شركة القرين القابضة (قرين قابضة).....2

[بو سجي]

مالك شغل مدام محمد الحبيب و بوعادل قالو ان السهم في صعده وممتاز وفي دمج انشالله خير

وفاز بالذات من كان جسورا ومافي سهم راح يقعد 50 فلس لازم يصعد انشالله

 

[hassana]

مالك شغل مدام محمد الحبيب و بوعادل قالو ان السهم في صعده وممتاز وفي دمج انشالله خير

وفاز بالذات من كان جسورا ومافي سهم راح يقعد 50 فلس لازم يصعد انشالله

ان شاء الله وثقتنا كبيره في الاخوين بوعيسى وبوعادل بس انا كنت اتمنى من اخونا بوعيسى محمد الحبيب تحليل السهم فنياً مو بس التأكيد على الاخبار لان هذي الاخبار ممكن اطول وايد على فرض انها صحيحه وهذا مو تشكيك في الخبر ولكن فرضيه فقط

 

[أبو عمر]

يا جماعه انتو متأكدين من هالسهم ؟
اللى أشوفه انه فى ترند هابط والدخول عليه مجازفه !

الا اذا فيه أخبار ايجابية انتو أدرى !

للعلم ما أملك بالسهم

 

[صقرالبحر]

الف مبروك

السهم معطي دخول مبدئي حاليا
وبطل نزول خلاص بس اهم شي السوق لاينزل حيل

اتصور تو الناس علي رفع السهم واعتقد هذي القناة
اللي رح يجمع فيها السهم صانع السوق فتره من الوقت
لان الهدف 75 سكته سالكه مافيها مقاومات فاماعتقد
يصعد السهم بدون تجميع الا اذا كسر القناة للاعلي فدربه خضر

مؤشرات السهم جيده

هذي المشاركه في 27 \ 7

متي ماكسر السهم 56 قعدوني

 

[صقرالبحر]

مؤشر average true rang

هل يكررها هالاسبوع ؟؟؟

 

[alshie5]

مؤشر average true rang

هل يكررها هالاسبوع ؟؟؟

انشاءالله في صعوووووووووووووووووووووووووووووووووووووود

 

[alshie5]

انا ابي اشتري باجر السهم حتى لو حد اعلى شرايكم شباب الصراحه سهم مغري وايد
انا مشارك جديد وتوني داش السوق وما شريت للحين
يس قريت مقالاتكم وتشجعت اني اشتري
ولا شرايكم

 

[صقرالبحر]

alshie5

بعد 56 فلس بيومين وتداول عالي اشتر

 

[بو سجي]

دقوا الطبول واشحذوا السيوف وارفعوا الدروع فأم المعارك غدا ​

 

[RISKY]

يا جماعة الاندفاع الزايد مو زين والله يرزق الجميع

 

[بو سجي]

مشكور والله يسمع منكم وينطلق السهم باجر

انا من الحين لابس حزام الامان

اخاف اكون نايم وينطلق فينى السهم وطيح

 

[أعصار]

دقوا الطبول واشحذوا السيوف وارفعوا الدروع فأم المعارك غدا ​

الله يسمع منك ولاننصدم بعد بس عاد لاتقول بأم المعارك بوسجى أنشاء الله باجر الأحد يبين السهم مساره

 

[بو سجي]

صح كلامك صاحب ام المعارك دايما خسران

عيل انقول عاصفة الصحراء

 

[ابو محمد -]

السلام عليكم

انا متابع حق الكتاب في هالموقع واقرا من زمان ولاكن مستغرب من الكلام

الى يكتبونه بعض الشباب مثل ابو سجي كانه يقول حق محمود حيدر لا

ترفع هالسهم لين الناس كلهم يبيعون كله يتضمر والله لو تتركون هالسهم

من بعض التحاليل والى ماعنده خبره لايكتب او لايحلل ويضيع الناس من

وراه خل الشباب الى يعرف يكتب او يعطينى تحليل فني قوي



وشكرا لكم جميعا وحق ابوسجي خاصه

 

[cutenooooona]

(قرين قابضة) تحقق خسارة ب11,3 مليون د.ك من الاستحواذ على احدى شركاتها

(قرين قابضة) تحقق خسارة ب11,3 مليون د.ك من الاستحواذ على احدى شركاتها

سوق الكويت للأوراق المالية الاحد 9 أغسطس 2009 8:00 ص




يعلن سوق الكويت للاوراق المالية عطفا على اعلانه السابق بتاريخ 22-07-09 ‏والخاص بشركة القرين القابضة وموافقة مجلس ادارتها على استحواذ شركة ‏مدينة الاعمال الكويتية العقارية على شركة تابعة ،تفيد شركة القرين القابضة ‏بان الجمعية العمومية العادية قد انعقدت بتاريخ اليوم الخميس الموافق ‏ِ06-08-2009 بنسبة نصاب بلغت (61,97%) ،ووافقت على العرض المقدم ‏من شركة مدينة الاعمال الكويتية العقارية والخاص بالاستحواذ على شركتها ‏التابعة، شركة الزمردة للتجزئة والخدمات القابضة والمملوكة لشركة القرين ‏القابضة بنسبة 99% وذلك فى مقابل الحصول على عدد (239,800,000) ‏سهم من اسهم شركة مدينة الاعمال الكويتية العقارية ،وسوف ينتج عن هذه الصفقةاعادة تبويب بعض الخسائر المحتجزة فى حقوق المساهمين كما فى 30-06-2009 ‏وتحقيق ربح غير اعتيادي بمقدار 11,365,315 د.ك مما سوف يؤدي الى نتيجة ‏نهائية ستظهر فى نتائج الربع الثالث 2009 وتكون عبارة عن خسارة دفترية ‏بمقدار 11,385,429 د.ك .‏

 

[alshie5]

الظاهرلا طبنا ولا غدا الشر السعر هو هو رايح فيها زين ما شريت

 

[alshie5]

اعلان الخساره من الصبح فال اغشر الله يستر عليكم

 

[wlmadi]

معظم المشاركات تطبيل للسهم والله واعلم للتصريف برجاء عدم التطبيل اكثر من الازم واللي عنده تحليل او معلومه عن السهم ممكن يضعها حتي لا يتدبس الناس من كثر التطبيل

 

[صقرالبحر]

الظاهرلا طبنا ولا غدا الشر السعر هو هو رايح فيها زين ما شريت

قلتا لك من البارحه لا تشتري

 

[wlmadi]

انا ابي اشتري باجر السهم حتى لو حد اعلى شرايكم شباب الصراحه سهم مغري وايد
انا مشارك جديد وتوني داش السوق وما شريت للحين
يس قريت مقالاتكم وتشجعت اني اشتري
ولا شرايكم

شنو بالحد الاعلي ليش في معلومه ولا للتطبيل . اليوم كان ممكن تشتر 48 مو حد اعلي