احب لاخيك ماتحبة لنفسك السلام عليكم ورحمة الله وبركاته بعد التوكل على الله نويت ان ادخل فى السوق الامريكي وفتحت حساب فى الاوسط براس مال وقدرة 15000$ وناوى انشالله لما يفتح السوق يوم الثلاثاء انى اشترى السهمين هدولا hec ولا اعرف نقاط الدخول فى هدا السهم والخروج وسهم avr ناوى انشالله انى اشتريه على سعر 25 ,والا 26 علما انى اقبل النصيحة من اى اخ بشرط انه يرشحلى سهم من اسهم عرض وطلب فقط
عزيزي hec سهم نفطي يشترونه بالصيف ويبيعونه بالشتا وديونها كثيره avr سهم ملعوب فيه من الانسيدر وعلى 20. جيد
اخوى ولد عمي ممكن توضح النقطه هدى وانت ويوسف تقولون 20 زين هل تتوقعون انه راح ينزل للعشرين وادا نزل للعشرين تتوقعون انه راح يرتد بقوة الى فوق
انا امشي على طريقة يوسف او استراتيجيته في اسهم اقل من دولار لاني تعلمت على ايده ومعاه بويفت ايضا واوافق على كلامه وايضا كلام اخونا الاسباني ان لاتثق باسهم اقل من دولار لانها لاتخضع لاي تحليل الا الى خبر اكيد ..وتتفحص الخبر جيدا..اذا مالك خلق وتعبان فلاتشتري او لاتوصي كيف صعد السهم من 25 سنت الى 37 سنت بدون سبب يعني 50% هناك تلاعب اكيد هذا السهم ليس سيسكو او ياهو او اوراكل حتى يحترم الدعم على 0.25 عزيزي هذه شركات مبيعاتها بسيطه جدا ويمكن تنهار اذا لم تتلاعب بالسهم وتجني ارباح قبل انهيار الشركه اسال نفسك لماذا تستمر شركه وهي في خساير منذ 3 سنوات كيف تصرف رواتب لماذا لايتركها المدير ؟؟؟ الجواب انهم يتلاعبون بالاسهم مع رجال اعمال وياخذون نسبه هذا السبب او زيادة اصدار اسهم ثم سبلت...هذا لايحصل مع الشركات الكبرى التي تحترم التحليلات للاسف هنا توصيات من الاخوان لشركات عليها قضايا ولايدرون اي سهم انهار تزداد عليه التوصيات وبدون معرفة السبب الزبده : اشتر السهم على 25 وعزز 20 والله كريم (اخر كلام) هذا الكلام سرقته من يوسف لما سالته بالديوانيه عن avr
أخي الغالي ممكن تتقبل من النصيحه هذي ؟ أنت داخل بمبلغ 15000 دولار يعني مبلغ حلو . إذا تبي تحافظ على حلالك يالغالي أبعد من الأسهم اللي تحت الدولار تراه تودي بستين ألف داهية ومديونه للرااااس والدخول فيها مغامره كبيره ... تربح مره وتخسر عشر مرات ... خلك مع أسهم الشيوخ يعني اللي فوق الدولار وحبه حبه 5 بالميه وأطلع وحاول توزع فلوسك على كذا سهم ويستحسن أكثر من سهمين يعني من الثلاثه وفوق ويجب أن تراعي الله في شرعية الأسهم وعليك بالصبر وأنتظر مده وجيزه راح تشوف أنك ماشي صح والشباب هنا مايقصرون والله الموفق والسلام .
الاخ الكريم kuwaity لما لا تشترك معهم اي عرض وطلب وتريح بالك وتكون التوصية تصلك بالوقت المحدد بدلا من ان تنتظر من ان يعرض لك احد ، والافضل من ذلك ان تشترك بدورة المؤشرنت وتكتسب لك خبرة بالتحليل الفني ويمكن ان تكون خبير بهذا المجال وتعطي انت التوصيات بدل ان تاخذها من احد
