المشاريع التجاريه الصغيره..أفكار ونصائح وتجارب

[اطفـــائي محترق]

المشاريع التجارية الصغيرة ، افكار ونصائح وتجارب

--------------------------------------------------------------------------------
السلام عليكم ورحمة الله وبركاته


اغلبنا عنده ميول لفتح مشاريع تجاريه وبعضنا عنده مشاريع قائمة فعلا والبعض الآخر عنده الفكرة فقط


وحبيت افتح معكم في هذا الموضوع لمناقشة الأفكار والمشاريع التجارية البسيطة والمتوسطة ، لنتبادل الخبرات ، فالبعض قام بالفعل بعمل مشاريع وفشلت والبعض عمل ونجحت واتمنى ان يكون هذا الموضوع فيه نصائح من الخبراء وأفكار من أصحاب الأفكار


والفوائد من هذا الموضوع هي :- ايجاد افكار متشابهة يمكن لاحدها تطوير الفكرة الأخرى تساعد على نجاح فكرة المشروع التجاري
- الاستفادة من تجارب المجربين الناجحة او الفاشلة وسماع قصص الاخرين
- زيادة المعلومات لفكرة معينة ربما لم تخطر لصاحب الفكرة
- دراسة امكانية البدء في المشاريع والافكار الناجحة ومعرفة معوقات البدء في المشاريع وايجاد حلول مناسبة لها
- التعرف على الفرص التجارية المتاحه
- زيادة الثقافة التجارية


وأتمنى ممن لديه فكرة او اقتراح او نصيحه -مهما كانت صغيرة او بسيطة- ان يطرحها هنا لنكوّن موضوع متكامل غني بالمعلومات الهامة حول كيفية البدء في المشاريع التجارية الصغيرة

 

[اطفـــائي محترق]

وانا راح ابدأ بفكرتي...
انا لا املك اي مشروع تجاري ولكني فكرت في مشروع شركة نظافة(تنظيف)

مثل هذه الشركات التي تقوم بتنظيف الكنب والموكيت والستائر والارضيات والجدران وسبب اختياري لها :-

الشركة لا تحتاج الى محل او مقر كبير مجرد غرفتين او 3 غرف للعدة والادوات

_لا تحتاج الى عمالة كثيرة يعني 4 او 5 يقومون بالواجب

_الادوات غير استهلاكية مثل المكانس الكهربائية واداوت الشفط والمكانس ..الخ فقط الصابون والمعطرات مع انه بالامكان استخدامها اكثر من مرة في اكثر من مكان

_مربحه جدا وذلك لان حساب التنظيف يحسب بالمتر المربع

_جائزة ان شاء الله ولا يوجد عليها خلاص شرعي


فما رأيكم ؟ لانني افكر يوميا في الموضوع وانا عاقد العزم على البدء فيه ان شاء الله ولكني احتاج الى آراء واقتراحات اخرى

 

[الفايدة للجميع]

مشروع حلو بس أهم شئ العماله المدربه وراح تبدأ المشاكل بعد ما تبلش بالعمل

وبعدين كل شئ يسير عادي راح تتعود على حلها

من بكره راح أسبقك بالمشروع .....لووووول

الله يوفقك بالمشروع ويرزقك من أوسع أبوابه يا أخوي

 

[zoya_y]

مشــروعي الصغير ... بفتح لي مكتب محاماه بعد 3 سنين مابي شي بس مستشار و معقب قضائي وعامل نظافه ... ​

 

[صيباء]

انا مشروعي واللي الحين قاعدة اشتغل فية هو توصيل الخضرة لمن الباب بس عندي هندي وسيارة بوكس مكيفة وتلفونة واتصال علي العامل وتقولة كل طلباتك من الخضرة يجيبها لك عند الباب وبس اشرايك فيني

 

[اطفـــائي محترق]

مشروع حلو بس أهم شئ العماله المدربه وراح تبدأ المشاكل بعد ما تبلش بالعمل

وبعدين كل شئ يسير عادي راح تتعود على حلها

من بكره راح أسبقك بالمشروع .....لووووول

الله يوفقك بالمشروع ويرزقك من أوسع أبوابه يا أخوي

والله تستاهل المشروع اخوي الفايده للجميع وابي الجميع يشارك علشان يستفيد ويفيدنا من تجاربه السابقه سواء كانت ناجحه او فاشله..

وشكرا الف شكر لك على نصائحك واقتراحاتك

 

[اطفـــائي محترق]

مشــروعي الصغير ... بفتح لي مكتب محاماه بعد 3 سنين مابي شي بس مستشار و معقب قضائي وعامل نظافه ... ​

الله يوفقج انشالله

 

[اطفـــائي محترق]

انا مشروعي واللي الحين قاعدة اشتغل فية هو توصيل الخضرة لمن الباب بس عندي هندي وسيارة بوكس مكيفة وتلفونة واتصال علي العامل وتقولة كل طلباتك من الخضرة يجيبها لك عند الباب وبس اشرايك فيني

والله شي طيب بس يبيله اعلانات كثيره
وياليت مو بس يكون للبيوت لان ممكن تتوسعين في شغلك وتوزعين على المطاعم والمطابخ ....والخ
والله يرزقج يارب
وبالتوفيق

 

[بو راس يابس]

مشــروعي الصغير ... بفتح لي مكتب محاماه بعد 3 سنين مابي شي بس مستشار و معقب قضائي وعامل نظافه ... ​

اذا فعلا هذا مشروعج .... لازم تردين على شغلج ....

 

[يا باغي الخير]

اخوي والله فكرة ان الواحد يفتحله مشروع شي طيب

الافكار موجوده وبكثرة ويمكن مجرد التفكير البسيط تطلعلك بفكرة حلوة ومفيده

لكن التخطيط والتنفيذ لها اهو الخطوة الاهم

يعني فكرة بسيطه مثل مطعم

كل الناس تعرف تفتح مطعم

واغراضه بسيطه وسهله

لكن جم مطعم تبطل اليوم وتصكر بعد فترة وخسر صاحبه

الفكرة حتى لو كانت قديمه ممكن تربح اذا عرفت شلون تخطط صح حق المشروع

المشكله ان اكثر الناس يفكرون بسطحية

انا قبل اظن ان الفكره اهي اللي ممكن تربح (يعني فكرة جديدة محد يعرفها )

بالعكس في شركات كبيرة فتحت على افكار قديمة والناس سابقينهم وربحت هالشركات ولي الحين شغاله

الفرق اهم عرفو شلون يستغلون المعلومات اللي عندهم وخططو صح وتنفيذهم صح

صح اذا كانت الفكرة جديده راح تكون ميزه لك لكن الحين الناس تقلد من تطلع بفكرة قلدوك


بعض النصائح اذا بغيت تفتح مشروع :

1- فكر شنو الناس تبي

2- حط ناس كفاءات

3- ضع خطه كامله حق المشروع من الصفر الى سنه قدام عالاقل

4- لازم يكون عندك راس مال محترم ويكون يغطي المشروع لمدة سنة عالاقل
الا اذا كان مشروعك بسيط وما يكلف

5- اجمع معلومات كافية عن المشروع

6- لا تصير بخيل قط شوية فلوس على الامور اللي تحتاجها عشان المشروع



اقرا كتب عن المشاريع التجارية وتعلم شي عن التجارة

هذا اللي عندي الحين وبالتوفيق للجميع

موضوع يستحق الاهتمام شكرا

 

[zoya_y]

اذا فعلا هذا مشروعج .... لازم تردين على شغلج ....

من الحين لي شهر 8 إذا مالقيت وظيفه سنعه راح يكون مالي غيره ​

 

[Moshaks_777]

الله يعطيكم العافيه على الموضوع الصراحه هذا موضوع جدا مهم لمن يحب أن يعتمد على نفسه
أنا شخصيا عندي محل فاضي وقاعد أدفع اجار على الفاضي من شهرين بس المشكله بالفكره أنا كنت بفتحه محل كمبيوتر بس حدوني قالولي مايصير تفتح محل كمبيوتر لأن في بنفس المجمع نفس النشاط
الحين أنا ماعندي فكره معينه أبلش فيها شرايكم بمحل ألعاب أطفال
وإذا عندكم فكره نوروني

 

[Moshaks_777]

للرفع

 

[al-karrar]

بسم الله الرحمن الرحيم​

اول شي مشكورين على الموضوع الطيب والممتاز

حبيت اظيف على الموضوع انه في ناس عندها مشاريع في بالها بس مافي سيوله

حبيت اقولكم انه في البنك الصناعي وفي شركه المشاريع الصغيره وفيه شركه كامكو يمولون مشروع اي شخص يكون جاد ويمولون مشروعه بنسبه 85% يعني احلى من جذي ماكو وانا واحد من الناس في بالي مشروع قوي وان شاء الله هاليوم افضى واروح حق الشركات اللي كتبتهم بشوف منو احسن لان ياخذون نسبه من المشروع ويسون دراسه جدوى قبل كل شي يعني المشروع باذن الله ناجح 90%


والله يوفق الجميع​

 

[CHALLENGER]

وانا راح ابدأ بفكرتي...
انا لا املك اي مشروع تجاري ولكني فكرت في مشروع شركة نظافة(تنظيف)

مثل هذه الشركات التي تقوم بتنظيف الكنب والموكيت والستائر والارضيات والجدران وسبب اختياري لها :-

الشركة لا تحتاج الى محل او مقر كبير مجرد غرفتين او 3 غرف للعدة والادوات

_لا تحتاج الى عمالة كثيرة يعني 4 او 5 يقومون بالواجب

_الادوات غير استهلاكية مثل المكانس الكهربائية واداوت الشفط والمكانس ..الخ فقط الصابون والمعطرات مع انه بالامكان استخدامها اكثر من مرة في اكثر من مكان

_مربحه جدا وذلك لان حساب التنظيف يحسب بالمتر المربع

_جائزة ان شاء الله ولا يوجد عليها خلاص شرعي


فما رأيكم ؟ لانني افكر يوميا في الموضوع وانا عاقد العزم على البدء فيه ان شاء الله ولكني احتاج الى آراء واقتراحات اخرى

مشروع كخطوة صغيره الى الامام جدا رائع اذا عرفت كيف تكسب ثقة الناس

 

[CHALLENGER]

\

الله يعطيكم العافيه على الموضوع الصراحه هذا موضوع جدا مهم لمن يحب أن يعتمد على نفسه
أنا شخصيا عندي محل فاضي وقاعد أدفع اجار على الفاضي من شهرين بس المشكله بالفكره أنا كنت بفتحه محل كمبيوتر بس حدوني قالولي مايصير تفتح محل كمبيوتر لأن في بنفس المجمع نفس النشاط
الحين أنا ماعندي فكره معينه أبلش فيها شرايكم بمحل ألعاب أطفال
وإذا عندكم فكره نوروني

تذكرني في مشروع سابق لي شريت محل عشان موقعه واجاره رخيص قلت شهرين وابيعه (خلو) طول محد شراه قلت اضمنه طول بعد والاجار شغال قلت بفتح له اي مشروع يطلع اجاره وبالنهايه المشروع فرض نفسه وليس انا من اختاره
وهذا في نظري خلاف الاولى المفروض العد يكون عكسي وليس بهذا الشكل

المشروع ثم المحل

 

[أوبال]

صحيح المشروع الناجح مو لازم يكون فكرة يديدة ومبتكرة أهم شئ العمالة الكفؤ...مثال صغير ولحد يظن إني أسوي دعاية حق أحد لا والله...لكن حبيت أضرب لكم مثال...
شفتوا الشركة مالت تنظيف السيارات اللي في الباركينج مال المرينا!!!
أعتقد إسمها "برنتو" توقف سيارتك وأنت داش المول وينظفونها لك بنص ساعة ويمكن أقل كل هذا بثلاث دنانير...والله رجعوا سيارتي يديده...
وأنا أوديها مغسلة ثانية وتقعد بالأيام على 45 دينار ووالله مو نظيفة 100%...
شمعنى ؟؟؟ ما أدري
بس أمانه هذا المشروع مو روعة؟؟؟
خنشوفه نقطه...نقطه:
- فكرة أنه مأجر أرضية الباركنج هاذي فكرة حلوة ومبتكرة..
- المعدات اللي مستخدمينها متخصصه ومو موجودة بالديرة...
- العمال اللي حاطهم فلبينيين ومتخصصين بهالشغلة..
يعني ماشاء الله عناصر متكاملة...
أنا بالنسبة لي أحب الأفكار المبتكرة وعندي وااااايد أفكار ...ويمكن في يوم أتهور وأسويها
شكراً عالموضوع الحلو والشيق...

 

[كويتيه @]

موضوع حلو حبيت ارفعه للاستفاده وياليت اللي عنده افكار اكثر يطرحها

 

[زلابيـــا]

الله يهداك رافع موضوع صار له اكثر من سنه ونص

!!!؟؟؟

 

[ريّس نفسه]

الله يهداك رافع موضوع صار له اكثر من سنه ونص

!!!؟؟؟

صراحة الموضوع يستاهل

انا جربت اكثر من شغلة وصج ان ما توفقت لكن الحمدلله ما خسرت..

لكن الشي اللي لاحظته ان اغلب الناس اللي توفقوا في تجارتهم ما

اختاروها بالصدفة ... يعني اغلبهم مروا في مواقف كانت لهم *سبب* في

اختيارهم للمشروع وسبحان الله بعدها مشت الامور ونجحت مشاريعهم

طبعا مجرد ملاحظة ممكن اكون غلطان لكن وايد قاعد اشوفها على ارض الواقع

الله يوووفقكم