لمتداولي حساب بيتك للتداول ... ؟

[محاسب^المستقبل]

السلام عليكم شلونكم شخباركم
بس بغيت اساالكم عن برنامج بيتك للتداول شرايكم فيه انا ناوي افتحلي حساب هناااك
شلونه و شلون استخدامه و بطئ ولا سريع و بالنسبة للتحليل و الاوامر شلونها ؟

 

[احمداني]

انا عندي حساب بيتك للتداول
من احسن ما يمكن
ترى كل البرامج تبيع وتشتري
وتعطي اوامر والاختلافات بينهم بسيطة
بس الحجي مو بالبرنامج
الحجي بشطارتك انت في اختيار الاسهم والبيع والشرا
الله يبارك لنا وياك ويرزقنا ....

 

[محاسب^المستقبل]

يعطيك العافيه اخوي بس انا اللي عجبني انه بس يتداول بالاسهم الشرعيه
انشالله باجر اجربه ؟
انزين اهو تشبك على موقعهم و تدخل ولا تنزل البرنامج على الجهاز ؟

 

[الراقي]

من قبل 8ايام فاتح عندهم حساب وحتى الأن لم يفعل الحساب وكل ما اتصل فيهم يقولون باجر نفعل حسابك
وانا عندي تدول اكتروني في شركة ثانية وماني مستعجل ابي اعطيهم شهر

 

[تفاءل بالخير]

البرنامج ممتاز مع اني ما جربت غيره لكن شوي يعلق لما تستعمل سوق الكسور لكن انصحك فيه

لما تفتح حساب عندهم اول شي تدخل على موقع بيتك للتداول وتروح حق تحميل البرامج وتنزل البرنامج
بعدين عاد كلما بتدش بس عليك تفتح البرنامج فقط

 

[بو بدر]

بصراحه .... ممتاز ... وما يميزهم ... أيضا

أسهم شرعية فقط

عند المساعدة ... يردون عليك على رقم 842000 وخاصة لما تكون بعيد عن جهازك ... يعني بالسيارة .. تعرض وتشتري ... مع الدلال مباشرة.. مو مثل الأوسط ... عمك أصمخ ... و كأنك طر منهم

.... أو كميفك ... دجالين .... ...

مرات قليله ... وخارج عن الأراده يعلق نظام ... وهذا شي طبيع

 

[محاسب^المستقبل]

اها يعطيكم العافيه شبابنا بس انا اللي ابيه سوق الكسور صراحة انشالله ما يعلق
و اذا عندي استفسار او شي مو عارفه اقدر ادق عليهم و يساعدوني ؟

 

[تفاءل بالخير]

تقدر ادق عليهم واهم بصراحة وايد متعاونين و وانا مرة سألتهم عن المصطلحات المستخدمة بالبرنامج للاوامر وجاوبوني بكل رحابة صدر

 

[محاسب^المستقبل]

يعطيك العافيه اخوي لاني صج مو وايد بالمصطلحات فهذا اللي كنت ابيه
و الحد الادنى 500 دك صح

 

[FOCUS]

شغال معاي زين تمام

التداول بالأسهم الشرعية فقط ..

إذا تبي يفعلوه لك بسرعه روح للشركة نفسها (شركة المثنى ) بسرعه يشغلوه ويفعلوه ..

أهم شئ المباشر مجاني لحد الآن


أخوكم فوووووكس

 

[تفاءل بالخير]

صح
بس اذا باجر فتحت حساب للتداول عن طريق بيت التمويل يبيلك 3 ايام على ما يتفعل يعني على الاسبوع الياي

 

[Believer]

للاسف الميزه الوحيده الفعلية فيه إنه متوافق مع الشريعه ... واللا ما كنت أحول عن الأوسط للتداول ...
الميزات:
1- متوافق مع الشريعة
2- برنامج التداول الالكتروني مجاني مؤقتا
3- سهولة التنقل بين القطاعات والأسهم ووضع أوامر البيع والشراء ومتابعة أخبار السوق.
العيوب:
1- البرنامج يعلق كثير.
2- سوق الكسور سيء عندهم ... من 15 إلى 60 دقيقة ليتفعل الأمر أو يتلغى + عموله أعلى من الآخرين + ما تقدر تغير أمرك غير ما تتصل فيهم + يبيلهم 10 - 20 دقيقه ليردون عليك واذا سوق الكسور يمكن يعطوك طاف.
3- ما عندهم أحد يجاوبك بالسوق وينصحك بالشراء أو البيع أو يعطي توصيات (للأسف تحسهم إلا نايمين أو يبون يخلصون اتصالك معاهم).

 

[محاسب^المستقبل]

للاسف الميزه الوحيده الفعلية فيه إنه متوافق مع الشريعه ... واللا ما كنت أحول عن الأوسط للتداول ...
الميزات:
1- متوافق مع الشريعة
2- برنامج التداول الالكتروني مجاني مؤقتا
3- سهولة التنقل بين القطاعات والأسهم ووضع أوامر البيع والشراء ومتابعة أخبار السوق.
العيوب:
1- البرنامج يعلق كثير.
2- سوق الكسور سيء عندهم ... من 15 إلى 60 دقيقة ليتفعل الأمر أو يتلغى + عموله أعلى من الآخرين + ما تقدر تغير أمرك غير ما تتصل فيهم + يبيلهم 10 - 20 دقيقه ليردون عليك واذا سوق الكسور يمكن يعطوك طاف.
3- ما عندهم أحد يجاوبك بالسوق وينصحك بالشراء أو البيع أو يعطي توصيات (للأسف تحسهم إلا نايمين أو يبون يخلصون اتصالك معاهم).[/QUOT

لا انا سوق الكسور اهم شي عندي

 

[قلب الازرق]

عند الاتصال عليهم يالله يردون ..او مشغول ...وان طلعك المسج الي حاطينه يقولك حط رقمك

راح نتصل عليك اخذ من دبش.............

 

[مفتاح]

على فكره اللي يتداول عن طريق بيتك للتداول


خرجت من الشرعيات ( مركز سلطان +بنك الأثمار ) حسب الورقه اللي أرسلوها لي بالفاكس

الله يوفقكم .. أحلا مافي البرنامج تبيع وتشتري بالأسهم الشرعيه ولو فيه ألف عيب ماغيره ..

 

[محاسب^المستقبل]

أها يعطيكم العافيه بس انا اكثر شي يهمني الخدمات مالتهم و خدمه التلفون

 

[محاسب^المستقبل]

صج اكو قاعه تداول بنك التمويل اللي ب جنوب السرة ؟

 

[ناصر فيصل]

تداول بيتك

اسؤ شي الاوامر قبل فتح السوق ما تنزل الا بعد فترة

 

[محاسب^المستقبل]

اها انزين شلون تعلمت عليه احد علمك ولا بسيط
انا ما احب التعقيد فاهمني

 

[n5eeb]

عندي فوق الممتاز ولا اعاني منه الى من شغلة التعليقه مو دايم