@@ منو يبي 200 فلس @@

[vartona]

بصراحه كم واحد اشترى السهم وخسر ! لان السهم اليوم نزل فى الحد الادنى !! مجرد سؤال .

موكل مجتهد مصيب و نية العضيد زينة و متعودين على نصايحه عمره ما وصه على سهم الا من منقلب .... تجري الرياح بما لا تشتهي الاسهمو و كمل المسيرة ايها العضيد ونحن من وراءك

 

[can]

يعطيكم العافيه جميعاً

والله يعوضكم

الاخ ميكانيكي مجتهد ومو كل مجتهد مصيب

يدور الخير لكم لكن السهم في ايادي اصحابه


على العموم خيرها بغيرها والله يعوضكم

تحياتي,,,للجميع

 

[Boufaress]

الله يعطيه العافيه الاخ ميكانيكي ما قصر

كلامه كان واضح والقرار راجع لكم.

على كل حال من المحتمل انه يرتد ويصعد باشر. ان شاء الله.

 

[محاسب^المستقبل]

يبا لكل جواد كبوة و راح يعوضنا ميكا خير تعويض ب توصيات ثانية كله تبون ربح
يقولك ما تذوق طعم الربح حتى تلعق مرارة الخسارة
سلام

 

[sarem]

تحليل متواضع على قد الحال ووجهة نظر خاصة فيني انا وغير ملزمه لاحد

اهديها لاخوي ميكانيكي

يعيش فهاد ويسقط بورصوي

 

[fahad95]

يعيش فهاد ويسقط بورصوي

هههههههههههه انا من هل منطلق راح اشكل حزب مضاد لبورصوي ::verymad::

-------------------

يا اخوان ترى الاخ ميكانيكي امس موصي على السهم بسم الله الرحمن الرحيم

اولا :-

انتم مضاربين ولا مستثمرين ؟؟؟

اذا مضاربين

جم واحد دش على السهم من التوصية يعنى من 600 ؟؟

اذا مضارب وداش من 600 ووصل السهم لى 680 وما بعت تعتبر

مو مضارب تعتبر غشيم

واذا مضارب معناته انك استفدت !!! ومعناته محد خسر صح ؟؟

----

واذا مستثمرين الموضوع هذا كله على بعضة ما صارله يومين يعنى

التوصية ما صار لها يومين يعنى اول مره اسمع ان في مستثمر يومين

هههههههههههههه

يعنى يا اخوان انا اقول وكلوا الله سبحانه واستخيروا خير الامور الى

تشوفونها اذا تحس انك خسرت فأنت غير عن

هل بشر هذي كلها لا انت مستثمر ولا مضارب شلون خسرت !!

انا اشوف التوصية لحد الحين قائمة واقفال اليوم يسمونه

كش مضاربين ... وإن شاء الله اتوقع للسهم باجر ارتداد

------------------------------------------------------------------------

من الامور الى شدتنى بالسهم ان السهم ما يتحرك الا من الساعة

10 وفوق ملاحضين هل شي ؟؟


عسى الله يكتب الى فيه الخير وإن شاء الله نشوف الى يسرنا

 

[الوافي ابو محمد]

ميكا ماقصر قال يومين تداول فوق 650 يعني دخول والمقاومه 700 فلس وقبل يومين كان موصي عليه لما كان سعره 600 فلس واليوم صكر 640 فلس بيض الله وجهه وهو مومسؤل عن الدخول المتأخر أخذ التوصيه من البدايه ورايته بيضه وكل توصياته ممتازه وأنا واحد من الناس أستفدت الكثير من توصياته أكثر من نصف رأس مالي وماله إلا جزيل الشكر والأمتنان والإحترام رايتك بيضه ياميكانيكي

 

[السهو]

مع اني ما دشيت

بس بصراحه الرجال عطاكم ارقام وارفق معها شارت

وكان السهم مسوي النموذج بشكل واضح وجلي

ومنذ التنبيه ارتفع السهم حوالي 80 فلس

والدخول المفروض للمضاربين

اي خطاء فهو مسؤولية من دخل خطاء او اصر على الاستمرار ولم يجزء الخسارة

رايتك بيضاء وسدد الله خطاك وشكرا

 

[خسران ولكن]

ان شاء الله باجر يعدل ويرتفع.... شكله في واحد دش على الخط وصرف كميته وخلص او يمكن باجي كمية بسيطة... والله اعلم وهذي ليست الا توقعات وقراءات شخصية والله الموفق

 

[kuwaitey]

بيض الله وجهك يابو فجر

وعز الله رايتك بيضه مع الكل واااااااجد شركات انت ذكرتهم والكل استفاد وربح

والغطان اللى مالتزم بكلامك يتحمل غلطه

انت تكلمت على السهم واللى دخل استفاد اللهم لك الحمد

والله انا مادخلت عليه ولاكن فرحت لك ولشباب اللى دخلو

الله يعوض الخسران

وسوق الكويت مزااااااجى على حسب مزاج الهوامير والمحافظ

 

[bo_hamood]

بصراااااااااااااااااحه؟؟؟؟؟؟؟؟؟؟؟؟؟؟بوفجر ماقصر السهم وصي عليه600 واللي دش عليه من 600 الي 640 ربحان من 70 الي 30 فلس بعجد شتبون اكثر وبيومين والريال قالها بالفم المليااااااااااااان اقفال فوق650 يومين يعني الريال ما يتكلم اوردو ولا فلبيني روووووووووووح بوفجر اشهد انك استاذ بالتحليل الفني رغما علي انف المشككين موفق خير اخوي

 

[ساره78]

ايبا

خوش تدبيسه جزاك الله خير

اول الصبح اخذت بتوصيتك ، بس شفت الشارت ومقاومة فيبوناتشى على 680 على طول الغيت الامر

الاخ على جزاك الله خير دام انك شفت الشارت ومقاومه فيبوناتشى على ا680 والغيت امرك على طول طيب ليش مانبهت اخوانك وذكرت ذلك وحذرتهم بدلا من انك الحين جاى وفرحان (ايبا خوش تدبيسه) هذا بدلا من تواسيهم تشمت وتستهزى انهم اشتروا وتزيدهم ألما خصوصا انك ذكرت انك من اول الصبح الغيت امرك...الحمدلله على كل حال والله يعين الى عندهم السهم وان شاء الله ان شاء الله يارب السهم يرتد باجروهذه دعوه من القلب لاخوانى وخواتى الى يملكون السهم مو لى لانى عمرى ماشريت ارجان مع انه من الاسهم القويه والى ماينخاف من عندها وان شاء الله باجر يرتد يرتفع خصوصا انه مانترك محذوف بالحد الادنى اخر ثوانى شال المعروض كله وقفله 640 وهذا الشى يطمن وانا متفائله خير ان شاء الله....

وللامانه حبيت اقول كلمه بحق الاخ ميكانيكى هو من الاعضاء الى يحبون مصلحه وفائده اخوانهم ودائما يقدم النصيحه الصادقه التى تفيد اخوانه
والتحليل كان صحيح ولكن كثير من صناع السوق يغيرون مسار السهم
والمحلل يوصى بما يرضى ضميره لمصلحه اخوانه ولكن يبقى القرار الاخير فى اتجاه السهم لصانع سوقه ....
موفقين خير ان شاء الله.... اختكم /ام ضارى....







9





0






0

 

[قاروه]

الي يقول خسرني التحليل ولا غييره

لا يقعد يشتري ويبيع على تحاليل الاخوان ويزعجنا معاه

كل واحد عقله براسه وقرار البيع والشراء قرار شخصي

واخونا ميكانيكي رايته بيضه وما قصر

اغلب تحاليله حققت اهدافها وزياده​

 

[الوافي ابو محمد]

معلومه أرجان سوف يتجه إلي أعلي متأكد ومن مصدر ثقه والله أعلم

 

[الوافي ابو محمد]

رئيس محفظه شاري السهم بسعر 670 فلس خبر أكيد من مصدر ثقه وأنتم بكيفكم

 

[acton]

رئيس محفظه شاري السهم بسعر 670 فلس خبر أكيد من مصدر ثقه وأنتم بكيفكم

الكل شاري وخسر وانا ماني زعلان هذي البورصه اذا تحب الربح لازم تتحمل الخساره بس ودي اعرف السهم اعطى اشاره خروج حسب راي المحللين هل معنى ان باجر ابيعه اول مايفتح السوق او انطر لمن يرتد انا بصراحه احب هالمنتدى لان فيه محللين ثقه واشكر جهودهم

 

[المانع]

للرفع
::verymad::

 

[hassan_abu3eed]

اليوم يبين مصير السهم ونتمنى من الله الخير للجميع

 

[ميكانيكي]

ان شاء الله اخضر

بعد هالنزول القوي الغير مبرر

بالتوفيق

 

[المانع]

ان شاء الله اخضر

بعد هالنزول القوي الغير مبرر

بالتوفيق

شنو اخضر السهم ولا المؤشر