من غشنا فليس منا

[Bo-SaNaD]

السلام عليكم ورحمه الله وبركاته.....

في شغله اخواني كثرانه هني بالمنتدى واهي ان بعض الاخوان يجيبون ساعات وجناط ونظارات من تايلاند والصين تقليد درجه اولى ويكون سعرها غالي يعني شغلها مضبوط بس يذكر في اعلانه انها اصليه 100%100 ومايقول انها تقليد هذا غش يحسبون ان الناس ماتعرف تفرق بين الاصلي والتقليد الهاي كواليتي اللي يكون درجه اولى ف الاخو اللي يروح يشتري لما يتعنى ويطق درب عشان يشتري السلعه هذي يكتشف انها تقليد درجه اولى ويهون عن الشريه ف من الاول الاخ اللي يعرض البضاعه ياريت يذكر انها تقليد لان مو الكل على راسه دهن وشكرا

 

[ابو سالم1]

شباب اى واحد فيكم يكتشف نصاب لا يتستر علية نرجو من الاخوة على طول يفضحونة عشان يصير عبرة لغيرة فى ناس حرام ماتعرف التقليد من الاصلى وناس تستغلهم ولازم نتعاون ونفضح جميع النصابين عشان نعيش فى منتدى بلا نصابين
​

 

[abu_fajer]

شباب عندي كلمه بقولها بس لحد يزعل

يبا كثرة المغفلين بالنت والمنتدي

تسهل الامور علي النصابين والغشاشين

يقولك غشني بجنطه بسيطه كلها 20 دينار

يبا اذا كل واحد يسكت عن غشاش صارت دمار الدنيا

يجب ومن واجبنا فضح الغشاشين والنصابين

يدي بيدكم اخواني

بوفجر

 

[بوحمود1]

والله ابتلشنا ياجماعة

ماتعرف منو الصاج والكذاب بهالمنتدى

ياأخى هالناس ماتخاف الله ، شلون ياكل حرام

ماعنده اهل ، عيال ، مايقول اللى خذيت منه هالفلوس يمكن يدعى على

ماأقول الا الله يفكنا من شرهم ويهديهم ويتوب عليهم من اكل الحرام

 

[Xmedia]

كلام حلو

على العموم انا عندي جنط نسائية تقليد درجة اولى طبق الاصل ماتفرق بين الاصليه و الي عندي التقليد الي حاب يراسلني

 

[سهم فسفوري]

اللهم إرزقنا رزقا حلال طيبا مباركا فيـــه

 

[بني سعد]

فكروا فى اولادكم اولا


بارك الله بكم جميعا

 

[abdullah151]

بارك الله فيك بو سند
تنبيه مهم
وياريت تكتب بالعنوان قال رسول الله صلى الله عليه وسلم (( من غشنا فليس منا ))

 

[Bo-Shhab]

أكيد اهم الشي الامانه. و فلوس الحرام مادوم و بيتحاسب عليها بالآخره
جزاك الله خير

 

[al3zeez]

بو سند الله يعطيك العافيه
وانا اقول سبب هالسالفه ان اكثر الناس هني بالمنتدى غشيمين (مثلي) بالساعات النسائيه ولا الجنط
اذكر مره وحده شريت من واحد هني الله يبيض وجهه وهو سبيشل ستايل على ما اعتقد وكانت جنطه تقليد وهو قالها بنفسه وعطاني اياها بسعر ممتاز صراحه (مع العلم انه كان يقدر يغشني لاني قايله اني ما اعرف بتاتا باسعارهم) لكنه ولد حلال
لهالسبب وذكر المثل اقولك اذا لقيت صاحب سلعه حاط انها اصليه وهي تجاريه وانت فاهم وعارف نورنا معاك يا اخي اضعف الايمان اذا لقيت موضوع واحد وانت واثق انه غلطان رد عليه ووضح لباقي الاعضاء علشان نعرف انها ماتسوى السعر الي هو يبيه
والله يجزاك خير على الكلام الغير مأكد مع احترامي لك

انا ما اقولك سيئ بسمعه احد ولكن اذا شفت موضوع فيه نفس ما انت تقول ياليت ترد علشان نعرف الصح والغلط وندعيلك
سلام

 

[abu_fajer]

العزيز

يا غالي شكثر اشوف شغلات زايد عن سعرها 10 مرات وناس تسوم بسعر جنوني

واسكت لانه اكثر من مره اتكلم والشباب يقولون انت شكو هو سايم او انت ؟

ياريت انه كل انسان يكون رقيب علي نفسه ويخاف علي اولاده

بوفجر

 

[al3zeez]

كلامك سليم اخوي ابو فجر ولكن الكلام عن السلعه اذا كانت اصليه ولا تجاريه مو السوم
انا واحد من الناس الي غشيم في الاصلي والتجاري وابيلي واحد يفهمني او ينصحني
اذا بنفرض انت ابو فجر لقيتك فاهم وعارف مو معقوله بكل مره بقولك تعال شوفها لي اصليه ولا تجاريه لاني بسومها
اماا اذا لقيت واحد نفس ابو سند ويرد بالموضوع ويقول السلعه هذي تجاريه(فقط كلمه تجاريه ) انا راح اعرف انها ماتسوى وادعيله انه نبهني ونبه باقي الاعضاء الغشيمين مثلي
وشكرا

 

[abu_fajer]

عن نفسي راح انوه ان وجدت شي غير تجاري او غير طيب او غير اصلي

بس ترا بيزعلون الشباب مثل ما قلت لك

واذا تبي تشوف كلامي شوف موضوع الدراريع السوريه وانت راح تفهم

بوفجر

 

[Bo-SaNaD]

انشالله اذا شفت موضوع فيه شي مريب احنا مانقول غش للكن نقول ان صاحب الموضوع يمكن يكون ناسي او غلطان راح انوضحه للاخوان هني وراح اكتب رد اقول فيه تجاري .... بس المشكله يالعزيز انهم يحطون صور والصوره اغلب ماتكون مسحوبه من موقع ماركه الجنطه فمن الطبيعي راح تكون اصليه وهني ماتقدر ترد عليه وتقوله تجاريه الا لما تشوفها بعينك وصدقني الاصلي عن التقليد يبين اكو اختلافات مثل ملمس الجلد اذا كانت جلد او نوع الخامه اذا كانت خامه راح يكون في فرق والله يبعد عنا وعنكم الغش ...

لا اخاف في الله لومه لائم

 

[سبشل ستايل]

بو سند الله يعطيك العافيه
وانا اقول سبب هالسالفه ان اكثر الناس هني بالمنتدى غشيمين (مثلي) بالساعات النسائيه ولا الجنط
اذكر مره وحده شريت من واحد هني الله يبيض وجهه وهو سبيشل ستايل على ما اعتقد وكانت جنطه تقليد وهو قالها بنفسه وعطاني اياها بسعر ممتاز صراحه (مع العلم انه كان يقدر يغشني لاني قايله اني ما اعرف بتاتا باسعارهم) لكنه ولد حلال
لهالسبب وذكر المثل اقولك اذا لقيت صاحب سلعه حاط انها اصليه وهي تجاريه وانت فاهم وعارف نورنا معاك يا اخي اضعف الايمان اذا لقيت موضوع واحد وانت واثق انه غلطان رد عليه ووضح لباقي الاعضاء علشان نعرف انها ماتسوى السعر الي هو يبيه
والله يجزاك خير على الكلام الغير مأكد مع احترامي لك

انا ما اقولك سيئ بسمعه احد ولكن اذا شفت موضوع فيه نفس ما انت تقول ياليت ترد علشان نعرف الصح والغلط وندعيلك
سلام

ووجهك ابيض والله وانا لي الشرف بالتعامل مع ناس مثلك وشرواك

على راسي والله يالعزيز

والله يسلمك من الشر

 

[al3zeez]

ووجهك ابيض والله وانا لي الشرف بالتعامل مع ناس مثلك وشرواك

على راسي والله يالعزيز

والله يسلمك من الشر

حبيب قلبي بس ترى اطلبك 200 فلس حق البيبسي الي شريته لك انت ورفيجك

 

[al3zeez]

انشالله اذا شفت موضوع فيه شي مريب احنا مانقول غش للكن نقول ان صاحب الموضوع يمكن يكون ناسي او غلطان راح انوضحه للاخوان هني وراح اكتب رد اقول فيه تجاري .... بس المشكله يالعزيز انهم يحطون صور والصوره اغلب ماتكون مسحوبه من موقع ماركه الجنطه فمن الطبيعي راح تكون اصليه وهني ماتقدر ترد عليه وتقوله تجاريه الا لما تشوفها بعينك وصدقني الاصلي عن التقليد يبين اكو اختلافات مثل ملمس الجلد اذا كانت جلد او نوع الخامه اذا كانت خامه راح يكون في فرق والله يبعد عنا وعنكم الغش ...

لا اخاف في الله لومه لائم

حبيب والله ابو سند والله يجزاك كل خير
وبجرب سالفه الخامه يمكن اقدر استوعبها

 

[al3zeez]

عن نفسي راح انوه ان وجدت شي غير تجاري او غير طيب او غير اصلي

بس ترا بيزعلون الشباب مثل ما قلت لك

واذا تبي تشوف كلامي شوف موضوع الدراريع السوريه وانت راح تفهم

بوفجر

جذي تمام يالربع انا دخلت الموضوع وقريته وكان السعر مبالغ فيه
ترى والله مافيها شي اذا احد علم الاعضاء بسعره الحقيقي بالعكس مافيها زعل
حتى لو انا صاحب الموضوع يمكن توزني نفسي اني انصب (مانقول بعضهم يمشي النصب في عروقهم) لكن لمن اشوف في ناس فاهمين ويعطون السعر الاصلي ادق بريك ولا احاول اخذ الا الشي الي يرضيني ويرضي الجميع

 

[سبشل ستايل]

حبيب قلبي بس ترى اطلبك 200 فلس حق البيبسي الي شريته لك انت ورفيجك

ههههههههه تامر امر وابشر بعشا بعد مو 200 فلس

انت بس قول تم ومايصير خاطرك الا طيب

 

[Knights]

جزاكم الله خير شباب على هالموضوع الحلو والمفيد وقواكم الله