INOV السعر 0.0001 بعدما كانت بـخمسه وعشرين سنت و Volume = 190,198,298

[فيصل]

السلام عليكم
ما رأيكم في هذه الشركه هل تصلح لأن اشتري فيها
وأتمني ان تذكرو لي في ماذا تعمل هذه الشركه وهل هي حلال ام حرام

 

[بن شبعان]

السهم حركته نفس السلحفاه حرام السلحفاه أسرع .....

السهم قديم ماأذكر الظاهر عليه مشاكل

 

[hassn]

السلام عليكم اخوي فيصل او احد من الشباب ممكن اتدلني او تكتبلي عن هالاسهم هذه اللي 0.000 لاني اريدها استثمار على المدى البعيد يعني على قولتك هذا السهم كان 0.25 سنت والان 0.0001 ننتظر الى ان يصل ارتفاع اشوي فالرجاء يا ريت ادلني على هالاسهم انت او أي واحد يبي يخدم

 

[hassn]

شدعوه فيصل بو غازي بيعنا بالسوق

 

[hassn]

شباب اي واحد ايعرف عن هالاسهم ايدلني وشكرا بو شعبان لا تنسانا بعد

 

[فيصل]

أخي الفاضل انا توني جديد في الأسهم

السلام عليكم
تسلم أخوي شعبان علي الرد بس أنا شفت السهم نازل في الحطيط قلت هذا هو السعر المناسب لاكن مادام أنه مثل السلحفاه بلاش




أخي hassn
انا لا زلت مبتدأ في الأسهم الأمريكيه وكل ما أعرفه عن هذه الشركات
أسمها بني ستوك وهذي الشركات تجدها علي هذا الموقع
http://www.otcbb.com/dynamic/
وهي شركات خطيرة التعامل لأنها قد لا تجد مبالغك التي تضعها فيها لاكن إذا ارتفعت تصير من الأغنياء بس الواحد ما يجازف فيها بمبالغ ضخمه
هذا ما اعرفه واتمني من المحترفين أن يفيدوك

 

[hassn]

شكرا اخوي فيصل انا رايح اشتري بهالسهم هذا بخمسمائه دولار واتركهم يمكن يرجع هالسهم الى ال 0.025 وابيعه واشتري لي جزيرة

 

[فيصل]

ماشاء الله عليك اخوي hassn

جزيره

الله يرزقنا وياك والجميع اللهم آمين

 

[hassn]

ها فيصل لا تنسي جزيرتك انت خذها بجنب جزيرتي علشان ما انحس بالغربه الله يسمع منك انا خلني ابيع اول هال ivoc اللي شاري فيه بكل المبلغ اللي اضارب فيه والله يا فيصل وقفني هالسهم هذا يا رب يا ريت ابيعه اليوم واخلص منه بس يرتفع اشوي بأذن الله ولك تحياتي

 

[hassn]

فيصل مساك الله بالخير اليوم اشوف سهمنا انا وانت مو طالع باللسته بالمرة شالسالفه ها يا أمه انه اطردوه أو هو طردهم وراح للسنت وأ ذا الجواب الثاني رايح انقول انا وانت مع السلامه والى المام للجزيره

 

[الفرسان]

انا حلمت يوم انه سعره وصل 2.40 دولار

وعلشان كذا شريت فيه امس

وانشاء الله اشري الجزيره واصير جارك انت و فيصل

بس نصيحه لا تكثر من ذا السهم لانه والله وضعه غير مطمن

وذكر اخي بن شعبان انه بوه مشاكل ما ادري ويشه مشكاله فيه

 

[فيصل]

ان شاء الله تتحقق أحلامك

ياشباب احد يقدر يقلي في اي مجال تشتغل هذه الشركة ؟؟؟

 

[الفرسان]

اخي فيصل

والله العالم انه الشركه تعمل في انتاج القطع الاكترونية البصريه

وهذا موقعهم

www.inov.com



وسامحنا اذا طلعت معلوماتنا خطأ مجرد اجتهاد

 

[hassn]

ما شاء الله ما راح تجينا أي غربة وأحنا جنب بعض فيصل والفرسان وحسن يعني الجزر مالاتنا احلى جزر اوه الفرسان انت حلمت انه واصل الدولارين واوووو مثلا عندك 5000000 خمس ملايين سهم أيصير حسبتهم قول أنبيع على دولارين ما أيخالف ما نطمع وايد أتصير دولارين ضرب خمس ملايين عشر ملايين دولار مبروك علينا

 

[المتداول الطائش]

بالفلتر

السلام عليكم ورحمة الله

الاخوه الاعزاء الشركه لم يتعرف عليها فلتر اخونا ابوهاني شو رايكم

 

[سلوم السلوم]

للرفع

 

[سلوم السلوم]

هل نزل عليها خبر اشوفها تحركت االيوم وبقوة

Volume = 216,452,000

February 10, 2004 3:24 PM ET


ارجوا الافادة سريعاً

وينك يا العطار

 

[الشامري]

مبروك للي شرا على 0.0001
الطمع شين

 

[hassn]

الشامري أشرايك خسارتي بال ivoc3000$ أشرايك أشتري بهالسهم يمكن اعوض خسارتي أشرايك أشتري 20000000 سهم وأحاول يمكن يصل 0.0005 ابي ردك اللحين

 

[الشامري]

شلونك حسن
اذاتشتري على 0.0001 اقوللك موفق
بس سعره الحالي ممكن يجيبك اكتاف
اصبروا وصابروا .......... انا متأكد ان السوق فيه فرص
وما يمنع انك اتحط عينك عليه