أشتركنا يابوفيصل وهذي أول توصية للشباب

[ابو غانم]

كيف حالك يابو فيصل .

طبعا حبيت أسلم عليك وعلى الشباب وأنت بالذات لأنك الوحيد اللي رد على أستفساري بموضوعي السابق عن الاشتراكات .. وأحب أقولك أني أشتركت مع بيتر ليدز ولقيت أول توصية وراح أكون عند وعدي وأحط لكم أول توصية من بيتر ليدز ....... مع أن أخونا سنايبر في المنتدى الأزرق حاط التوصية نفسها بس راح أكون معاكم على الخط أحتمال يكون أخونا سنايبر غايب أو شي راح أكون أنا موجود معاكم بأذن الله واذا غبت هو ماراح يقصر ............... وانتووووووووووو تستاهلون .
هذا السهم للشراء بكرة الجمعة طبعا 30 يناير 2004

تفضلووووووووووووا

PMSI
Prime Medical Services Inc.
January 29th Market: Nasdaq
Profile Price: $5.16
Buy Opinion: 4.75 - 5.25
Short-term Sell: 7.80 - 8.65
Long-term Sell: 8.65 - 9.40

والتوفيق للجميع

 

[Abu Faisal]

ليييييه انا مشترك معهم يعني لو تبون احط لكم التوصيات وكان وفرت فلوسك
جربت ترند7

 

[ابو غانم]

هلا أبو فيصل

شتبيني أسوي ياخوي أنت والشباب ماتقصرون والله ... بس الظروف ماينقال عليها يمكن تكون غايب في يوم بسلامتك ويروح علينا كم سهم

على العموم ترند 7 أقوى من بيتر ليدز يعني ؟

بعدين يابوفيصل ترند 7 اشتراكهم غالي وآداءهم موذاك الزود ... هذا أفضل شوي ولا شرايك ؟

 

[الريان]

ماقصرت ابو غانم وابو فيصل

ويعطيكم العافيه وبالنسبه انا قاعد اشوف الشباب قلت مشاركاتهم هالايام وخاصه بالردود لعدة اسباب منها موسم الحج ثانيا الاجازه ثالثا عطلة الربيع يعني الواحد ياتلقاه طالع مع الاهل بالمخيمات العائليه وهذا اللي صاير عندنا بالكويت المناطق خلت ومنطقتنا تقول صارت مدينة اشباح مافي احد كلش بمعنى الكلمه تقول الناس وينهم واللي يعرف هالمنطقه وما يدري عن طلعت البر يمكن ينجن او يقول في شي صاير قوي

وهذا اسباب قلة مشاركات الشباب وانا هلي كلهم اطلعوا البر والعائله كلها حتي مو لحق اشلون انسق بين السوق والمخيم

لكن على العموم المصحله اهم اذا تضاربت مع اشياء عاديه اقصد يعني مثلا حزت المغرب المخيم يكون ميت بهالوقت يعني مافي حركه فاكون شابك على النت واما بالنسبه للشباب الله اعلم وين قاضين اجازاتهم

 

[زارع الامل]

plc

يابوفيصل ويابوغانم ويالشباب كلكم لكم تحيه مني وهذا السهم بعد عليه توصيه من محلل الجزيره والعلم بعد عند الله ان كان يصدق
plc
راقبوه واذا حبيتو اشتروووووه يمكن يصير 3

 

[ابوراشد]

يالربع ياريت لو تكون التوصيات بالعربي الله يرحم والديكم ادا تسمحون ونبي نبدة عن بيتر ليدز يعني توصيته كم مدتها وبعدين يوصى على بني ستوك والا اسهم الشيوخ فقط وبعدين توصيته يوميه والا اسبوعيه

 

[الشاهق]

يا شباب يجب الانتباه ترى بعض أسهم بيتر ليدز تدولها ضعيف جداً من

أمهات خمسة ألاف وعشرة ألاف سهم في اليوم يعني تغص في نحرك

ولا تبيعه بالسعر اللي تبغاه

 

[sami77790]

اسعدتم مساء
عساكم على القوة يا شباب
الله يجزاكم الف خير

لدي استفسار
كيف يمكنني الاشتراك مع بيتر ليدز ومع ترند7

تحياتي القلبية لكم

 

[Abu Faisal]

سلام شباب وتحيتي لكم جميعا

مشكلة بيتر ليدز زي ما قال اخونا التداول عليها قليل والمشكله ان انها تطول على ما ترتفع بس اذا تبي تبيع وتشتري في نفس الاسبوع جرب ترند7 اول شهر مجاني واذا ماناسب الغ اشتراكك واشتراكهم شهري بعد كذا

اما كيف تشترك روح لموقعهم النك فوق


وشكرا

 

[المتلهف]

Trend7 بصراحه هالموقع اول مره اسمع فيه من اخونا ابوفيصل

بعد خسايرى المتتاليه صرت ابحث وبجدية عن افضل مواقع التوصيات

الكلام كثير فى هالموضوع بس حسب مافهمت من هالموقع Trend7 ان توصياته اسبوعية ولمدة سبع ايام من تاريخ التوصيه فى نهاية اليوم السابع اذا لم يتحقق السعر المستهدف عليك البيع فورا فى بداية تعاملات اليوم الثامن

اللافت للانتباه ان هذا الموقع لديه ثقه بنفسه بشكل غريب

الموقع لايتعامل مع اسمه البنىستوك

 

[Abu Faisal]

بس اذا بتشترك معهم لازم تلتزم بكلامهم حرفيا و تشتري كل توصياتهم وتلتزم بالاستوب لوز هم حاسبينها يعني لو خسرت في كم سهم وكسب كم سهم تطلع كسبان في المتوسط

 

[sami77790]

مرحبا
اخواني الاعزاء
تحية طيبةلكم

اتمنى منكم فضلا وليس امرا
ان تضعوا لي روابط بعض مواقع التوصيات الشهيرة
فمثلا بيتر ليدز وترند 7 وغيرها

وشكرا لكم

 

[Abu Faisal]

1- ardwatalab.com
2-peterleads.com
3-http://www.stockpickreport.com
4-www.trend7.com

 

[ابو غانم]

هلا ياشباب والله اني ماشفت ردودكم الا بعد مارديت من المخيم على قولة أخونا كله طلعات بر الايام هذي .

أما بالنسبة حق بيتر ليدز توصياته خاصة للبيني ستوك اللي حول ال5 دولار وتحت ومافيه مشكله لو ارتفعت من ال5 فوق شوي وأنا متابع توصياته من زمان وأشوف أنها حليوه ... وبالنسبه لكم سهم يوصي عليه .. هو يوصي على سهمين في الاسبوع الثلاثاء والخميس بعد السوق اللي لاحظته ...والايام الباقيه يعطيك الأخبار الطيبه على بعض الاسهم وانت بكيفك تشتري او لا .... أنا أشوف أنه مش بطال ..

يعني بالنسبه حق سهم اليوم فتح على 5.26 ووصل الى 5.62 يعني اللي باع اليوم حصل ربح 5 بالميه يانعمة الله .. واللي راح يصبر راح يلقى فيه فايده أكبر والله وأعلم على كلام بيتر طبعا ( صار واحد من الربع الحين )
وانت يابو راشد إذا تبي بالعربي حاضرين وأنا أخوك الموضوع جدا سهل .. غالي والطلب رخيص أحفظ الكلام اللي راح أترجمه لك وخلاص

مثال :

Profile Price: $5.16 حد السعر الموجود حاليا (اللي تحت أهم )
Buy Opinion: 4.75 - 5.25 الرأي بالشراء بهذا السعر يعني من الى
Short-term Sell: 7.80 - 8.65 البيع بالمدى القصير من يوم الى ثلاثة شهور
Long-term Sell: 8.65 - 9.40 البيع بالمدى الطويل توصل الى 7 شهور

واللي عنده توضيح أكثر لايقصر بالشباب وأنا راح أكون معاكم أنشاءالله والله يوفق الجميع .

 

[ابو غانم]

وهذا خبر جديد من بيتر ليدز بعد

الشركة FATS

الخبر
FATS announced today that it has been awarded a contract valued at nearly half a million dollars from the Greek Hellenic Police to upgrade its police training systems in time for the Athens Olympics.

Greek Police are responsible for planning the security measures and coordinating security forces at the 2004 Olympic Games, to begin in August. The Greek Minister of Public Order has placed the security budget for the Games at a minimum of 650 million euros ($820 million), the largest amount in Olympic history.


FATS CEO Ron Mohling said, "Our relationship with the Greek Police began over a decade ago, and we're honored that our systems will help the Greek forces better secure the Olympic Games