شباب شنو احسن اشتراك دي اس ال بالكويت

[lfc]

السلام عليكم ورحمه الله وبركاته

شباب انا ابي نصيحتكم شنو احسن اشتراك دي اس ال بالكويت

يكون رخيص وسعره زين واذا في عرض زين قولولي ابي سرعه 512

ياليت تردون علي باسرع وقت

مع العلم اني لقيت عند كوالتي نت خوش عرض 512

 

[behbehani]

بصراحه ان اشتراكي كيمز وهي من افضل واقوى الشركات الحاليه بالنسبه لي
وانصحك بانك تجربها لاني جربت شركة كوالتي نت مع احترامي فاشله بخدماتها واشتراكاتها وسرعاتها
اما بالنسبه لشركة كيمز لو تخلي اشتراكك شغال 24 ساعه ما يفصل نهائيا وبالاضافه ان عندهم خدمه حلوه
مثلا سويت لك اشتراك دي اس ال عندهم ورحت المجمعات والمطار والقهاوي والكوفي شوب والخ
يكون عندهم ويرلس زاجل , زاجل اهي نفسها كيمز تقدر تشبك بالويرلس من غير لا تشتري كرت بس تحط اليوزر نيم والباسورد الخاص فيك وراح يشبك معاك مجانا

واي استفسار انا حاضر
تحياتي لك

 

[Bo_Fahad_Q8]

وعليكم السلام ورحمة الله وبركاتة ،،

من تجربة شخصية ،، بالسابق كنا مشتركين مع شركة United Networks التابع لشوتايم

السرعة كانت 512 ،،

ما شاء الله ،، الاشتراك كان جدا مريح وممتاز



حاليا مشتركين مع فاست تلكو ،،

اشتراك 1 ميجا ،،

اشتراك فاست تلكو جيد ،، ولكن شخصيا افضل الاشتراك السابق لشوتايم



اشتراكنا السابق مع شوتايم ،، على الرغم من انه كان 512 ،، لكن كان جدا ممتاز

لاني باشتراك الشوتايم ،، سرعة الاتصال ما تتأثر وايد اذا شبك اكثر من جهاز بنفس الوقت ،، ونفس الشي بالنسبة حق سرعة التصفح ،، ما تتأثر وايد اذا كنت قاعد تحمل من النت ملفات مثلا



عكس فاست تلكو ،، يتأثر بشكل واضح اذا كان اكثر من جهاز يشبكون بنفس الوقت ،، او اذا كنت قاعد تنزل تورنت او ملفات تلاقي سرعة تصفح المواقع تقل بشكل واضح ،،


بالسبة للاسعار ،، ما عندي علم ،،

بالتوفيق ان شاء الله

 

[SARAD66]

انا مجرب شركة كواليتي يفصل بعض المرات

يعني كواليتي ما انصح

 

[bou_yousif]

والله يالغالي انا أنصحك بكوالتي نت ,,,,,,,,,,,,,,,,,,,

انا مشترك معاهم من اكثر من سنه و ماخذ سرعة 512 دايما الدونلود عندي فوق 57 يعني سرعه أكثر من الاشتراك لكن ما تقل + طول هذي السنه ماتوقف اللاين مع ان الشبك عليه تقريبا طوال اليوم + دعم فني ممتاز .

و الله يوفقك

بو يوسف

 

[كويتي ماركة]

انا بعد أايد الشباب وخر عن كواليتي

توني ماخذ اشتراك صج عرضهم حلو

بس خدمتهم سيئه يفصل وايد + خدمه العملاء مايعرفون كوعهم من بوعهم

 

[al_jaree7]

رد

السلام عليكم اخوي .... بالنسبه لي انا مشترك باليونايتد نت وورك ( شوتايم ) وبالنسبه للاشتراك.. السرعه والتصفح والداون لود ممتاز مع العلم باني ماخذ 512 ، ولكن فيه عيبين بسيطين 1 الدعم الفني عندهم بطيئ يعني اذا حصل عندك خلل يحتاج فني تنطر يومين على الاقل ، ولكن اغلب الاعطال الفنيه يحلونها معاك بالتلفون ويعلمونك على الخطوات ، والعيب الثاني2 انه اذا مادفعت باول الشهر تنقطع الخدمه عليك يعني حاول تدفع اول باول ،،،،،،،، واعطي الاشتراك نسبه 90 % ممتاز .....

 

[lfc]

يعطيكم العافيه على الردود بس لي الحين ما رسيت على بر

كوالتي زين ولا لا

 

[lfc]

وبالنسبه للراوتر اشتري من عند الشركه احسن ولا من بره وشنو احسن نوع ؟

 

[behbehani]

الله يعافيك عزيزي
بالنسبه للراوتر اذا اشتركت بكيمز اشتراك سنوي راح يعطونك راوتر لينكسس واذا اشتركت بكوالتي راح يعطونك سبيد تاج
وانا اشتراكي كيمز لكن شريت راوتر سبيد تاج لاني متعود عليه

وتحياتي لك

 

[heart]

اذا انت ماتستخدم برامج الشيرنج الي مثل كازا ولايم وير وايرس الي ينزلون افلام اشترك United Networksواذاكنت تحب تنزل افلام كيمز وانت مغمض

 

[lfc]

وشنو الفرق بين راوتر اللينكس والسبيد تاج

 

[ولد عطا]

فاست تلكو مسوين عرض تشترك سنه سرعة 512 في 206 دينار كاش مع هديه ايبد 4 جيجه ودبل السرعه و1 ميجا وشكرا

 

[Maxima]

كوالتي ممتاز
توكل على الله

 

[ملاهد]

اخوي اعطيك من الاخر انا مشترك بشو نت 1 ميغا بايت الخدمه سيئه لدرجه ماتتصورها

والحين مشترك بكوالتي نت 4 ميغا كل شووي يفصل اخطاء وتطوير ومصخره

كيمز اتصلت عليهم ابي اشترك عندهم 4 ميغا مثل الكوالتي قالو لي 250 شهريا

سعر خياأأألي

فاست تلكوو ماجربتها بس انا انصحك لا تاخذ شو نت

اما بالنسبه لكيمز اسعار خياليه اذا مو هامك السعر جربها

اما يهمك مابقي قدامك الي خيارين كوالتي نت + فاست تلكووو

اسأل مجرب ولا تسأل طبيب

 

[التمساح]

كواليتي مع ان خدمة العملاء سيئة
بس اشتراكهم ممتاز
صارلي 4 سنوات معاهم ماشكيت من شي
فاست تيلكو يفصل كنت معاهم اول خدمة خرطي

 

[شقرردي]

ياحماعة الخير عطونا اسعارهم اذا امكن
حتى نشوف الفرق بين الشركات

 

[heart]

اصلا انا مشترك كيمز 256 كان عندهم عرض ب95 شهر فبراير الي فات

الحين 256ب135 لا والداون لود على كيفك مفتوح ماكو ليمت للتنزيل

حتى لو تشترك اي مكان قولهم في بلوك على برامج الشيرنج مثل برنامج كازا

كيمز ماكو بلوك من كثر مانزلت افلام والله جهازي فل وهارد دسك خارجي هم فل

صرت اشوف الفلم قبل لاينزل الكويت انا اشتركت بكيمز اصلا عشان الافلام

كيمز يكون باي فرع من افرع يوريكا ماتتعطل جرب وقرر

 

[eissa]

والله بصراحه يمدحون كيمز ان ماجربته بس جربت كولتي والشونت مالت الشوتايم الشو نت بصراحه ممتازه جدا جدا جدا مافي مشاكل ولا ينقطع كل شوي وسرعه ممتازه جدا هذا للعلم فقط

 

[ياسلام]

للعلم فقط شونت اذا تبي تنزل افلام بالعربي برامج الشيرينق مثل تورنت لايموير
السرعه راح يتعبونك فيها كمثال انا عندي 1mb
الداولود المفروض 128 صار 80 الى 90 لاتقول ليش هذا نضامهم الجديد كانوا بالاول من افضل الشركات
والحين مانصحك فيها
الغيت اشتراكي
والحين افكر بكواليتي
عندهم عروض حلوه
اخذ اي سرعه يعطونك دبل
بس المشكله محتار اخاف يوهقوني ليشنا عقد سنه مادري عن خدمتهم
بس الي اعرفا كل الناس يمدحونهم
احد يفيدنا بكواليتي يالربع
بالتفصيل
بايجابياتهم
وسلبياتهم
وااااااااااااااكرين لكم