اعلام و علاقات عامة .. في وظيفة فالقطاع الخاص ؟؟؟

[e3lami]

بسم الله ..

و مساء و صباح الخيرات عليكم ..

انا يا شباب خريج جامعة الكويت اعلام ( اذاعة و تلفزيون + علاقات عامة ) مساند ( علم الاجتماع ) و حاليا دراسات عليا ماجستير في الاعلام و العلاقات العامة ما بقالي شي ..

اللي ابي اعرفه هل اقدر اتوظف بقطاع خاص من دون ما يلزموني بالتقديم على دعم العمالة لانه ينزلي معاش من الشئون و مابي يقطعونه ..

ابي دوام في القطاع الخاص و راتب مقنع حتى لو بسيط او على بند مكافآت مثلا ..

انصحوني و دلوني ياللي عندكم علم

و للاشخاص اللي عندهم شواغر هذا رقمي و يبشرون بالموظف المثالي : 6802086

 

[كويتي اصلي]

صباح العسل اخوى


انا برد عليك فى موضوع دعم العماله

دعم العماله انت الى تسويه واهم مو شرط يجبرونك عليه بس فيه شركات يجبرونك لانه تفيدهم انت انك كويتي وموضفينك

ولكن انت قول للى تبى تتوضف عنده انا مابى دعم عماله وان شاء الله يقبلون

يعنى مو شرط يكون لازم

وانا هذا حسب علمنى واسف على الاطاله اخوى

 

[e3lami]

فديتك يا كويتي أصلي صج انك اصلي .. و فعلا كلامك صحيح لكن الشركات و المؤسسات الكبار مثل التمويل و ما شابه لازم دعم العماله و بعض الشركات تقول لازم دعم عشان يكون عندهم اكثر من خمسة بالميّه كويتيين قانون الديرة ونا خوك و عموما مشكوووووووووور جدا جدا كافي مشاركتك اللي تدل على طيبك

 

[شاطى الراحة]

الله يوفقك انشاء الله ياطيب

 

[SMoOoKY]

نصيحتي عندك وزارة الاعلام وايد موظفين بند مكافأت بس يبيلك احد هناك وبعدهم عندك محطات البانزين...

 

[Newmoon]

نصيحتي عندك وزارة الاعلام وايد موظفين بند مكافأت بس يبيلك احد هناك وبعدهم عندك محطات البانزين...

ماجستير اعلام وعلاقات عامه = محطة بانزين !!!!
ودي اصدق بس قويه قويه

 

[اوكيشن]

صباح العسل اخوى


انا برد عليك فى موضوع دعم العماله

دعم العماله انت الى تسويه واهم مو شرط يجبرونك عليه بس فيه شركات يجبرونك لانه تفيدهم انت انك كويتي وموضفينك

ولكن انت قول للى تبى تتوضف عنده انا مابى دعم عماله وان شاء الله يقبلون

يعنى مو شرط يكون لازم

وانا هذا حسب علمنى واسف على الاطاله اخوى

لا ياخوك يدزونها حتى من وراك

انا واحد صاير معاي هالموقف

كنت انطر وظيفه معينه ومايصير اكون مسجل اذا اقدم عليها وتوظفت بشركه وكنت بس معطيهم الثانويه العامه ماعطيتهم الشهادة الجامعيه

بعدها بفتره الا اهم مقدمين اوراقي من وراي

فادير بالك عزيزي

 

[xvictim]

السالفة يا اخوان مالها شغل بدعم العمالة ،،

السالفة هي اشتراك التأمينات ،،

مافي احد يلزمونة انه ياخذ دعم العمالة ،، هذا شيء انت تسوية بنفسك ، تروح لقوى العاملة وتسجل ،،

النقطة المشكلة هي التسجيل بالتأمينات على اسم الشركة ، وهي تستفيد من ذلك لانك كويتي ،، وبالاضافة الى ذلك الي اعرفة الان ان كل الكويتيين اللي مسجلين بالقطاع الخاص لازم يشتركون بالتأمينات ،، الحكومة تلزم الشركات بهذا الامر ،،

الا اذا كان بند المكافئات ،

طبعا اذا اشتركت بالتامينات بعدين تقدر تقدم على دعم العمالة ،،، اذا مو مسجل بالتأمينات ما تقدر تقدم على دعم العمالة ،،

في شيء ثاني تقدر تسوية ، وعلى فكرة انا نفس حالتك تقريبا ،،

في شيء تقدر تسوية مع هالشركات ،، لما تقدم لهم ويطلبونك للمقابلة ،، ويقولون انت مسجل مكان او عندك اشتراك بالتأمينات ،،

قولهم : نعم انا حاليا في شركة اشتغل ، لكني ماخذ إجازة 6 شهور بدون راتب ،، علشان ابحث عن وظيفة احسن ،،

فإذا توظفت عندكم وقعدت شهرين ولا 3 شهور ، وعجبنتي الدوام ، اشتركت بإسمكم ،، واذا ما توفقت معاكم ، ارجع على شركتي ،،

عاد اذا توظفت عندهم خلاص راح ينسون السالفة ، واذا ما نسو ، انت توظفت عندهم شهرين وحصلت لك معاشيين وبعدين بكيفك عاد تطلع ولا تكمل ،،