استخراج تصريح استيراد شخصي مؤقت

[USB]

السلام عليكم ورحمة الله

اخواني تكفون ابي مساعدتكم
انا شريت اشياء شخصية (الكترونيات) من امريكا و شحنتهم دي اتش ال واليوم وصلت و محجوزة بالجمرك , اتصلوا عليا الدي اتش ال قالوا البضاعة محجوزة بالجمرك و مطلوب تصريح استيراد شخصي مؤقت ومطلوب موافقة من وزارة المواصلات , أرجو المساعدة لو حد عنده خبرة بهالسوالف

جعله الله في ميزان حسناتكم

 

[Modemaani]

أخوي روح مجمع الوزارات بالديره(أتوقع وزارة التجارة أو العدل) وهناك تخلص معاملتك كاملة خلال نص ساعة يستخرجون لك اذن استيراد مؤقت......وتالي تاخذها وتروح الدي اتش ال وتطلع بضاعتك.........ما يحتاج الا بطاقتك المدنية وبسسس..........

 

[Q8 PRODUCER]

السلام عليكم..
.. و تأكد اذا طالبين منك تصفية من وزارة ( المواصلات غالباً) يعتمد على نوع الجهاز

و ترى لو تروح بنفسك حق مبنى الشحن بالمطار و ادخل على مدير الصادر و الوارد ( بو يعقوب ) يمشيك على طول بدون تصفية ، بس اهم شي تصريح الاستيراد المؤقت او اذا احد يصير لك او من معارفك عنده رخصة استيراد و تصدير يخلصونها لك سهالة

 

[USB]

السلام عليكم..
.. و تأكد اذا طالبين منك تصفية من وزارة ( المواصلات غالباً) يعتمد على نوع الجهاز

و ترى لو تروح بنفسك حق مبنى الشحن بالمطار و ادخل على مدير الصادر و الوارد ( بو يعقوب ) يمشيك على طول بدون تصفية ، بس اهم شي تصريح الاستيراد المؤقت او اذا احد يصير لك او من معارفك عنده رخصة استيراد و تصدير يخلصونها لك سهالة

مشكورين وجزاكم الله الف خير
اخوي طلبو مني تصفية من وزارة المواصلات , اذا عندك خبرة من وين اطلعها (مبنى الحكومة عند برج التحرير والا وين بالضبط مكانهم ) وهل في اوراق مطلوبة غير الفاتورة و المدنية ؟