اخوكم محتاج مساعدة ,, فهل من مجيب ؟؟

[The BrokenHeart]

السلام عليكم ورحمة الله وبركاته ,,


شلونكم ؟؟؟ انا عمري 18 سنة والسنة الماضية خلصت مدرسة بنسبة جيدة نوعا ما . بس ما دخلت جامعة لاسباب مادية .

وانا مو كويتي واقامتي تخلص بي نصب شهر 8 . وانا التحاق بعائل ولازم مثل ما قالولي اكون طالب عشان اجدد الاقامة .

وانا راح اتسجل بالجامعة العربية المفتوحة هاي السنة انشاء الله . بس ورقة لمن يهمه الأمر ما تطلع الا بي نص شهر 9 .. فا اذا فيه اي طريقة بس اقدر اجدد الاقامة ؟؟

سمعت انه ورقة لمن يهمة الأمر من المعهد بيقبلو فيها , بس اذا بيقبلو فيها اي مادة اخذها من المعهد بيقبلو فيها او بس شهادات الدبلوم من المعاهد ؟


الرجاء الإفادة .. والله لأدعي للي يقدر يفيدني طول شهر كلما بعد كل صلاه وهذا ندر علي ..


اخوكم : The BrokenHeart

 

[مديرو]

والله ودّي اساعدك بس .. للأسف ما عندي أي فكره عن هالموضوع .. والله يسهل لك الدروب العسيره .. و أوصيك بكثرة الدعاء ..​

 

[The BrokenHeart]

مشكور اخوي مديرو على مرورك الكريم .. وان شاء الله فيه احد ممكن يساعدني بخبرته في هذا المجال ..


وان شاء الله الدعاء لجميع الأعضاء ي المنتدى وخاصة من يقدر يساعدني

 

[life-enginer]

عندك حلين ومو اكيد بعد لازم تتأكد منهم

1- إنك تدفع الغرامات لغايه ما تاخذ الورقه

2- إنك تلغي الاقامه ويعطونك مهله شهر أو شهرين للمغادره وبعد ما تاخذ الورق من الجامعه تدق الاقامه

 

[Patman]

الله يعينك أخوي ويفرج لك من عنده...اللهم آمين.

 

[zoya_y]

اي خل تنتهي اقامتك ولاتطلع من البيت ولي سجلت بالجامعه ادفع الغرامات وسوي لك اقامه

 

[The BrokenHeart]

مشكور اخواني على مساعدتكم لي .. بس هل يرضون انه اجدد الاقامة بعد فترة شهر شهر ونص ؟؟ وكم تطلع الغرامة ؟؟
ومشكورين اخواني بس الحل صعب ... ما احد يعرف اذا يقبلن بشهادة المعهد ؟؟

 

[zoya_y]

والله مادري اوخيي
بس جنه يفرضون غرامه دينارين عن كل يوم يعني 45 يوم في 2 يصير 90 دينار تقريبا