السلام عليكم اخوي خالد..
بالنسبه للفرق بين الصغيره والكبيره ... فالكبيره فيها مروحه تساعد على تخفيف الحراره وعلى انها
تشتغل لفتره اطول من غير ما تهنق او تحترق على عكس الصغيره وهي زينه ما هي مو زينه ... ولكن الافضل والاحسن هي الكبيره طبعا ولكن الكبيره و .... ( الاصليه )
لأن الكبيره فيها الكثير من الغش حتى انهم يجمعون قطع مستعمله في دبي ويبيعونها على انها يديده هني بالكويت .
وبالنسبه للصناعه فكلها صينيه حتى الاصليه فهي تجميع صيني وانت عارف ان اغلب الادوات الالكترونيه هالوقت تجمع بالصين وماليزيا وتايوان و و و ... وبالتالي ماكو يابانيه 100% واللي يقولك
انها صناعه يابانيه هذا يقص عليك مع كل احترامي ... وما اعتقد انك راح تحصل كبيره أصليه يديده بالسوق .
شلون تعرف الاصليه من غير الاصليه وانها مجمعه ولا لأ ؟
تشغل البلاي ستيشن بدون CD وتضغط على المثلث (Version) وبأول سطر تلاقي رقم يمه مكتوب كلمة (Console) ونفس هالرقم تلاقيه مكتوب على الجهاز نفسه من الخلف على (الليبل) أو اللزقه مثل ما نسميها بالكويت وبالتحديد يمين كلمة (SONY) واذا كان الرقم غير ... فهي غير اصليه أو تجميع .
آسف على الإطاله ... و سامحنا عالقصور ... والسلام عليكم ورحمة الله .