الله يكون بعونك بو محمد
عدل كلامك هذا الي ابيه .. ولو اني مكثر عليك ... السموحه
يبا اذا تعبان خلها وقت ثاني طالع عمرك
مشكور
وأنا أكتب الرد هقيت إنك راح تنحرج
ياخوي والله مو قصدي أحرجك، بالعكس أنا أستانس إذا كان في حوار نستفيد منه، حتى وأنا أجاوبك أستفيد لأن ممكن يكون عندي خطأ لاسمح الله ويصححون لي الاخوان
فخذ راحتك على الآخر، هذا علم ما فيه مستحى
.......................................................................
نبدأ على بركة الله:
1- الزخم والتسارع:
لما يكون السهم فيه زخم والتسارع فيه عالي، يميل لأن يكون التقلب فيه أكبر
شلون؟
تصير حركته أسرع، والمدى السعري أكبر
مثال:
سهم قيمته دينارين، فيه زخم وتسارع عالي، ما عنده أي مشكلة إنه يرتفع أو ينخفض 100 فلس في يوم واحد أو حتى 80 فلس، هذا بالنسبة لتداول يوم واحد
لكن لما تاخذها على فترة زمنية أكبر، تجد إن وصوله للأهداف أسرع، كميات التداول في تزايد، وبنفس الوقت إذا عنده ترند لاين تلاقيه يخلق ترند لاين جديد بزاوية أكثر حدة.
2- اكتمال القاع أو القمة:
بسيطة ياسيدي
- انتظر تقاطع المؤشر تقاطع صريح
- انتظر الهستوجرام يتعدى خط الصفر
وبجذي يكون اكتمل
3- المؤشر اليومي والأسبوعي:
هذا يعتمد على المدة الزمنية إللي تستهدفها
إذا كانت قصيرة إلى متوسطة عندك اليومي
وإذا كانت متوسطة إلى طويلة عندك الأسبوعي
غالبا الإطار الزمني الأكبر تأثيره أقوى، لكن ما يمنع إنه يحقق هدف اليوم ويرد على هدف الأسبوعي
الأفضل أن تتوافق اتجاهات الإثنين
4- قيمة الصعود المتزامن مع الآر أس آي:
أولا إذا كنت تبي تستخدم الآر أس آي، لازم يكون السهم يمر بمرحلة تذبذب
مثال:
سهم يسير في اتجاه هابط من شهر 12 الماضي
من بداية الشهر الحالي (شهر 6) قام يمشي في تماسك
تاخذ الآر أس آي للفترة الحالية (شهر 6) (راجع الموضوع مال التذبذب والاتجاه الواضح) وتدور فرصة للدخول، هني راح نرجع للنقطة رقم 1
إذا السهم فيه زخم وتسارع
راح يعطيك صعود طيب، لكن لازم تعرف وضعه على الشارت
إذا كان الزخم فيه تعبان ما راح يعطيك الصعود إللي تبيه
5- مزايا:
كسر 950 فلس كسر إيجابي نقطة حلوة للدخول وشارته واضح تقدر تحدد الستوب لوز والتارجت
أما إذا تعدى الدينار فهنا تطبق عليه نظرية الهاي السنوي
وسلامتك وتعيش
وإذا عندك أي شي ثاني عيوني المركبة لك
