صدق اني مالي حض ...... والله اني مقرود

[Abu Faisal]

والله ياشباب اني مالي كل ماشتري سهم يطيح في حلقي و ينزل والمشكله انه بس ابيعه يطير اعطيكم امثله

1- اشتريت aks بي 2.84 ونشب في حلقي كم اسبوع قمت بعت ب 2.84 اليوم الثاني و صل 3.2 وماكمل اسبوع الا وصل 5 دولار

2- اشتريت hec ب 0.67 ونفس الطريقه بعد ما بغت نط الى 1.2

3- اشتريت اول امس phar بي 1.9 وبعت ب 2.05 اليوم وصل 3 دولار

اشتريت atng , Ivoc ibzat iso , ونفس المشكله

الحين شريت rgen بي 3.04 كم تنصحوني ابيع؟

وشكرا

 

[ممدوح]

نحتاج الى ادارة للمحفظة بشكل افضل حتى لا تاكلها القوارض
كلمة حظ وليست حض
لا تغامر بكل راس مالك في سهم واحد
اشتر نصف الكمية اذا وثقت في السهم واجعل عندك سيولة لتستخدم نصفها عند النزول الى منطقة دعم محترم
ولا بد ان يكون في محفظتك كاش
وهو مجال كبير للتعلم
واتمنى لك التوفيق

 

[ابوخالد]

ممدوح انت رائع
خير الكلام ماقل ودل

 

[Abu Faisal]

ممدوح مشكور ومقصرت اقول خلني معك الي بتشتريه قولي وانا اشتري معك والبيع نفس الشي وبعدين قلي ايش رايك في rgen 3.4

 

[الغالي]

بصراحة هناك أشياء بسيطة نغفل عنها وقد لايوليها البعض أهمية ولكنها في اعتقادي أنها من أسباب التوفيق ان شاءالله :

1- التوكل على الله في طلب الرزق

يقول الشاعر :-


توكلت في رزقي على الله خالقي ... وأيقنت أن الله لا شك رازقي

وما يكن من رزقي فليس يفوتني ....ولو كان في قاع البحار العوامق

سيأتي به الله العظيم بفضله ...ولو لم يكن مني اللسان بناطق

ففي أي شيء تذهب النفس حسرة .. وقدقسم الرحمن رزق الخلائق

2- لا تنسى أيضا دعاء دخول السوق وأنصحك بحفظه أو كتابته وتعليقه بجانب الجهاز وهو :

( لا اله الا الله وحده لا شريك له ، له الملك وله الحمد ، يحيي ويميت وهو حي لا يموت ، بيده الخير ، وهو على كل شيء قدير )


3- كثرة الاستغفار وهناك آية من القرآن تبين أن الاستغفار يجلب الرزق

4- واذا خسرت قل اللهم اجرني في خسارتي واخلف لي خيراً منها .

وأنصح الجميع أن يكثر في هذه الأيام العشر من ذي الحجة من التسبيح والتكبير .

سبحان الله والحمدلله ولا اله الا الله والله أكبر

 

[doji]

عزيزي ابو فيصل

كلام الغالي اكثر من رائع بالاضافة الى صلاة الاستخاره
وقبل الدخول يجب ان يكون السهم متوافق مع الضوابط الشرعيه

وترى ما يمنع الواحد يشيك على المؤشرات في اغلب الاحيان تعطيك استاندباي انتظار قبل اتخاذ القرار سواى بيع او شراء .

عموما اذا كان مالك خلك عليها خذ الاهم فيها
macd
rsi

واذا مالك خلك شيك على sar فقط لين شفت اخضر اعتبره شراء واذا شفت احمر اعتبره بيع

http://finance.yahoo.com/q/ta?s=INTC&t=1y&l=on&z=m&q=b&p=p&a=&c=

تمنياتي لك بالتوفيق
اخوك ابو عادل

 

[ابوخالد]

ابو عادل
الله يحفظك ممكن توضيح لموشر sar
ترى ان مارديت علي ابحفظ هالموضوع مع الاول الي طنشتني فيه
وترى ماراح ازعل كل ماصار عندي استفسار شبيت على الكيبورد

 

[doji]

افا عليك ابو خالد

صدقني مو تطنيش بس اشغال

انا الحين خارج الرياض في مهمة عمل وخليها على الله .

على العموم من خلال رابط الياهو الشهير


Yahoo! Finance

بعد ادخال رمز السهم شوف القائمة اللي على اليسار
كليك Technical Analysis

بعدها كليك Parabolic SAR

تكون اشارة الشراء عند اللون الاخضر تحت سعر السهم وتكون اشارة البيع احمر فوق سعر السهم .

صعبه ابو خالد

تحياتي

اخوك ابو عادل

 

[ابوخالد]

ابوعادل
الله يجزاك خير
بس والله مو القصد
انا جربت كل ماذكرت قبل ما ارسل لك لانه فعلآ بسيط
بس كنت اتمنى شرح عن هالموشر ودرجه اهميته ويعتمدعليه ولا لا
يعني انا مسمي rsi موشر دوجي لاني ماعرفته الا منك ومن الحبيب ابوهاني في موضوع البري ماركت وصرت اتاكد منه قبل الشراء والبيع
على العموم الله يردك لنا سالم غانم

 

[Abu Faisal]

الله لا يهينك ماقصرت بس ممكن تقول لنا ايش هي مدلولات وافضل قيم لي
macd
rsi

 

[طالع]

اها... عندي لك الحل ( توسيعة صدر)

على طاري مقرود ... ترى السنة الحالية في التقويم الصيني هي سنة القرد ...


وهم يستبشرون جدا جدا في هذه السنة ( سنة خير في نظرهم )


ومادام انك مقرود ... يبيلك تروح الصين في هذه السنة (سنة القرد)..وتبدا تبيع وتشتري وتشوف النتيجة ...


-----------
لا تاخذ الكلام السابق من ناحية شخصية ... وسع صدرك بس

 

[محلل اقتصادي]

الظاهرة هذي منتشرة بين الشباب ومكلمكم يعاني من مشكلة التوقيت المناسب للدخول والخروج من السهم (بس ابشركم خفت الحالة شوي ) اعتقد الشغلة يبغالها علم بوضع السهم والتحكم في الاعصاب مع شويه خبرة وان شاء الله خير.