نصيحة للذي يريد الخروج من السوق

[النوخذة الكويتي]

السلام عليكم و يعطيكم العافية,

الرجاء من الأخوان ذوي الخبرة, إفادتي و افادة الاخوان اللذي يريدون أن يبتعدوا عن السوق و عندهم سيولة نقدية لايعرفون كيف ينموها أو يستثمرها في مجال غير مجال الأسهم؟

وهل وديعة بيت التمويل الكويتي جيدة أو أي البنوك أفضل؟ وكم أقل مبلغ للوديعة؟

شاكرين لكم حسن تعاونكم و دمتم

 

[محاسب^المستقبل]

والله اخوي اقدر اقولك انه الودايع زينه بس لازم يكون عندك مبلغ حلو
و الودايع لازم تطلع عليها الزكاة كل سنة و مالك الا بيت التمويل باقي البنوك ربويه
اعتقد ودايع بيت التمويل وصلت 6.2% اخر سنه
يعني اذا عندك مثلا 500,000 و زينه تفيدك الارباح توزعها على الاشهر و يصير عندك معاش بس اذا اقل ما اعتقد
العقارات احسن لك اخذلك بيت صغير اجره و انت مرتاح
يعني ابوي عنده بيت مأجره كل شهر 1100 انا اقترحت حق ابوي انه نبيعه و بفلوسها نحطهم وديعه بس بعد حسبة الزكاة و جذي ماتسوى
و الامر راجع لك

 

[محاسب^المستقبل]

و في الحين وديعه جديده من بيت التمويل الارباح تكون شهريا مو سنوياً

 

[النوخذة الكويتي]

مشكر أخوي محاسب المستقبل, بس منو الحين نص مليون دينار.

كلهم جم ألف

 

[n5eeb]

والله اخوي اقدر اقولك انه الودايع زينه بس لازم يكون عندك مبلغ حلو
و الودايع لازم تطلع عليها الزكاة كل سنة و مالك الا بيت التمويل باقي البنوك ربويه
اعتقد ودايع بيت التمويل وصلت 6.2% اخر سنه
يعني اذا عندك مثلا 500,000 و زينه تفيدك الارباح توزعها على الاشهر و يصير عندك معاش بس اذا اقل ما اعتقد
العقارات احسن لك اخذلك بيت صغير اجره و انت مرتاح
يعني ابوي عنده بيت مأجره كل شهر 1100 انا اقترحت حق ابوي انه نبيعه و بفلوسها نحطهم وديعه بس بعد حسبة الزكاة و جذي ماتسوى
و الامر راجع لك

بعد حسبة الزكاة ماتسوى ؟؟؟؟ افاااااا عليك بس

 

[ميكانيكي]

صندوق

 

[صايدها]

انزين واللي خسرااااااااااااااان شلون يطلع
بس نرد راس المال عاالاقل والله نطلع بلا رده

 

[محاسب^المستقبل]

بعد حسبة الزكاة ماتسوى ؟؟؟؟ افاااااا عليك بس

لا اخوي فهمتني غلط يعني البيت مأجر ب 1100 *12 = 13200
و احنا اذا بنبيع البيت اييب حوالي 300,000 شيل منهم 70 الحكومة و 30 مصروف حق السنة
يبقا 200,000 هذه بنحطها وديعه
200,000 * 8.6% = 17200
200,000*2.5% زكاة = 5000 -17200 = 12200

يعني بالسنه كان مدخولنا 13200 صار الحين 12200
شفت الفرق
و اخوي اصغر مبلغ 1000 دك تقدر تحط فيه عندهم وديعه السدرة

و يعطيكم العافيه

 

[محاسب^المستقبل]

عندك صناديق زينه
يمدحون صندوق زاجل

 

[الطراروه]

والله انا اقول رايي انه السوق احسن شي بس لا تضارب وروح حق السهم بتفصيخ وانطر عليه قبل الارباح بيع وانطر في التفصيخ وانطر لي قبل الارباح بيع انا ماشي على اسهم معينه والحمد لله شفتها فوق الزينه مربحه احلا من مربحة بيت التمويل وغيره في اسهم من تصير فيها التفصيخ اشتر لي وقف من النزول وانطر عليها لا تخاف من السوق اذا عندك انت 40 الف في فلوس محافظ وفي مليارات السوق مو معقول راح ينهد ويصيلا الاسهم ابلاش بس المضارب اهو الخسران يمكن تضبط مع واحد اثنين ويمكن تربح الف هذا الاسبوع بس تاكد راح تخسرهم اسبوع اللى ورا الفين انت اشتثمر في مبلغ وخلهم طاح السوق ولا ارتفع قبل اعلان الربع الاخير اذا شفت نفسك ربحان واقتنعت بيع وانطر لا تاخذ الارباح يمكن الارباح تضرك لينه يتفسخ عليك السهم وينزل اخر شي وتطلع الحسبه انت من بعد ما كنت ربحان خسران في شي يسمونه استراحة محارب انت اخذ استراحة المحارب قبل التفسيخ وخل الفلوس لي بعد التفسيخ صح العمليه مو سريعه في الربح بس ربح 5 الف على البطي ولا خسارة 10 الاف على السريع في المضاربه وشكرا

 

[النوخذة الكويتي]

مشكور أخوي, بس الصناديق الاستثمارية أغلبها صيدة, و ضحك على الذقون

 

[الشرف]

مشكر أخوي محاسب المستقبل, بس منو الحين نص مليون دينار.

كلهم جم ألف

فضل من الله تعالى والله يزيدني ويزيدك من واسع نعمه

 

[LUVKUW]

لا ياعزيزي حطهم وديعة مستمرة في بيت التمويل واقل مبلغ 5000 دك وارباح هذه الوديعة عام 2007 كانت8.6% يعني ممتازة والامر راجع لك بلا هم الاسهم وبلاويها وانا لاحقك بطلع بلا ردة

 

[النوخذة الكويتي]

أمين يا رب العالمين

 

[الشرف]

لا اخوي فهمتني غلط يعني البيت مأجر ب 1100 *12 = 13200
و احنا اذا بنبيع البيت اييب حوالي 300,000 شيل منهم 70 الحكومة و 30 مصروف حق السنة
يبقا 200,000 هذه بنحطها وديعه
200,000 * 6.2% = 12400 * 2.5 % زكاة = 310 - 12400 = 12090

يعني بالسنه كان مدخولنا 13200 صار الحين 12090
شفت الفرق
و اخوي اصغر مبلغ 1000 دك تقدر تحط فيه عندهم وديعه السدرة
بس نسبه الارباح اعتقد انها 6.2% ما اذكر والله بس بهالحدود
و يعطيكم العافيه

اخوي وديعة التمويل 8.6% واحتمال تقل قليلا عند توزيع ارباح الودائع العام القادم ان احيانا الله

 

[محاسب^المستقبل]

و الله اخوي الطراروة كلامه طيب
و انا ازيد عليه انه خل شوي للمضاربة و شوي استثمار نراضي الطرفين

 

[الطراروه]

المضاربه فيها خطوره وخساره عليك اللى تربحه في السنه يمكن تخسره في لحظه في المضاربه لينه احنا مشكلتنا كله ندش اخر الفلم في المضاربه في اسهم مو معقول راح اتم على هذي الحاله يعني اليوم يعني في اسهم انا اشوفها اليوم 230 فلس اخر السنه انشاء الله اكيد 400 فلس يعني ربحك فيها 17 الف في الاميه الف سهم قسمها على 12 شهر يطلع اكثر من راتبك اللى تستلمه كل شهر انا اضبطت معاي على فتره 3 سنوات في اسهم معينه واقتنعت اروح مرتين السوق في السنه اشتري السهم واسمع الشباب طاح السوق ونزل السوق واخر السنه قبل الارباح ابيع والحمد لله انا بقيت اخلي صاحبنا يستفيد احسن من الوديعه وشكرا

 

[المانع]

شنو توقعكم من وديعه بيت التمويل من بعد قرار البنك المركزى 8,6 او اقل

 

[الجارح]

السلام عليكم و يعطيكم العافية,

الرجاء من الأخوان ذوي الخبرة, إفادتي و افادة الاخوان اللذي يريدون أن يبتعدوا عن السوق و عندهم سيولة نقدية لايعرفون كيف ينموها أو يستثمرها في مجال غير مجال الأسهم؟

وهل وديعة بيت التمويل الكويتي جيدة أو أي البنوك أفضل؟ وكم أقل مبلغ للوديعة؟

شاكرين لكم حسن تعاونكم و دمتم

اترك عنك البنوك وارباح البنوك

اشتر مبرد لنقل بسعر 260 احتمال اتصيده اخر السنه اقل شئ اتبيعه

400 فلس اذا مواكثر

 

[happyness]

والله اخوي اقدر اقولك انه الودايع زينه بس لازم يكون عندك مبلغ حلو
و الودايع لازم تطلع عليها الزكاة كل سنة و مالك الا بيت التمويل باقي البنوك ربويه
اعتقد ودايع بيت التمويل وصلت 6.2% اخر سنه
يعني اذا عندك مثلا 500,000 و زينه تفيدك الارباح توزعها على الاشهر و يصير عندك معاش بس اذا اقل ما اعتقد
العقارات احسن لك اخذلك بيت صغير اجره و انت مرتاح
يعني ابوي عنده بيت مأجره كل شهر 1100 انا اقترحت حق ابوي انه نبيعه و بفلوسها نحطهم وديعه بس بعد حسبة الزكاة و جذي ماتسوى
و الامر راجع لك

الوديعة السنوية لبيت التمويل الكويتي 8.6 % يعني لو عندك 100 ألف تصير 8600 دينار اذا عندك مليون يصير عندك 86 ألف.

لذلك يقتضى التنويه