أورلاندو

الموضوع في 'إستراحة المنتدى' بواسطة kinghamad, بتاريخ ‏3 يوليو 2008.

  1. kinghamad

    kinghamad عضو جديد

    التسجيل:
    ‏11 مايو 2007
    المشاركات:
    210
    عدد الإعجابات:
    0
    لوسمحتوا منو يقدر يفيدني بأي معلومه عن اورلاندو من بداية السفر عن طريق اي طيران وبجم التذاكر و بعدها الفنادق والآماكن اللي ينصح بالسكن فيها وغيرها من المعلومات
     
  2. Bent_alq8

    Bent_alq8 عضو جديد

    التسجيل:
    ‏28 سبتمبر 2007
    المشاركات:
    3,735
    عدد الإعجابات:
    0
    مكان الإقامة:
    حبيبتي الكويت
    الله ييسر أمورك وتقضون أوقات سعيدة يارب:rolleyes:
    بصراحة إختيارك رائع والله ...أورلاندو رائعة خصوصاً لو معاك أطفال لكن كل سنه تتغير الأمور والحجوزات عن طريق مكاتب الطيران أضمن طريقه..:)
     
  3. دحيم 06

    دحيم 06 عضو جديد

    التسجيل:
    ‏23 ديسمبر 2006
    المشاركات:
    853
    عدد الإعجابات:
    0
    مكان الإقامة:
    الكـــويـــــــت
    السكن انصحك بشارع international drive شارع سياحي وامان بعد الله ومطاعم هندية وايرانية متوفرة...
    ولا تنسى تزور belive it or not بنفس الشارع ...
    واذا من هواة الرماية في محل قريب للشارع هذا تقدر تستاجر بندقية او مسدس او رشاش وتستمتع بهوايتك بالرماية...
    وفي هليكوبتر تستاجرها تلف فيك اورلاندو بنص ساعة ....حلوة ورخيصة مو غالية ترى...
     
  4. تكانه

    تكانه عضو جديد

    التسجيل:
    ‏10 فبراير 2007
    المشاركات:
    186
    عدد الإعجابات:
    0

    انا اقترح يؤجل هالهواية على ما يرجع الديرة :D الوضع هوونيك مو ناقص شبهة
     
  5. تكانه

    تكانه عضو جديد

    التسجيل:
    ‏10 فبراير 2007
    المشاركات:
    186
    عدد الإعجابات:
    0
    كنج احمد

    مثل ما اقترحوا الاعضاء ، ريح بالك واحجز عن طريق مكتب اضمن

    واقترح بعد ما تشبعون من الـ attractions وكل شي في اورلاندو، تخصص لك
    يومين تأجر لك فان او سيارة مناسبة وتاخذون لكم لفة بالسيارة على المدن القريبة بو 3و 4 ساعات مسافة طريج .. للتنقل بالسيارة اهناك متعة لا توصف
    الله يسهل دربكم ويسعدكم ويردكم بالسلامه
     
  6. Winchester

    Winchester عضو نشط

    التسجيل:
    ‏9 يناير 2004
    المشاركات:
    595
    عدد الإعجابات:
    0
    مكان الإقامة:
    kuwait
  7. بوعبدالله

    بوعبدالله عضو نشط

    التسجيل:
    ‏10 يونيو 2004
    المشاركات:
    470
    عدد الإعجابات:
    4
    مكان الإقامة:
    دولة الكويت
    أخوي انصحك تسكن في منتجع Orange lake
    وتأجر سياره تخليها لروحاتك احسن لك من التكاسي
    و الطيران جربت الكي أل أم KLM كانت الرحلة من الكويت الى امستردام وبعدها دايركت الى فلوريدا اورلاندو الترانزيت كان تقريباً 3 او 4 ساعات ماذكر بالضبط

    و اذا وصلت بالسلامة ان شاء الله ونويت تروح للوالت ديزني قص التذكرة الشاملة اعتقد سعرها مابين ال 70 الى 100 دولار للشخص تستخدمها للدخول لكل مايخص والت ديزني و الباص مالهم كل يوم الساعه 7 الصبح تقريباً يفتر على الفنادق وياخذ السياح الي يبون يروحون للوالت ديزني مجاناً طبعاً و قبل غروب الشمس يردونك للفندق و التذكرة صالحه ل7 مرات دخول

    و بعد انصحك تروح تتمشى في التشيرج ستريت فيه مطاعم وتسوق بسيط وحلو ومسوينه على الستايل الامريكي القديم بس مانصحك تتواجد فيه بساعات متأخره من الليل لانه يصير فيه تجمع للشباب بكثرة و الاحتياط واجب

    و من اهم الاماكن هناك انك تروح لسيرك لاينوبا La Nouba و استمتع بالعروض الي فيه تقريبا 3 ساعات وتقدر تشوفه باليوتوب شي خيالي .

    و من فايدة أجار السيارة هناك انك تقدر تطلع من اورلاندو وتروح ميامي ودايتونا بيش و قاعده كينيدي وتامبا و المسافه قريبه مو بعيده وايد تقريبا ابعد مسافه 3 ساعات و كنا مأجرين جيب فورد اكسبلور موديل السته طلع علينا تقريبا 350 دولار اسبوعي

    اتمنى اني اكون فدتك و اتمنى لك رحله ممتعه
     
  8. kinghamad

    kinghamad عضو جديد

    التسجيل:
    ‏11 مايو 2007
    المشاركات:
    210
    عدد الإعجابات:
    0
    مشكور

    تسلم يا بوعبدالله على هالمعلومات بس بغيت منك جم سعر التذاكر اتكلف اذا انا ويا زوجتي واولادي اثنين وبالنسبه للفندق هذا اسمه ولا اسم المنطقه واشلون طريقة حجز الفندق اللي انت اتبعتها وبالنسبه للسياره عندك رقم المكان اللي خذيت منه السياره وفيها نفيجيشن ولا لأ
    وبعدين المطار جم يبعد عن الفندق ... ومشكور ادري اذيتك بس اخوك اعليمي ولا مره راح امريكا اي عفوا وجم المده اللي تنصح اروح لها اورلاندو وجم التكاليف اللي احتاجها تشمل الفندق والمصاريف والتأجير وكل شي يعني بالعربي جم أخذ وياي فلوس .

    ومشكور وايد ادري طولت عليه :)
     
  9. kinghamad

    kinghamad عضو جديد

    التسجيل:
    ‏11 مايو 2007
    المشاركات:
    210
    عدد الإعجابات:
    0
    منو عنده فكره عن خط الطيران من الكويت الى اورلاندو وشنو الافضل والاسعار شنو وبالنسبه للفنادق شنو تنصحوني انام في نيويورك ولا اكمل لي اورلاندو وشنو افضل فندق ومشكووورين .
     
  10. بوعبدالله

    بوعبدالله عضو نشط

    التسجيل:
    ‏10 يونيو 2004
    المشاركات:
    470
    عدد الإعجابات:
    4
    مكان الإقامة:
    دولة الكويت

    ياهلا أخوي أحمد
    احنا طرنا على الكي أل أم KLM وكان سعر التذكره بوقتها تقريباً 380 دينار كويت - أمستردام - فلوريدا اورلاندو

    وبالنسبة للمنتجع هذا الرابط ماله

    http://orangelake.com/tour_our_resort/360_views.html

    شوفه وقرر واذا اعجبك تقدر تحجزه عن طريق مكتب سفريات متخصص يقوم بمراسلتهم ويعطيك لستة الاسعار
    لان المنتجع عباره عن فلل و شقق وسويتات فشوف الي يناسبك او تقدر تسأل عن فنادق ثانية و الاسعار متفاوته ماقدر افيدك فيها

    و السياره تقدر تأجرها من المطار او من مكاتب بره وراح يطلبون منك جوازك و الليسن و البوردنج على شان تقدر تأجر سياره و اغلب سياراتهم فيها نافيقيشن
    المطار تقريباً يبعد 30 كيلو عن منطقة Kissimmee الي كنا متواجدين فيها واما من ناحية المصاريف تعتبر اسعارها معقوله بس ماقدر افيدك شكثر تحتاج وياك روحتنا كانت سفره شباب و انت بتروح وياك عايلة فأكيد بتختلف طريقة المصاريف .

    :)