للي عندهم dsl حياكم ...

[عازف الجيتار]

بالبدايه شلونكم شخباركم ان شاءالله الكل بخير ...

ندخل بالموضوع انا مليت من w-net اشتراك 14 لسبب السرعه الدانلوود صار بين 10 والى مرااااااااااات 20 صدفه يعني يكون 20

الي بعرفه سرعة الdsl جم الدانلوود

128 جم الدانلوود

و

256 جم الدانلوود

بالنسبه للأشتراكات جم للي عندهم شهري لأن مواقعهم بالنت مكتوب غير الي عندهم الأسعار تختلف ؟؟؟ وفي رسوم تركيب ولالا
... اتمنى اتردون عشان بركب ...
واكون شاكرلكم حبايب قلبي تحياتي لكم ​

 

[cc555]

128 الداونلود من 16-20
256 30-34
512 65-70
انا خذيت 512 سنة عند كيمز ب156 دينار وقت العرض يعني الشهر 13 دينار داونلود 70 والابلود 50 كيلوبت

 

[كويتي ماركة]

توني ماخذ من كواليتي

مسوين عرض تاخذ 512 يعطونك 1 mb

بسعر 19 دينار بالشهر

يعني بالسنه 230

الــ 1 mb الداونلود ماله 125 بدون برامج تنزيل

 

[SARAD66]

انا انصحك لاتاخذ 128 من كواليتي لانه يفصل واجد

اخذ من 256 وفوق الحين عندهم خوش عروض ى

موفق اخوي

 

[LighTninG]

توني ماخذ من كواليتي

مسوين عرض تاخذ 512 يعطونك 1 mb

بسعر 19 دينار بالشهر

يعني بالسنه 230

الــ 1 mb الداونلود ماله 125 بدون برامج تنزيل

مساكين الكوالتي قاموا يبيعونها يعطونك 1 mb وانته مشترك 512 مساكين ناشفه اظاهر وياهم

خوووش عرض والله ما يتطوف حق الي يبي dsl

من ناحيتي انا كيمز واشتراكي 512 ومثل ما قال واحد من الشباب الداون لود يوصل فوق الــ 70 بعد

وعمري ما اشتكيت من اي خراب بالشبكه او الراوتر مالهم او ما شابة

اتصدق ذكرتني لازم اجدد اشتراكي



سلالالالالامن ​

 

[يعقوبيان]

هلا اخوي ..
انصحك بشركة فاستلكو ، الحين مسوين عرض على سرعة الـ 512 بـ 206 دنانير (بدون الايبود) واذا مع الايبود تاخذه بـ 229 دينار (شامل المودم طبعا وجذي) ..
اسعارهم والداونلود كالتالي (الاسعار هذي للاشتراك مع المودم وكل شي ، اذا تبي الاشتراك بدون مودم وبدون الهدية الايبود يكون السعر اقل):

سرعة 128 = 140 دينار
الداونلود والابلود 16

سرعة 256 = 199 دينار
الداونلود والابلود 32

سرعة 512 = 229 دينار
الداونلود والابلود 64

سرعة 768 = 399 دينار
الداونلود 96 والابلود 47

سرعة 1 = 469 دينار
الداونلود 128 والابلود 46

سرعة 1.5 = 599 دينار
الداونلود 192 والابلود 80

سرعة 2 = 699 دينار
الداونلود 256 والابلود80

سرعة 3 = 1400 دينار

سرعة 4 = 1650 دينار

سرعة 5 = 1800 دينار

سرعة 8 = 3499 دينار

 

[kuwaityvip]

اشتراكي كيمز 512 ادفع شهريا عن طريق النت 25.5 خمسه وعشرين ونص

الداملوود تقريبا 60 وطبعا السيرفر اللي تسوي منه داوون لوود له تاثير كبير على السرعه فتختلف السرعه من موقع لموقع

الاشتراك زين خرابه قليل وبسرعه يصلحون المشكله


انصحك اذا نويت تشترك تشتري انت المودم واحسن شي جربته انا هو نوع linksys واير لس موجود بحولي شارع بن خلدون سعره من 23 - 30 ويكون ملك لك واي شركه تشترك فيها ما تتعب على المودم

 

[سعمران]

فاست تلكو وطريقه مبتكره للنصب

اولا سعرها أعلى عن بقية الشركات لنفس سرعة الأشتراك وتستطيعون مقارنة الأسعار اللى ذكرها الأخوان أعلاه لشركة كيمز وكواليتى مع الفاست تلكو وشوفوا الفرق بالأسعار ..

الطريقه المبتكره للنصب هى التالى لما تروح تجدد أشتراكك ما يعطونك مودم جديد ويكون تجديد الأشتراك بنفس القيمه السابقه يعنى ضربوا عليك قيمة مودم جديد و يفترض ان يتم خصم قيمته على الأقل حين تجدد الأشتراك معاهم ..

 

[كنكون]

ياشباب فى احد مجرب كوالتي نت لان انا الشركه الى اعرف عنها انها ممتازه هي مالت شوتايم بس الاخ الحين يتكلم عن عرض ممتااااااااااز الى اهو تشترك ب 512 ويعطونك 1 mb بس السؤال المهم هل فيه اعطال من فتره لفتره وبعدين بعيطونك 1 mb ولا اول شهر وبعدين طاف ؟

 

[حطوير]

الكواليتي اذكر عندهم اعطال
وحولت للفاست تلكوا واوكي

ولكن نبي باقي العروض كم

 

[الوطني2]

راوتر زين واقطع 7.2 ميجا

الداون لوود يوصل ل 600 ك/ث

27 د.ك شهريا
324 د.ك سنويا

 

[mosawi83]

السلام عليكم ورحمة الله وبركاته..

شخصياً قمت بتجربة كل من (كواليتي + فاست تيليكو + كيمز)

وثلاثتهم الصراحة وانتو الكرامة ...(ما رح أذكر الكلمة) .. فهمكم يكفي ..

والنصيحة لكم إخواني

UNITED NETWORK التابعة لشركة showtime

اشتراك 512 شهريا 15 دينار


شكرا

بوحسن

 

[sand]

الاخ موسوي اشنراك شوتايم dsl 512 لاي شخص ولا اللي على بنك معين ولا عنده فيزا ولا شنو لان اللي اعرفه 512 ب 19 دينار

 

[mosawi83]

الاخ موسوي اشنراك شوتايم dsl 512 لاي شخص ولا اللي على بنك معين ولا عنده فيزا ولا شنو لان اللي اعرفه 512 ب 19 دينار

الاشتراك على الفيزا

512 = 15.5 دينار شهريا = 186 سنوياً

 

[المستعمل]

اسال مجرب
انا مشترك بشركة كواليتي نت 100%
اشتراكي 256
والداونلوود 34 فري
انصحك بكواليتي نت مية مية
الاشتراك السنوي 154 دينار بالسنة مع الراوتر
الحين يمكن مسوين عروض اسالهم

 

[almoress]

بالنسبه لي إشتراكي 256 كوالتي نت

السعر 149 بالسنه قبل شهرين اول مره كان 159

والداونلوود 34 ساعات يوصل اكثر

اول سنه بصراحه كانت مشاكلهم كثيره لكن على فترات


لكن بعد التجديد صارله الحين تقريباً شهرين من أحسن ما يكون ولله الحمد


لذلك أنصح بكوالتي نت أما المودم الي عندي ماركة airlive وأجهزتهم ممتازة ولها وكيل رسمي

بشارع ابن خلدون شركة بوابة الخليج gulf gate

ودمتم

 

[يعقوبيان]

فاست تلكو وطريقه مبتكره للنصب

اولا سعرها أعلى عن بقية الشركات لنفس سرعة الأشتراك وتستطيعون مقارنة الأسعار اللى ذكرها الأخوان أعلاه لشركة كيمز وكواليتى مع الفاست تلكو وشوفوا الفرق بالأسعار ..

الطريقه المبتكره للنصب هى التالى لما تروح تجدد أشتراكك ما يعطونك مودم جديد ويكون تجديد الأشتراك بنفس القيمه السابقه يعنى ضربوا عليك قيمة مودم جديد و يفترض ان يتم خصم قيمته على الأقل حين تجدد الأشتراك معاهم ..

اخوي انا ما اشوف النصب ؟
لان حتى الشركات الثانية لما تجدد معاهم ما يعطونك مودم جديد !
المودم الجديد يعطونك اياه لما اييبون مودم يديد في هالحالة يوزعونه على الافراد وفي حال عندك مشكلة مع جهازك الحالي ، بس انك لما تجدد تغير المـودم ، ليش ؟!

مع العلم ان انت تقول ان لما نجدد ياخذون سعر المودم واهم ما ياخذونه
النصب عند كواليتي نت واقولك ليش وخل انبهكم بعد لان انا من ساعة داق عليهم
اشتراك بيت عمي عليهم ، دقيت عليهم وعطيتهم المعلومات وقتلهم بجدد ، قالتلي البنت اللي ردت علي بتجدد مع العرض اليديد ان نعطيك Double Speed مع مودم ، قتلها بس احنا عندنا مودم منكم ليش ناخذه ؟
هل هو غير عن اللي عندنا ؟ سألتني شنو اللي عندكم قتلها راوتر اسود صغير وايرلس ، قالتلي لا يطلعلكم نفسه
قتلها انزين ليش وشنو نسوي فيه ؟ قالتلي كيفكم بتبيعونه بتعطونه احد ثاني كيفكم !!

هذا النصب اخوي الغالي ، انك تدفع فلوس شي انت ما راح تستخدمه ولا هو شي غير عن اليل عندك ..
بفاست لما تجدد انت تدفع بس فلوس التجديد مو اكثر بدون المودم
اسألني وانا اخوك ومجرب

 

[r77a]

اخوي المودم اول مرة يعطونك اياه اما مجانا اول بسعر رمزي لهالسبب ما يعطونك شي بعدين لما تجدد
لانها تعتبر خدمة بس للاشتراك الجديد
واتمنى تكون وصلت الفكرة
وبالنسبة للي عندي يونايتد نيتوورك اشتراك 256 اذا كان عندك حساب ببنك الكويت والشرق الاوسط
او كنت موظف بالـ Knpc يسوولك سعر مخفظ يعني :
256 سعره العادي 12.5 اما على العرض يصير 10 بالشهر
512 سعره العادي 19 على العرض يصير 15.5
طبعا شهريا او سنة كاملة نفس السعر
انا دفعت سنة كاملة مقدم
وصارلي اقل من شهر من اشتركت وتقريبا الاشتراك تمام ما ادري عن المودم اذا لينكسس احسن او لا لاني ما جربت غير هذا اللي جابوه نوعه نيت جير لونه ابيض
وماني مشتكي منه حاليا
يعني تعتبر يونايتد نيتوورك ارخص شي بالكويت حاليا

ملاحظة : للي يبي يعرف كم سرعة الداوون لود بس يقسم السرعة العادية على 8 يطلع معه كم سرعة التحميل
يعني 256 على 8 = 32 Kp/s كيلو بايت بالثانية
وشكرا

 

[يعقوبيان]

اخوي المودم اول مرة يعطونك اياه اما مجانا اول بسعر رمزي لهالسبب ما يعطونك شي بعدين لما تجدد
لانها تعتبر خدمة بس للاشتراك الجديد
واتمنى تكون وصلت الفكرة
وبالنسبة للي عندي يونايتد نيتوورك اشتراك 256 اذا كان عندك حساب ببنك الكويت والشرق الاوسط
او كنت موظف بالـ Knpc يسوولك سعر مخفظ يعني :
256 سعره العادي 12.5 اما على العرض يصير 10 بالشهر
512 سعره العادي 19 على العرض يصير 15.5
طبعا شهريا او سنة كاملة نفس السعر
انا دفعت سنة كاملة مقدم
وصارلي اقل من شهر من اشتركت وتقريبا الاشتراك تمام ما ادري عن المودم اذا لينكسس احسن او لا لاني ما جربت غير هذا اللي جابوه نوعه نيت جير لونه ابيض
وماني مشتكي منه حاليا
يعني تعتبر يونايتد نيتوورك ارخص شي بالكويت حاليا

ملاحظة : للي يبي يعرف كم سرعة الداوون لود بس يقسم السرعة العادية على 8 يطلع معه كم سرعة التحميل
يعني 256 على 8 = 32 Kp/s كيلو بايت بالثانية
وشكرا

مشكور على المعلومة بس انا على حسب معرفتي فيهم وباشخاص منعندهم ، لما تشترك اول مرة عندهم يعطونك المودم بسعره وليس بسعر رمزي او مجانا نفس ما تفضلت

وعلى فكرة ونسيت اضيف ان فاست عندهم خصم لحاملي بطاقات التمويل والخليج

 

[MeshMesh]

السلام عليك يا جماعه

ترى الشغل يفرق من منطقة لي منطقه اذكرو المناطق عشان نعرف

لان في شركات اقوى سفت وير وهبات بالسنترالات معينه