير وهذا اندل يدل على خلقك الرفيع

    واتمنى ان تكون الهدايا لاقت استحسانكم ياطويل العمر

    الاسد : بسئلك سؤال يالثعلب

    الثعلب : تفضل ياطويل العمر وانا تحت أمرك

    الاسد : كيف كيف كيف هالحمـــــــــار أبن الحمــــــــار صار كفيلك

    قسم بالله ماني مصدق اللي قاعد اسمعه واشوف هالحمـــــــــــــار ذا كفيلك

    الثعلب : ههههههههه ياطويل العمر تدري منو السبب

    الاسد : منو منو السبب !!

    الثعلب : انت ياطويل العمر

    الاسد : أأنا أنا السبب يالثعلب شلون وكيف ومتى

    الثعلب : ايه انت السبب ولا شلون تخلي حمــــــــــــــار أبن حمـــــــار يكفلني واصير

    انا تحت وصايته !!!!!!!!!!!

    الاسد : ههههههههه العن ابو القانون اللي هيك ماعليك رايح اعدل فيه

    المهم ملك الغابة صوت لنمر وقاله تعال

    النمر : قال سم طال عمرك

    الاسد : مين اللي جاب فكرت ان الحمـــــــــير لها الحق بإن تكفل أي حيوان وخصوصا

    الثعالب من الغابات المجاورة

    النمر : هذا جدهم الحمـــــــــــار هو اللي أقترح هذا القانون

    قال الاسد : هات جدهم الكبير الحين بسرعة

    قاله النمر : ياطويل العمر كيف نجيب حمـــــــــــار ميت

    الاسد : اسمع يالنمر روح طلع جدهم من قبره ووديه الي حارة الضباع خليهم ياكلونه

    المهم راح النمر ونفذ ماطلبه منه الاسد


    الان نحن ننتظر نهاية القصة كيف رايح تكون





    طبعا تم تغيير القانون 180 درجة

    وخرج الثعلب وهو على ظهر الحمــــــــــار أبن الحمــــــــــار

    حيث اصبحت الكفالة بيد الثعلب وأصبح الحمـــــــــار ابن الحمــــــــــــار مكفولا

    من قبل الثعلب


    وقام ملك الغابة الاسد حفظه الله

    بإنزال قرار جديد يحمل رقم 11\9 ينص على الأتي

    ( يحق لأي ثعلب أن يتاجر في غابتنا بدون اي كفيل ,, ويمنع أي حمــــار من أن يكفل

    حتى ولو كان حمــــــــــار مثله )

    تبون الصراحة انا مع تغيير القانون فعلا كيف يعتمد ملك الغابة على هالحمـــــــــير

    منقوووووووووووول
     
  2. a7md

    a7md عضو نشط

    التسجيل:
    ‏11 ابريل 2006
    المشاركات:
    588
    عدد الإعجابات:
    0
    شكرا على نقل القصه
     
  3. & ensaaan &

    & ensaaan & عضو جديد

    التسجيل:
    ‏25 يناير 2006
    المشاركات:
    214
    عدد الإعجابات:
    0
    مكان الإقامة:
    المملكة العربية السعودية
    لا تعليق
     
  4. malek

    malek عضو نشط

    التسجيل:
    ‏11 سبتمبر 2006
    المشاركات:
    2,421
    عدد الإعجابات:
    5
    مكان الإقامة:
    FREE KUWAIT
    حمار ابن حمار وجده حمار

    وأنا بعد وياك .....................
    قريت القصة مرتين ، قلت يمكن أفهم شئ مابين السطور ،،،،،،،
    لكن أقنعت نفسي ان الحمار ابن الحمار طلع ............ غبي لدرجه
    .
     
  5. smart investor

    smart investor عضو جديد

    التسجيل:
    ‏20 ابريل 2007
    المشاركات:
    365
    عدد الإعجابات:
    0
    والله صدق ناقل الموضوع


    فالأموال التي في الخليج تكفي لكي تعيش أهلها 100 سنه من دون أن يحتاجوا لدخول الأجنبي لدخول ديارهم ويقاسمهم عيشهم ويسرد عليهم هذه القصه التي تدل على الحقد الدفين الذي يضمره الأجنبي مع كل هذا الكرم والعيش الرغيد الذي ينعم به في بلادنا والذي يحلم بأن يعيشه حتى رئيس بلده الذي أتى منها.



    لكن ما نقول إلا الله يعين هذا البلد على الفساد الإداري والمالي والحسد والحقد والطمع الذي إنتشر بين أفراده, فهل سيكون الأجنبي أرحم.
     
  6. zoya_y

    zoya_y عضو جديد

    التسجيل:
    ‏26 ديسمبر 2007
    المشاركات:
    9,261
    عدد الإعجابات:
    4
    مكان الإقامة:
    DREAM WORLD
    لا تــعليــق ... الله كريم ... شكرا لك