عجائب دبــي السبـــع بالصور

[حلال2006]

جاهزين يا شباب.....

7
7
7
7



1ـ العجيبة الأولى : برج دبي


سيفتتح في 2009 و كلف 4 ملايير دولار و تعد أطول بناية في العالم

2 ـ العجيبة الثانية : جزر النخيل


إنها أكبر جزر إصطناعية في العالم و تجمع ثلاث نخلات , نخلة الجميرة, نخلة جبل علي, و نخلة الديرة

3ـ العجيبة الثالثة : دبي لاند


أكبر مجمع ألعاب في العالم حجمه مرتين حجم ديزني لاند في ولاية فلوريدا

4- العجيبة الرابعة : الهيدروبوليس


أول فندق في العالم غائص تحت البحر بحيث الماء من فوقك و تحتك و على جانبيك و أنت في غرفتك . يمكنك مشاهدة الحياة البحرية من نافذة غرفتك تفتتح في 2009

5ـ العجيبة الخامسة : جزر العالم


جزر صناعية تم بنائها داخل البحر و مجموع الجزر يكون خريطة العالم . ثمن كل جزيرة حوالي 25 مليون دولار

6 ـ العجيبة السادسة : سوق دبي


أكبر سوق في العالم بداخلها أكثر من 1000 محل للبيع يعني تحتاج أسبوع لتزورها بالكامل

7- العجيبة السابعة : دبي للتزحلق على الجليد
مركز التزحلق مفتوح أصلا و لا أحتاج أن أقول بأنه الأكبر في العالم

 

[yoyo1983]

مشاء الله

ان شاء الله الكويت اتصيير احسن منهم

 

[لندن]

مشاء الله

ان شاء الله الكويت اتصيير احسن منهم

صح بالمشمش أو بالأحلام الكويت بمستوي السودان ألحين

 

[فايز1978]

لا ويقوولك دبي فقاعة صابوون يا عمي طير اي فقاعة صابوون


والله شي

 

[zoya_y]

بلاددكم حلوه حلوه بس الوطن ماله مثييييييييييل ...

عسى الله يبارك لهم في هالمباني آمين ... تستاهل دبي دار الحي

 

[مطاري]

ياسلام شي يبرد الجبد انا اعتبر تقدم دبي من تقدما لانه احنا كلنا فى بوتقه وحده اما بخصوص الموضوع زياده على اخوى الى نشر الموضوع ان اعلى برج بدبي خلصوا ثلاث ارباعه ومجابله بالضبط نافوره ماى راح توصل طول البرج شلون مادرى
اما مشروع النخله فعلا اعجوبه لان الى طلعوا على سطح القمر كانوا يشوفون بس سور الصين العظيم والعظيم الله الى يبين والحين صار السور ومشروع النخله
والفضل في ذالك لله ثم للشيخ راشد بن مكتوم والله لو عندنا منه اثنين بس جان غير معالم العالم
صج انه شيخ ماراح تحسون فيه لانكم عايشين معاه بنفس العصر لكن اسأل العصور القادمه عنه لانه راح يتخلد بالتاريخ واهو يكرم الناس وبصراحه لازم احد يسويله تكريم وانا متابع لكل مشاريعه من البدايه والله يوفقه
ملاحظه. صدت بدليتين على اخوى كاتب الموضوع ))
ملايير يعنى مليارات هذى وحده بس والله قويه
الثانيه يقول العجيبه الاولى والثانيه وكان لازم يقول الاعجوبه )
والله مو منك من الصور بصراحه تطير العقل

 

[بو راس يابس]

متى يخلص مشروع دوار الجوازات _ ودوار البدع ؟؟

يحق لي ككويتي أسأل هالسؤال وأنا اشوف الصور ؟؟

 

[اطفـــائي محترق]

يا جماعه ادري دبي احسن من الكويت سواء من الناحيه المعماريه او الاقتصاديه
بس ياالربع ترا دبي رايحه فيها واعذروني على هالكلمه
كلها فسق وفجور وللاسف انتشرت الامراض فيها وخصوصا الايدز

فأحمدوا ربكم على ديرتكم لان فيها ناس محافظين ولايرضون بهالخرابيط

 

[مطاري]

هلا

يا جماعه ادري دبي احسن من الكويت سواء من الناحيه المعماريه او الاقتصاديه
بس ياالربع ترا دبي رايحه فيها واعذروني على هالكلمه
كلها فسق وفجور وللاسف انتشرت الامراض فيها وخصوصا الايدز

هلا اخوى اطفائي يعطيك العافيه كلامك صح وماكو احسن من شرع الله
لكن الموضوع عن التطور والتطوير والارتقاء بكل المجلات الى يستفيد منها الانسان الاماراتى
تدرى ان كتاب غينيس للارقام القياسية مسجل اكثر من امية نقطه حق دبي بروحها
من ظمنهم اسرع معامله بالعالم خلصوا معاملة مراجع بست ثوانى
عمرك شفت احد يكرم عامل نظافه بنغالى بدبي كرموه لتفانيه بالعمل
واذا كنت تتكلم عن الدين احنا مو احسن دوله بالدين واذا راح نقيس على كلامك السودان احسن منا؟؟؟ صح
الكويت بامكانها تصير احسن دوله بالعالم لكن البيروقراطيه قتلتنا ذبحتنا
والحسد والحراميه
هذول ثلاث اشياء لو يختفون من الكويت صدقنى نصير احسن دوله

 

[برميت]

ماشاء الله


بس الكويت احلى

 

[jamalll]

متى يخلص مشروع دوار الجوازات _ ودوار البدع ؟؟

يحق لي ككويتي أسأل هالسؤال وأنا اشوف الصور ؟؟

كسرت خاطري والله
عندك كلينكس علشان امسح دموعك؟

امش اليوم اوديك اعشيك على حسابي ولا ينكسر خاطرك

 

[jamalll]

ماشاء الله


بس الكويت احلى

عزيزي ومنو قال ان الكويت مو احلى؟؟ لكن في شيء اسمه تطور!! في شيء اسمه عمل وشغل!! في شيء اسمه الحركه فيها بركه!!

دول الجوار طارت بارزاقها وطورت ديرتها للأحسن وانته مجلسك اللي يسمونه مجلس الفقمه بس فالحين بالبوق والهواش

ديرتك كلها جذب بجذب من وزيرك الى نائبك!!!

المفروض تقول الكويت كان اسمها دانة الخليج بالسبعينات والحين احنا شنو؟ المفروض تقول ان الكويت بالسبعينات ارسلت مدرسين على حسابها لتعليم الاماراتيين. لازم تسأل نفسك ليش صار العكس؟؟
الشاب الكويتي عمره يصك فوق الأربعين وولده شنبه خط وصار اطول منه وهو بشقه!!! بس علشان المافيا الكويتيه تستفيد من بيع الاراضي!!

انصحك انك تقص تذكره وتطير اسبوع تاخذلك اشه على دول الخليج وترجع

 

[عاشق سدني]

الحمدالله الكويت نعمه وكل شي فيها وانشالله تنحفظ دوم بافعال اهل الخير والشريعه

والحين خل يرشون على الكويت ماي مقري عشان الله يفكهم من الصراعات والحسد والغبار ويطورون على الاقل الخدمات الصحيه والكهربا الي قاعده تنقطع خل يحولونه طاقه شمسيه ويوفرون مليارات حق خدمات الدوله ..

 

[حلال2006]

الله يديم علينا نعمة الامن و الامان في خليجنا

 

[راشد (بو نواف)]

الله يهنيهم

 

[حامي الديار]

اعتماد دبي على الخمور والمراقص وعلى السياحه الجنسيه 45 % لو مافي خمر ومافي ديسكوات صدقني ولا اجنبي يروحلها واقتصادها طاح بالارض .
ياخوك يكفي لنا شرف والحمدالله بالديره عندنا كلشي الاولويه للكويتي والتسهيلات للكويتي ..
بالامارات مافي جذي ..

الحمدالله احنا ديرتنا مافيها جذي وعايشين بكرامه وراسنا مرفوع فوق .. والكويتي دايما راسه فوق بالقياده الحكيمة والحكومة الرشيده مهما صار اختلاف (( الكويت تجمعنا )) وماعندا لا خمر ولا ديسكوات ولا بطيخ ولا بنات ليل ولا نبي ادش ديرتنا اصلا ولا نبي التطور على حساب خراب الديره اب هالشكل يا جماعه ..

 

[مستثمر عنيد]

الكويت يبيلها قرار ..... بس قرار وتصير جنة الله في الارض

نقول حق الحكومة بسكم خش بهالفلوس وخربطة الاجيال القادمة ...عند صرفكم على المشاريع الحيوية والعمرانية الان فأنتم تستثمرون بديهيا للاجيال القادمة.... خلكم بهالجيل اللي ما شاف الا الحروب وشد الحزام لمن الحزام قام يصارخ....