ساعدونا جزاكم الله خير بالاختيار؟؟ lcd or plazma???

[المرزوق]

السلام عليكم
اخواني انا مقبل علي شراء تلفزيون وماني عارف بلازما او ال سي دي ... ايها انقي الوانا ودقيق جدا واوضح ؟؟؟ والحجم 42
انا سمعت عن ماركه بايونير . احد جربها ؟؟؟
ارجو المساعده منكم جزاكم الله خير
مشكورين

 

[eissa]

ما في وجه مقارنه اخوي بين البلازما وال سي دي طبعا البلازما قاعد ينغرض بالسوق تدريجيا لان ال سي دي اصفى بوايد و لا تعب نفسك بين الماركات السوني انقا شي بالسوق واذا تبي اخذ فل اج دي بس سعره غالي والله يعينك وموفق هذي من وجهة نظري

 

[fire fighter]

اخوي انا هذا شلغلي عرفت ف انصحك ب LCD مستقبلا افضل تاخذه 2 ميجا بيكسل يعني Full HD


الماركات القويه :-


1- سوني 2- سامسونج 3- LG


هذولي اخوي اقوى الماركات و احسنهم بالتصنيف الالمي و اذا اي استفسار اخر انا حاظر يالحبيب

 

[PRISON BREAK]

سلام عليكم...

أخوي غير سامسونج لا دور

وشكرا...

 

[مفتاح]

واذا شريت اتمنا تشتري معاه سيستم السماعات شكلهم حلو وكأنك قاعد بسينما

 

[saad1975]

اخوي انا جربت الاثنين انصحك با lcd يفضل ماركة السامسونج واقولك الفرق بين الاثننين
1 - البلازما نقاوة الصورة تشتغل على الغاز ولها عمر افتراضي 20 الف ساعة طبعا مع الوقت تخف جودة الصورة كل ما قل الغاز وفي حالة انعكاس الشمس على التلفزيون تعكس الرؤية وما تقدر تشوف عدل اما lcd فجودة الصورة على السائل وما لها عمر افتراضي يعني جودة طول العمر وتستطيع الرؤية حتى في حالة انعكاس الشمس على التلفزيون ما تاثر ونقاوة lcd لا يعلى عليها ماكو مقارنة اساسا واكبر دليل شوف فرق السعر بين الاثنين وانت اتعرف .

 

[Koweiti]

ال سي دي اكيد افضل من بلازما

 

[المرزوق]

الله يجزاكم الخير جميعا .... طيب لو الاختيار بين سامسونج وال جي .... اخذ شنو؟؟؟ وفقكم الله جميعا
وشنو احسن مكان وارخص نوعا ما اقدر اشترى منه ؟؟؟

 

[saad1975]

طبعا سامسونج وشوف اقمار الخليج بحولي عند دوار صادق خوش اسعار عنده

 

[خسران جداً]

جزاكم الله خير حتى انا استفدت

 

[zoya_y]

LCD طبعا بلا منازع

 

[حفار قبور]

البلازما أفضل من ال إل سي دي إذا كانت حركة الصورة سريعة مثل أفلام الآكشن وكرة القدم ، ففي ال إل سيد دي الصورة يصبح لها ظل خفيييف أثناء الحركة السريعة على عكس البلازما

وال إل سيد دي أفضل من البلازما إذا أستخدم في عرض البرامج الثقافية واللي حركة الصور فيها ذات سرعة عادية والصورة فيها أنقى وأصفى

وأنا أفضل البلازما لأستخدامه في الستلايت فهو مهيء للحركة السريعة والبطيئة وطبعا مع الأخذ في الإعتبار لنوعية البلازما ، فذو المواصفات والتباين والدقة الأكبر هو المطلوب

تحياتي

 

[BO-MUBARAK]

معلومة فنية بحته من واحد خبير فني

البلازما العمر الافتراضي للشاشه قصير جدا مقارنة بشاشة ال سي دي
حيث ان النقاط الزيتية في البلازما مع مرور الوقت تحترق ويجب تبديل الشاشه

 

[الصليبخات]

اخوي بدون كلام اخذ ال سي دي و انت مغمض ..

و طبعاُ سوني الأفضل و اسأل مجرب و لا تسأل طبيب عايلتنا كلها عندهم سوني ال سي دي ..

 

[Faris]

السامسونج أو اي ماركه بس المهم يكون High Definition 1080p full HD
بس تذكر الرقم 1080p مهم جدا للشاشات الـ Hd

 

[falehh]

السلام عليكم

انا عندي Samsung ال سي دي صراحه شي عجيب وحلو وسعره هم زين 209 راكب خالص من يوريكا 32 بوصه

 

[بور-صا]

اخوي Lcd ماركة هايونداي ميزته ياباني 100% وتحصله عند ..علي الغانم واولاده ...مو صفاة الغانم لاحظ .. وموفق خير ان شاءلله

 

[فاضي حدي]

والله السوق يعقدك من كثر الماركات والانواع
ياجماعة شرايكم من وين نشتري واي ماركة بالضبط وانا شفت فليبس عجبني الجوده مالته

وفل Hd شنو فايدتها اذا كان الرسيرفر لا يدعم الـ Hd ?

يعني مستقبلاً المقصود منها ؟

وكم النقاوة؟

ياليت اخواني تذكرون تفاصيل اكثر لأن الموضوع حساس شوي وماقصرت اخونا وفتح الموضوع وكلنا استفدنا

 

[almulla1]

اخوي LCD وانت مغمض واحسن نوعية بالعالم سامسونج واذا انت من ربع البلاي ستيشن 3 اخذ Full HD واذا من من ربعهم اخذ HD Ready انا عموما عارض تلفزيون مكفول توشيبا 42 بوصه LCD اذا حبيت تستفسر هذا رقمي 6412344 بوعبدالعزيز وهذا رابط الموضوع

http://www.indexsignal.com/vb/showthread.php?t=114455

 

[الذهبي4]

اخوي مايحتاج اخذ Lcd ومايحتاج حيل توسوس بكثير من المواصفات لآن شاشات
ال سي دي جميعها بدون استثناء جميله وللعلم جميع شاشات ال سي دي محد يوزعها فى العالم غير شركتين فقط البانوسونيك والهيتاشي يعني المعلومه ان شاشات Lcd
مافيها تقليد بالعالم ولكن هي مستويات فى الدقة والصفاء وبدون استثاء أقلها درجه
جميله واعلاها درجه جميلة لأهل الاختصاص الدقيق والشركات بشتي انواعها تضع الكوالتي والمواصفات الاخري

وللعلم انا عندي تلفزيونات Lcd 32 يوصلك ومع التركيب على الطوفه 175 دينار وكفالة سنة

وبدون استاند طوفه ولكن استاند أرضي ب 160 دينار واصل لبيتك والماركة يابانية NHE
وهذا رقمي للاستفسار وكذلك عندي 42 سعره 260 دينار رقمي /// 6401400

وبالتوفيق وربي يوفقك للافضل