شركة منا القابضه (منا قابضه) .... 2

[كويتي2006]

الله يعينكم

اقلوبنا معاكم

عاد نطروا متى تاجر يرد عليكم ن وحتى لو رد عليكم ، شفتوا امس رد وهذي النتيجة اليوم

يعني رد او ما رد ، الحال نفسه ، شكله تاجر متدبس بالسهم مثلكم

 

[المرزوق]

كويتي انت امس السهم عندك الحين تبريت منه هههههههههههههههههههههه
مشكله

 

[عمر العنزي]

زين واذا رد علق السهم باجر او الايام القادمه , نقول مثلاً

شلون بتكون الردود وخصوصاً من الفطاحل راح تتغير بعض الردود وتأتي على شكل

غريب هالسهم , بصراحه تداوله عجيب , مو قادر افهم هالسهم !!

وتطير الطيور بأرزاقها والاخ ليلحين يعلق ويعيد ويزيد ومصلح فيها ابو العريف ..


الايام القادمه خير دليل والفهامه الزايده مرات مصيبه

 

[Madridi]

ويستمر الغموض

وتستمر الشركة بالغموض

إن دل يدل على عدم شفافية الشركة وإدارتها

الله يعطيه العافية تاجر بن تاجر وصى على السهم لين وصله 1900 على ما أذكر وبس

والطمع مو زين سواء لك يا تاجر ولا حق غيرك

السهم يمكن يوصل الثلاثة لكن من المحتمل على المدى الطويل محد يعرف


فأنصح أخوي تاجر يغير من أسلوبه ويقلل من تصاريحه وخلك من الغرور شوي ميخالف اكسر نفسك شوي لا تزعل من صراحتي

شباب إدارة مثل هذي معدومة الشفافية فيها ما أنصح تمشي وراها حتى مؤتمر صحفي على هالمشروع الضخم ما سوو ؟؟

إعلان الأرباح الربع الأول والسهم حد أدنى على ما أذكر

أعتقد خلاص انتهى مسلسلهم المكسيكي الفنزويلي الأمريكي

إلا إذا كانت في تقريباً خمس ست محافظ متفقين مع بعض وداشين على هالسهم

الله يعين وانشوف شنو راح يصير باجر مع انه وصلني خبر انه السهم راح يواصل النزول بس ما توقعت بهالكميات

والي وصلني انه سعره راح يجمدونه بين 400 وال 600 والله أعلم

يمكن إشاعة

 

[متطور]

المشاركه رقم 180 في صفحه 12 بتاريخ 20/5/2008

هذه كانت مشاركات سابقة حذرت فيها من السهم ومن التطبيل للسهم .

للتذكير

بس نسيت هذه طال عمرك

المشاركه رقم 106 في صفحه 8 بتاريخ 18/5/2008

الحين اقدر اقول ان شاء الله مبروووووووووووووووووووووووووووووك الارتدادة.

ان شاء الله باجر حد اعلى .

الله يرزقكم.

وباكر الي مذكور اعلاه كان امس وتداول السهم كان ما بين 1480 و 1600
يعني الي سمع كلامك ايضا خسر، والله يعلم متى بتوقف خسارته
يعني تحذر بيوم النزول وتطبل بيوم الارتفاع
ترى هذا مو من عندي - هذا كلام انت كاتبه

ياليتك تتذكر نصيحتي لك وتعمل فيها

المشاركه رقم 113 في صفحه 8 بتاريخ 18/5/2008

شكرا على الرد طال عمرك
كنت اتمنى يكون ردك بقوة نصايحك بالخروج في اليومين الي فاتوا
بس اخذ هالنصيحه من اخوك الصغير
يقول سبحانه وتعالى
"إذ يتلقى المتلقيان عن اليمين وعن الشمال قعيد، ما يلفظ من قول إلا لديه رقيب عتيد" [ق:17-18].

الله يوفقك ويجعل الجنة دارك

عسى الله يرضى عليك ويوفقك ويرزقك من حيث لا تحتسب - قول آمين

 

[alhjaan]

أنا ما أقول إلا والله عيب ، إلا كانوا يشعرون ويمدحون ويببون حق تاجر الحين انقلبوا عليه ، وأنا أقولكم الرال ما قصر ، وانا كنت من اشد الناس خلاف معاه تبون التفاصيل ، وليش قلت هالكلام ، شوفوا مشاركتي في منتدى النوادي للمضاربه والاستثمار ، وتعرفون .


بس العجيب شلون انقلبتوا كلكم عليه سبحاااااااااااااااااااان الله ، وأنا أدعوا الله أن يرد السهم إلى 3 دنانير ليش ؟.

أولاً : عشان الكل يطلع ربحان ويوفقه الله .

ثانياً : عشان انتطمش على هالناس اللي ماله صاااااااااحب شي عجيب ، هذا وبعضهم ربحااااااااااااااااان أضعااااااااااااف الله اكبر ؟.

ثالثاً : عشان اشوف أخي تاجر بن تاجر وأهنيه على صدقه وأمانته ، وأنه ريال ما قصر مع ربعه ونصحهم ، بس خل يشوف الناس شلون صايره ( الله المستعاااااااااان ) .

الحمدلله على كل حال ، وأقول حق كل من ظلمني الله يسامحك​

 

[FOCUS]

المشاركه رقم 180 في صفحه 12 بتاريخ 20/5/2008


بس نسيت هذه طال عمرك

المشاركه رقم 106 في صفحه 8 بتاريخ 18/5/2008


وباكر الي مذكور اعلاه كان امس وتداول السهم كان ما بين 1480 و 1600
يعني الي سمع كلامك ايضا خسر، والله يعلم متى بتوقف خسارته
يعني تحذر بيوم النزول وتطبل بيوم الارتفاع
ترى هذا مو من عندي - هذا كلام انت كاتبه

ياليتك تتذكر نصيحتي لك وتعمل فيها

المشاركه رقم 113 في صفحه 8 بتاريخ 18/5/2008



عسى الله يرضى عليك ويوفقك ويرزقك من حيث لا تحتسب - قول آمين

صادووووووووووووووووووووووووووووه



أخوكم فووووووكس

 

[قنوع ؟]

اخوااااااانى
والله ترددت ان اكتب لكم هذه المشاركه لكن

الله يرزق من ربح والله يعوض على من خسر

وليعلم الجميع ان الرزق بيد الله سبحانه

ولا يجعلوا الاخ تاجر شماعه او سبب فى النزول وحين الصعود يمدحون الاخ تاجر

كأن الجميع تناسا ان الرزق من موزع الارزاق سبحانه

لنترك جميع المشاركات على جنب ونطلب من الاخوه المحللين تحليل تفصيلى للسهم لان صانع السوق محترف جدا جدا


وبالنهايه البيع والشراء مسؤوليه شخصيه يتحملها الشخص نفسه


والله يوفق الجميع ان شاءالله

 

[sarem]

شاكرلك جدا على النصيحة ، الأخ متطور شوف مافي سهم يصعد الى الأبد وكذلك العكس مافي سهم ينزل الى الأبد ،من هذا المنطلق نصحت بالخروج من السهم مضاربيا يوم السبت قبل الماضي وكانت الأسعار في اليوم التالي بحدود 1920 وذكرت ياجماعة لا تناسبون السهم اجنوا ارباحكم مع صانع السوق واطلعوا ، واستفيدوا من فرق السعر ويمكنك الرجوع لمشاركاتي السابقة .
واعتقد 440 فلس كانت مضاربيا اكثر من حلوة.

ولذلك نصحت بالخروج من السهم.

حاليا السهم دخل في ارتدادة اذا السهم اكد باجر شمعة اليوم ،من الحين نقول الهدف القادم هو القمة السابقة 1960 وبعدها لكل حادث حديث .

للأسف كثير من المتداولين يزعلون من اللي يكاشفهم بالحقيقة ويحبون اللي يونسهم بالكلام الكثير والتطبيل.

المشاركه رقم 180 في صفحه 12 بتاريخ 20/5/2008


بس نسيت هذه طال عمرك

المشاركه رقم 106 في صفحه 8 بتاريخ 18/5/2008


وباكر الي مذكور اعلاه كان امس وتداول السهم كان ما بين 1480 و 1600
يعني الي سمع كلامك ايضا خسر، والله يعلم متى بتوقف خسارته
يعني تحذر بيوم النزول وتطبل بيوم الارتفاع
ترى هذا مو من عندي - هذا كلام انت كاتبه

ياليتك تتذكر نصيحتي لك وتعمل فيها

المشاركه رقم 113 في صفحه 8 بتاريخ 18/5/2008



عسى الله يرضى عليك ويوفقك ويرزقك من حيث لا تحتسب - قول آمين

وليش ماقريت المشاركة اللي بعدها اللي كتبت فيها الرد على كلامك ووضحتلك ان الارتدادة مرهونة بشمعة تأكيد لليوم الذي يليه .
وما صار تأكيد للشمعة .

ليش تأخذ اطراف الكلام وما تدخل في تفاصيلة ولا بس شاطر بالتصيد؟

 

[متطور]

وليش ماقريت المشاركة اللي بعدها اللي كتبت فيها الرد على كلامك ووضحتلك ان الارتدادة مرهونة بشمعة تأكيد لليوم الذي يليه .
وما صار تأكيد للشمعة .

ليش تأخذ اطراف الكلام وما تدخل في تفاصيلة ولا بس شاطر بالتصيد؟

لا والله يالغالي مو هذا طبعي
بس كلما دشيت الصفحه القاك كاتب مشاركه شكل
طيب حتى اذا انت زعلان مني لا تبخل على نفسك
اقرى دعوتي لك في المشاركه السابقه وقول آمين

 

[mohabbas]

يا...جماعة...22/5...الجمعية العمومية للشركة...شنو..التوقعات

 

[Madridi]

يا...جماعة...22/5...الجمعية العمومية للشركة...شنو..التوقعات

أي جمعية عمومية ؟

 

[mohabbas]

يااخوى...هذى الى شفتة ..بااجندة اجتماعات الشركة ...22/5...اجتماع الجمعية العمومية للشركة لتوزيعات 2007...وموصين ..بعدم توزيع ارباح ...المصدر(شركة شرق للوساطة المالية)للتداول الالكترونى

 

[Madridi]

يااخوى...هذى الى شفتة ..بااجندة اجتماعات الشركة ...22/5...اجتماع الجمعية العمومية للشركة لتوزيعات 2007...وموصين ..بعدم توزيع ارباح ...المصدر(شركة شرق للوساطة المالية)للتداول الالكترونى

يعني ماراح يأثر على السهم بشي صح ؟

 

[mohabbas]

 
.اجتماع الجمعية العمومية لشركة منا القابضة في 22-5-2008 لبيانات 2007
 
 
12/05/2008 - 09:56
 
 
 
 
 
يعلن سوق الكويت للأوراق المالية بأن الجمعية العمومية العادية  لشركة منا القابضة سوف تنعقد يوم الخميس الموافق 22-5-2008  في تمام الساعة 9 صباحا في وزارة التجارة والصناعة حيث سيتم  خلالها مناقشة توصية مجلس الادارة بعدم توزيع ارباح عن السنة المالية  المنتهية في 31-12-2007 .  كما سيتم مناقشة بنود اخرى على جدول الاعمال.  علما بأن هذه التوصية تخضع لموافقة الجمعية العمومية والجهات المختصة. 
 

 

[mohabbas]

شنو ...السيناريو...الجديد...ياشباب

 

[Madridi]

ماراح يأثر على السهم بشي هذا توقعي

 

[سوق الاوراق]

اعتقد الاجتماع لتبرئة الذمة المالية . وتشكيل مجلس الادارة الجديد . واكيد راح تسمعون شئ يسركم بشكل رسمي .الان من الضروري وضع النقاط على الحروف . احتمال كبير جدا بعد الاجتماع ماتصيدود السهم. اذاكانت هناك مفاجئة ! على العموم الله يوفق الجميع.

 

[كويتي2006]

أنا ما أقول إلا والله عيب ، إلا كانوا يشعرون ويمدحون ويببون حق تاجر الحين انقلبوا عليه ، وأنا أقولكم الرال ما قصر ، وانا كنت من اشد الناس خلاف معاه تبون التفاصيل ، وليش قلت هالكلام ، شوفوا مشاركتي في منتدى النوادي للمضاربه والاستثمار ، وتعرفون .


بس العجيب شلون انقلبتوا كلكم عليه سبحاااااااااااااااااااان الله ، وأنا أدعوا الله أن يرد السهم إلى 3 دنانير ليش ؟.

أولاً : عشان الكل يطلع ربحان ويوفقه الله .

ثانياً : عشان انتطمش على هالناس اللي ماله صاااااااااحب شي عجيب ، هذا وبعضهم ربحااااااااااااااااان أضعااااااااااااف الله اكبر ؟.

ثالثاً : عشان اشوف أخي تاجر بن تاجر وأهنيه على صدقه وأمانته ، وأنه ريال ما قصر مع ربعه ونصحهم ، بس خل يشوف الناس شلون صايره ( الله المستعاااااااااان ) .

الحمدلله على كل حال ، وأقول حق كل من ظلمني الله يسامحك​

الحين السهم خل يصعد ، بعدين ممكن أنغير مواقفنا ، يعني بالله عليك تشوف السهم نازل وتبينه نكتب شعر بعد

عيل لما يصعد شنو نكتب

احنه ناس نمشي مع الدليل والتوصية الي تطابق الواقع ، اذا الكلام تحول واقعي وتحقق كتبنه شعر ، واذا الكلام ما تحقق كتبه نثر نقدي بناء علشان الكل يصير عاجل ولا يتهور بالأرقام ، الخسااااااااااااااااااااااااااااارة جايدة

 

[بورش]

ياما تكلمنا وقلنا هذا صاحبكم مرجوج محد صدقنا
انا مو قاعد اتشمت ! بس السهم صعد لأسباب وبس تم الاعلان عنها بدأ التصريف.

اشتر على الإشاعه وبيع مع الخبر!

صاحبكم كل يوم داش بنك عجيب غريب, وطحنا عليه جم مره يغلط ويضيع ويكتب بنك بثاني على أساس انه تاجر بن تاجر, وبعدين يعدل مشاركته
ونفس الشي بمنتدى النوادي, طاحو عليه بأكثر من نك وهم عدوها حقه.
وشي ثاني .. لاحظوا الأعضاء الي يدافعون عنه, 99% منهم أعضاء جدد ومسجلين بشهر 4, اشكره الحبيب داش بأكثر من نك ويمجد نفسه الكريمه!! ( انا محتر عشانكم والله, والله ما تستاهلون !! )

يعني انا بعرف .. منو تاجر بن تاجر الي يعرف السهم صاعد ولا نازل ؟؟
شنو المشكله يعني لم يكون صاحبكم يتعامل مع محافظ, وداش يقول السهم صاعد صاعد, وفعلا يقول الي راح يصير, وهذا اكبر دليل انه شغال مع المحافظ! ولا شدراه ان يوم الأحد راح يصير ارتداد ؟ والناس مصدقه وتشتري بعد !! وبعدها السهم يرجع ينزل تحت أكثر وأكثر ( بتقولون شنو مصلحته يوم السهم صعد؟؟ اصلا اهو ماكان يبيكم تبيعون من الأساس, يقولكم احتفظوا واحتفظوا والهدف دينارين شوي صار 2,500 شوي صار ثلاثة دنانير!! ,, مصلحته الحين !! السهم قاعد يبط تصريف فيكم, ومعلقكم صح معاه ! بمعنى اصح .. معلق فلوسكم معاه !! )

رديت عليه بمنتدى النوادي قتله انا بشتري بس بذمتك, بروحه دخلي بالخاص تدرون شقول ؟؟ يقولي السهم صاعد فوق ال 3 دنانير, بس انا عشان مابي الشباب يخسرون قتلهم 2500 و 3 دنانير, ومابي منك شي الا تكتب فيني شعر اذا السهم صعد

الحين الي شرى ب 1960 شقاعد يسوي ؟؟ ابسط مثال لو شاري بس 10000 سهم, الحين خسران 5200 دينار, اذا الحبيب ذمته قد السما, خل ياخذ من دعوات الناس على تصريفه الأسهم على ظهور المساكين