مساكم الله بالخير وجمعه مباركه ان شالله اخوانى ارجو المساعده مثل ماتعرفون ان الدراسه خلصت وكل واحد يشجع عياله علشان ينجحون طبعا انا واحد منهم وطبعا بنتى طلبت مني لعبه هذي وقلتلها شدي حيلج وراح اشتريها ليج المهم قررت اشتريها ودخلت المنتدي بشوف احسن مواصفات لقيت كاتبين عليها مواصفات واحب اعرف احسن المواصفات واحسن الالعاب للبنات طبعا نبي شي مفيد مابي العاب فيها عنف ولا العاب فيها شي موزين شنو احسن مواصفات وجم السعر والي عنده لايقصر بس بسعر معقول وشكرا
السلام عليكم , آنا أخذت حق اليهال من مجمع الرحاب بحولي أعتقد السعر الحين يمكن 60 دينار وشي . طبعا تاخذ البنت معاك علشان تنقي الألعاب .السعر هذا حق psp slim والازم تقول حق المحل أبي عليها ذاكرة 4 قيقا سرعة عالية علشان ما تعلق وطبعا اختيار اللون خل البنت تنقي .... لاتتدخل باختيار اللون طيعني .( دور على أكثر من محل علشان تتأكد من السعر+ الأغراض الي يعطونكمعاها ) موفق .
واسال عن الكفالة ترى اغلب المحلات بدون كفالة او كفالة شهر لكن انا لقيت واحد بالسرداب عطاني كفالة سنة وفاتورة وكذلك عطاني سيدي فيه 50 لعبة تقدر بالبيت تغيرها الالعاب وسعره 68 دينار وارخص شيء حصلتها اب 65 دينار كفالة شهر اذا تبي محل الرجال راسلني على الخاص اعطيك تلفونه او وصف محله
مشكورين علي المرور وشاكر لكم نصايحكم وابي اعرف ليش نوعين بالضبط والافضل شنو الميزات شنوو وادري طولت عليكم وشكراا
مافي مميزات فرق اهي الجديدة شكلها ضعيف وتنشبك على التلفزيون وسعرها شوي اغلى من القديمه وثاني شيء المحلات يحطون اكسسوارات معاها شنطة + سماعات + ميموري + غلاف شفاف لكن السماعات مانصحك فيها لأنها تأثر على اذن الطفل وكذلك تشتته تخليه اثول لمن يلعب وانا ماشتريتها صراحة وبالنسبة للون مثل ماقالو لك الاخوان خل الطفل يختار اللون الي يبيه
ونسيت اذكر لك الميموري نوعين لو سبيد + هاي سبيد اخذ هاي سبيد عشان ماتعلق اللعبة وتصير بطيئة وأفضل شيء تآخذ 4 قيقا معاها وقوله مابي 2 قيقا عشان يخصم لك السعر
