ماباقي الله البيت (لجنة التعديات.. باتجاه مظلات السيارات)

[متفائل محبوب]

انتوا ناس للأسف غير متعاونين ومبين عليكم ما تحبون ديرتكم ولا عندكم ولاء لها

ياخوي الدواوين مخربه الديره والمفروض ما يكون فيه دواوين , ويفضل ان الرجل يفتح صالة بيته للي يبي يسير عليه من الربع ويا حبذا لو يقعدون الرجال والنساء في مجلس واحد .. هنيه بس نكون في قمة الحضاره والرقي



وبعدين المظلات .. عاد جد جد يا جماعه المفروض مافيه مظلات بالديره . خربوا المظهر العام للديره هالشعب , يعني الحين حنا في دوله تقع في القطب الشمالي المتجمد .. بعرف شكو تبون مظلات بعد دام السياره لا طلعت من الدوام الظهر بتلقى ثلج عليها ويبيلك ساعتين وربع على ما تحتر !!!!


ثالث شي : فيه نقطه اخيره لو ازلناها اعتقد بنكون بلد متفتح ومتطور ومواكبين لأعتى قمه في التطور وبيكون الشعب الكويت بإذن الله شعب واعي وشعب متجاوب مع التنميه بشكل ممتاز

الا وهو موضوع المنازل السكنيه : يا جماعه المفروض بالكويت مافيه منازل سكنيه بالمره ... شفيها يعني لما يكون لك غرفه وحده انت ومرتك وعشره من عيالك والخدامه .. وعيالك لا تزوجوا لا تصير مبذر وتخليه يطلع لغرفه لحاله ( بيت لحاله سابقا ) خله وياك بنفس الغرفه ... ترى من حبنا لها المفروض نوفر لها ولا ترى ما عندكم ولاء للديره


سلام يا قدعان​

احلى كلام إنقال بالموضوع
من حبنا لها نرقع لها ​

 

[جورج المطيري]

القرار صحيح 100%
يمنع منعا باتا اى مظله كيربي كلهم ازالة
البديل مظلة معلقه من الخام الاسترالى
السؤال شنو بعد ازالة المظلات

ومتى نغير شعار من حبنا لها نوفر لها
ونخليه من حبها لنا تسقط ديوننا

 

[nabil yassen]

أوففففففففففففففففففففففف

قسما بالله شي يزهق .. ويلوع الجبد ..

ديرتنا قالوا خضروها .. خضرناها ..

بيوم وليله ردت صحره .. نقف ينقفونها من أي سبب لا مسكره على الشارع ولاهم يحزنون .. قاط عليها فلوس عشان تزين المنطقة .. مو بيته .. وهم شلع يشلعونها ..

انزين شويه عقل بس وكل شي يتطبق .. كل شي تبونه بالعضلات ؟!! طلعوه على الخرافي اللي لاف مشاريع الديره كلها .. وكل مشروع يسويله فارييشن اوردر .. يزيده 20% ..

قسما بالله العظيم .. لاعت جبودنا من هالقرارات .. اللي تظلم الشريحة المسحوكه والمسحوقه ..

الحين فيك خير .. روح طلع ترخيص حق مظله، إذا ما تطلع معاش شهرك دافعه لابن الحرام المرتشي ولا ما يمشي موضوعك. روح أسأل شنو يسوي مراقب البلدية في المحلات والمطاعم والبقالات وغيرها .. شوف البوق في الجمارك .. شوف المسخره في الوزارات ما يمشي شي إلا لازم تعرفلك واحد هناك عشان يمشي .. غرفة لمريض يعاني من السرطان ماكو .. 10 ايام ما فضت غرفة !! يوم استخبرنا ولا ام ولد خالة رفيج مدير المستشفى مدخلينا غرفة ... قبل يومين ..

هذي المشاكل اللي يرحم امك يا مجلس يا وزراء .. يا من المفروض انك تكون محترم .. تضبطها وتعالجها .. وتحلها ..

كلام سليم ويحرق القلب




ياشباب شوفو البديل للمضلات وانت تعرف شنو مصلحة الازاله !!

تذكرون سالفة طفايات السيارات منو استفاد منها؟ ومحد يدري عنها الحين
تذكرون سالفة مسجات الانتخابات ومنع اليافطات بالشوارع,,يقولك باليوم الاخير بس 5مليون دينار من المسجات الانتخابات؟
تذكرون سالفة ممنوع حمل الهاتف اثناء القياده,, صاحبي يقول كنت ابيع الهاند فري باليوم بين 30 و40 حبه وبمبالغ خياليه,, وهذا محل صغير شوف منو الوكيل ؟
وغيرها وغيرها وغيرها

الكل يلعب والفقير ماكلها صج لما قالو الديره راح تصير طبقتين الغني غني والفقير فقير واركض يافقير وتهنى ياغني
الله المستعان

 

[Bent_alq8]

انتوا ناس للأسف غير متعاونين ومبين عليكم ما تحبون ديرتكم ولا عندكم ولاء لها

ياخوي الدواوين مخربه الديره والمفروض ما يكون فيه دواوين , ويفضل ان الرجل يفتح صالة بيته للي يبي يسير عليه من الربع ويا حبذا لو يقعدون الرجال والنساء في مجلس واحد .. هنيه بس نكون في قمة الحضاره والرقي



وبعدين المظلات .. عاد جد جد يا جماعه المفروض مافيه مظلات بالديره . خربوا المظهر العام للديره هالشعب , يعني الحين حنا في دوله تقع في القطب الشمالي المتجمد .. بعرف شكو تبون مظلات بعد دام السياره لا طلعت من الدوام الظهر بتلقى ثلج عليها ويبيلك ساعتين وربع على ما تحتر !!!!


ثالث شي : فيه نقطه اخيره لو ازلناها اعتقد بنكون بلد متفتح ومتطور ومواكبين لأعتى قمه في التطور وبيكون الشعب الكويت بإذن الله شعب واعي وشعب متجاوب مع التنميه بشكل ممتاز

الا وهو موضوع المنازل السكنيه : يا جماعه المفروض بالكويت مافيه منازل سكنيه بالمره ... شفيها يعني لما يكون لك غرفه وحده انت ومرتك وعشره من عيالك والخدامه .. وعيالك لا تزوجوا لا تصير مبذر وتخليه يطلع لغرفه لحاله ( بيت لحاله سابقا ) خله وياك بنفس الغرفه ... ترى من حبنا لها المفروض نوفر لها ولا ترى ما عندكم ولاء للديره


سلام يا قدعان​

أسفين أخوي
إن شاء الله من باجر بنشد بغرفة ونوفر
بس لا تعصب وتشط روحك​

 

[الدمقراطي]

قد لا يعاني ناس من بعض المشكلات .. فتصبح نظرتهم شموليه لعامة الناس
يعني بالعاميه : كل من يرى الناس بعين طبعه

بعض الجماعه الله يعطيهم الصحه والعافيه .. لأن تنقلاته بالطائرات فـ يرى بأن السيارات اختراع فاشل ليس له قيمه ( طبعا هذا مثال للتوضيح فقط لا غير )


ما اود ان اقوله : يجب ان نرى الامور بـ عين الكل حتى يتم الانصاف والعداله بشكل كبير


شكرا وسامحونا اذا زلينا بشيء


تقبلوا تحياتي​

 

[INFINITI]

خوفكم باجر حتى سقف البيت يقولون عليه ازاله
الشكوى لله