Bandluxe C120 7.2 الوطنية + زين

[Gevara]

السلام عليكم

للبيع قطعة Bandluxe C120

تشبك وطنية أو زين وممكن تشبك معاك بأي مكان بالعالم تكون عندهم خدمة النت

القطعة جديدة استعمال أقل من شهرين أخذتها من الأخ الفاصل Abdulaziz

ويا الكرتون وغراضها كالجديدة وكفالة 10 شهور بعد

(موجود خط الداتا وطنية 14 دينار شهري مو ضروري بس الي يبيه مبروك عليه بحوله اياه باسمه, الأفضلية للشاري واذا ما يبيه مبروك على الي يبيه)

لأعلى سعر انشاءالله​

 

[Abo Fahad]

20 وموفق

 

[eng_q8]

كم خاطرك اخوي وبكم شاريها عشان نقدر نسومها

 

[شاب محترم]

٢٥ موفق

 

[Abo Fahad]

27 Kd

 

[Gevara]

شكرا للسومات الطيبة وبالنسبة لسعر الشراء 48 دينار

والفاتورة موجودة انشاءالله

 

[eissa]

٣٠ مع خط الداتا

 

[Gevara]

مو بعيد ابدا انشاءالله ومشكور عالسومة

 

[sahran]

31 بدون خط

 

[eissa]

32 رقمي 7301030

 

[AL MUTAIRI]

اخوي تبدل مع قطعة باندليكس سي 100 الأكسبرس وبنفس الوقت تقدر تشبكها يو أس بي
لونها أبيض
نظيفه

سرعتها 7.2

(( وللعلم أخوي ترى خط الوطنيه مايتحول وتقدر تتأكد .. والله يعينك تراهم بيخلونك تدفع 15 دينار عشان تفصل الخط ))

 

[otaibah]

اخوي تبدل مع قطعة باندليكس سي 100 الأكسبرس وبنفس الوقت تقدر تشبكها يو أس بي
لونها أبيض
نظيفه

سرعتها 7.2

(( وللعلم أخوي ترى خط الوطنيه مايتحول وتقدر تتأكد .. والله يعينك تراهم بيخلونك تدفع 15 دينار عشان تفصل الخط ))

أخوي المطيري
جم خاطرك بقطعتك اذا بياع وليش تفضل c120 عليها، فيدنا جزاك الله خير.

 

[AL MUTAIRI]

والله اذا تبي تشتري عطني سعر

وانا ما افضل ولا شي
وللعلم كلهم نفس الشي

بس لأني بشتري لاب توب ايسوس الصغير
ومافيه منفذ اكسبرس

وفيه منفذين يو اس بي

عشان جذي ابي قطعة اليو اس بي
وصلة المعلومه ..

وأعتذر من صاحب الموضوع على ردي هذا
وان شاءالله مايكون ضايقناه

 

[Gevara]

حياكم وعادي خذو راحتكم مو بمحمكة احنا وكلنا اخون انشاءالله

بالنسبة للخط أخوي المطيري يتحول عادي انا رحت للفرع قبل حوالي الشهر يحولونه عادي وبدون فلوس بعد

بس لازم الخط يكون عمره أكثر من شهر يعني يكون طاف عليه فاتورة واحدة

بالنسبة للسعر صراحة ما كنت متوقع يكون تحت جذي بس يمكن سعر القطعة نزل, على كل حال أنا بياع على 35 انشاءالله والي يبيها حلال عليه وللعلم سبب البيع انو عندي Dsl والابتوب راح مني هدية لناس ومال لزمة بالقطعة بس مو أكثر.

وشكرا للي سامو بالموضوع والخاص ناس طيبين وغالين

انشاءالله الي يبيها يدزلي رقمه بالخاص وانا أتصل عليه

 

[eissa]

اخوي دق علي بقيت القطعه بالسعر اللي تبي 7301030 مع الداتا

 

[AL MUTAIRI]

هلا اخوي
لا مو بمحكمه
بس هذا موضوعك
ولازم نستأذن مو حلوه نتعدى على شي خاص فيك

وباين من ردك بأنك أنسان طيب ومن بيئة طيبة
ولا قصور باقي الأخوان والاخوات

وبخصوص الخط والله زين اذا يحولونه
لأني انا فصلت خطي تقريبا من شهرين او ثلاث

واخذوا مني 15 دينار

معنه خطي صارله فوق 6 شهور ...

الوطنيه خدمته مادري شلون صايره
بعكس زين لما بتفصل الخط جنه بلاش

ومشكور اخوي

وبالتوفيق بالبيعة ان شاءالله

 

[eissa]

اخوي وينك ما دقيت ناطرك

 

[Gevara]

تم البيع للأخ الفاضل eissa مبروك عليه انشاءالله

وشكرا لجميع المشاركين بالموضوع