منظرة البلوتوث .. سعر 29,9 دينار مع الصور

[gehad_1010]

جزاكم الله الف خير , والله ما خيبتوا ظني فيكم
الله يرزق الجميع

 

[al7ajy]

يعذرني صاحب الموضوع

اعرف مكان يبيعونها باقل من 25

اللي مهتم يرسل خاص لي

بالتوفيق اخوي وممكن الماركه تختلف اخوي

بوفجر

السلام عليكم اخواني

هل الظاهره اشوفها وايد في هل المنتدى
بو فجر الله يهداك انت وامثالك خل الريال يترزق الله
يعني صايرلي شريف رومه وآنه الي افهم وبنقذ ربع المنتدى من انه يدفعون 5 دنانير ازياده
يا اخي الريال لو ايبيعه ابألف اذا تبي تشترون حياكم واذا ما تبون الف موضوع بالمنتدى روح اكتب بأي واحد فيه عشان اتزيد نقاطك اذا هذا غرضكم

آنه بسمي هل الظاهر
ظاهرة بوفجر على اسم صاحبنه

واي واحد ايسوي جذي بطب فيه

بالتوفيق يا صاحب الموضوع وانشاء الله تمشي بضاعتك كلها

والسلام عليكم

 

[Bo-Shhab]

يعذرني صاحب الموضوع

اعرف مكان يبيعونها باقل من 25

اللي مهتم يرسل خاص لي

بالتوفيق اخوي وممكن الماركه تختلف اخوي

بوفجر

قطع الأرقاب ولا قطع الأرزاق. والله عيب يا جماعه على فرق 5 دنانير ؟
يابوفجر تكفه خاف ربك

 

[البواردي]

لا حول ولا قوة إلا بالله
يا اخي بو فجر بارك الله فيك هذي ارزاق والشباب اهني قاعدين يكاسرون صاحب البضاعه بكل سعة صدر وما اضن المكاسر فيه شي الريال عنده بضاعنه والناس عندهم فلوسهم والله يرزق الجميع
فما يجوز الله يبارك فيك تخرب على الرجل

 

[heran]

اخو ي بو جهاد
الصناعة صينية وتتحمل حرارة الكويت شرط ماتذوب من الحرارة
وهل تعرض الاسم بالعربي

 

[al3zeez]

يا جماعه الخير شفيكم هبيتوا بوجه الرجال ابو فجر
الرجال قال انه يعرف مكان باقل من 25 بعدها
بالتوفيق اخوي وممكن الماركه تختلف اخوي
هذا يثبت انه مو قصده التخريب ولو لو بيخرب جان قال سعرها كذا بالمكان الفلاني ماقالكم ممكن الماركه غير
فرجاءا الاحترام يا شباب ولحد يقول شي او يغلط قبل لا يقرء الرد عدل لان مو حلوه هاليومين كل ما ندخل موضوع لازم فيه سب او غلط او اتهامات
(وانا ادري ان هني بالمنتدى وكل المنتديات اكثرهم يدخل الموضوع مايقراه بس يقرا الردود ويقلدهم والدليل الي حصل منكم بهالموضوع ولا معقوله ولا واحد قرء رد ابو فجر عدل؟ والمفروض منك اخوي صاحب الموضوع انك توضح مافيها شي الرجال يستفسر ويقولك ما ادري يمكن الماركه غير انت وضحله ولنا بعد ان الي عندك ماركته كذا وسعره فيه غير التجاري الي يمكن يقصده ابو فجر
اضعف الايمان انت اذكر الماركه الي عندك وكان الله غفورا رحيما)

 

[mosawi83]

يا اخي مثل ما تبي تفيد أخوانك بالمنتدى هم اهو اخوك في الله

عيب يا جماعة كل شي و لا قطع الارزاق .. و ما دام تقول ممكن تختلف الماركة .. ليش ما تتأكد قبل ما تظلم الريال .. في ناس باعوها ب 45 و الشرراية راضين .. ليش تخرب على اخوك .. أفا عليك بس !!!

و الله العظيم مالي علاقة بالبايع بس كلمة الحق لازم تنقال

صح لسانك

 

[r77a]

يا شباب الحين سوموا مو قلتوا موضوع الرجال مناقشات وابداء آراء
اللي يبي يشتري يسوم ترى الرجال بالنهاية يبي يبيع
والاخ بو فجر يعني بشر حالنا حاله ومافي احد معصوم من الخطأ والله يسامح الجميع
وانشاءالله يكون الاخ صاحب الموضوع سامحه ورجعت الماي لمجاريها

ملاحظة ( ترى والله ما اعرف لا صاحب الموضوع ولا ابو فجر )

 

[gehad_1010]

اسف على التأخر في الرد , عافاكم الله كنت مريض امس (ان شالله ما تكون دعيت علي خوي بوفجر ) ومشكورين كلكم على الردود الطيبة وسامحونا على التقصير

اخو ي بو جهاد
الصناعة صينية وتتحمل حرارة الكويت شرط ماتذوب من الحرارة
وهل تعرض الاسم بالعربي

اخوي اي نعم الصناعة صينية و تتحمل الحرارة لكن بالنسبة للإسم تعرض بس الاسم بالانجليزي للأسف

 

[Bo-SaNaD]

ياسبحان الله... الرجال عارض سلعه ويطلب من وراها الرزق وبعض الاخوان يدش يقولك انا اعرف مكان يبيعها بنص السعر وانا اعرف واعرف ولو تروحله تقوله دلني يقوله هاااا خلصت البضاعه .... ياجماعه عيب والله عيب انشالله حاط سعرها 20000 دينار انتا شكو اكو ناس تدش تشتري لا تبخسون الناس اشيائهم خافو الله وبالتوفيق اخوي جهاد ( انا والله ماعرف ولا عضو بالمنتدى ) وعلى فكره قبل فتره كانت تنباع المنظره هذي 35 دينار للعلم فقط والله الموفق

 

[abu_fajer]

اجر وعافيه اخوي جهاد

لا حبيبي لا دعيت عليك ولاشي

ومثل ما قلت شباب حبيت انصح

والدين عند الله النصيحه

الشباب ككل الله يرحم والديكم اللي عنده كلمه طيبه يقولها والا غير يسكت افضل

بالتوفيق للجميع

بوفجر

 

[al3zeez]

ياسبحان الله... الرجال عارض سلعه ويطلب من وراها الرزق وبعض الاخوان يدش يقولك انا اعرف مكان يبيعها بنص السعر وانا اعرف واعرف ولو تروحله تقوله دلني يقوله هاااا خلصت البضاعه .... ياجماعه عيب والله عيب انشالله حاط سعرها 20000 دينار انتا شكو اكو ناس تدش تشتري لا تبخسون الناس اشيائهم خافو الله وبالتوفيق اخوي جهاد ( انا والله ماعرف ولا عضو بالمنتدى ) وعلى فكره قبل فتره كانت تنباع المنظره هذي 35 دينار للعلم فقط والله الموفق

لا تثير الفتنه وصاحب الموضوع فهم ان ابو فجر مو بنيته التخريب والدليل انه وضح صناعتها ومواصفاتها لنا لان ابو فجر قال يمكن الماركه تختلف وغيره طلب الصناعه وانا طلبت التوضيح
بالتالي يطلع الموضوع خالص وماله داعي تثير الفتن لان كلامك هذا فيه ظلم لان ما اعتقد انك سألت الرجال عن المكان وقام يتهرب منك نفس ما انت تقول
فرجاءا الموضوع خالص والله يوفق البايع
للعلم والله ما اعرف ابو فجر ولا البايع
واجر وعافيه لصاحب الموضوع

 

[مطاري]

ياليتك يابو فجر مادشيت هنى ياخى دخولك وكلامك عاث بالارض فسادا
خربت بيعت الولد وانتا ما استفدت شي غير انك قطعت عليه رزقه ياخوى اذا جذى تنصح الناس عوع مانبيلك نصيحه
وانا ابي انصحك دام هذا اسلوبك دش كل ماكن وطالع بعويناتك @^@ بس ولا تعقب ولا تنصح
والاخ العزيز يعنى مرقعلك اذا كنت انتا نفسه هم تفرج وبس

 

[abu_fajer]

لا مطاري مو نفسه

العزيز اخ عزيز افتخر فيه جمعتني معاه صفحات المنتدي علي الصدق

عموما انا تفاهمت مع صاحب الموضوع وانتهينا ما ادري ليش مكبرين القصه انتم

الله يسامح الجميع

بوفجر

 

[gehad_1010]

تكفون شباب
الحمد لله البضاعة انباعت و باقي حبتين بس
اطلب من المشرفين غلق الموضوع واللي يبي يطلب ما عليه امر يراجعني على الخاص
والسموحة , اتمنى ما حد يزعل مني لو قصرت معاه في شي

 

[الحيشان]

السلام عليكم يا جماعه بو فجر مو قصده اخرب علي الريال ابرزقه ولا طبع بو فجر ان يقطع رزق الريال وانا تعاملت مع بو فجر وبصراحه ونعم فيه بس صار سوء فهم في الموضوع وانتها ويا شباب خلونا في المهم وهي بضاعه اخونا gehad بصراحه بضاعه حلوه ومميزه وعسي الله يوفجك ويرزقك ومشكورين

 

[al3zeez]

ياليتك يابو فجر مادشيت هنى ياخى دخولك وكلامك عاث بالارض فسادا
خربت بيعت الولد وانتا ما استفدت شي غير انك قطعت عليه رزقه ياخوى اذا جذى تنصح الناس عوع مانبيلك نصيحه
وانا ابي انصحك دام هذا اسلوبك دش كل ماكن وطالع بعويناتك @^@ بس ولا تعقب ولا تنصح
والاخ العزيز يعنى مرقعلك اذا كنت انتا نفسه هم تفرج وبس

بالاول حمدالله على السلامه اخوي الجمايكي ونورت المنتدى بعد ماوقفوا عضويتك
ثانيا ردي الاخير معناته انتهاء للمشكله بس للاسف في ناس مثلك ماترتاح ولا تبي تنهي المشاكل الي حصلت بسوء فهم
ثالثا والي هو اهم صاحب الموضوع وكل الي دخلو تأكدوا ان بوفجر سليم ومايحتاج ارقعله نفس ماتقول ياعمري انت
ورابعا المنتدى انحط للنقاش وللفايده وللرزق ومحد يقدر يجبر الثاني انه مايرد على اي موضوع
فلو سمحت النصيحه مو عاجبتك تكلم عن نفسك بس



بوفجر اخو عزيز وغالي والله وانا الي افتخر بمعرفتي فيك وكذا واحد بالمنتدى




صاحب الموضوع بالتوفيق انشاءالله

 

[abu_fajer]

اخوي جهاد

طال عمرك بضاعتك موجوده وما ينغلق الموضوع الا يوم تقول توفقت وبعت

ومالك الا طيبة الخاطر

العزيز والحيشان يا قلبي كل من يرى الناس بعين طبعه

وربي مابيني ولابين احد شي علشان احقد عليه

نقفل الموضوع الله يبارك بالجميع

بوفجر

 

[BMW-740]

اخوي جهاد

طال عمرك بضاعتك موجوده وما ينغلق الموضوع الا يوم تقول توفقت وبعت

ومالك الا طيبة الخاطر

العزيز والحيشان يا قلبي كل من يرى الناس بعين طبعه

وربي مابيني ولابين احد شي علشان احقد عليه

نقفل الموضوع الله يبارك بالجميع

بوفجر

بوفجر رايتك بيضة بالتوفيق دامك تفيد شباب المنتدى بالبضاعه الأرخص

مع إحترامي للشخص عارض البضاعه