..:: سهمك في موجه ...... (صاعدة أم هابطة) ::..

[Bo Mostafa]

مساء الورد جميعا كيف حالك استاذي بومصطفى ياليت سهم صلبوخ - 527
ولك جزيل الشكر على مجهودك الطيب وعسى الله يرزقنا معاكم الرزق الحلال

ليما الحين ناطرك يابو مصطفى مو تفضى بالليل الله يعينك علي ويبارك لك في مالك ووقتك قول امين

حياك أخوي بس مصدع شوي وخايف أخورها وياك
السهم في موجه صاعدة بس النزول اليوم يقلق
إسمح لي أشوف تداوله باجر ويصير خير

آسف على الإختصار

 

[Bo Mostafa]

ماعليك امر

الوطنى الدار واجلتى

شكرا

سامحني أخوي نور الأنوار

باجر أشوفلك طلبك ولكن أجيليتي موجود بالتقرير إرجع صفحتين وشوف

أعتذر للإختصار

مصدع شوي

 

[dr.maged]

سامحني أخوي نور الأنوار

باجر أشوفلك طلبك ولكن أجيليتي موجود بالتقرير إرجع صفحتين وشوف

أعتذر للإختصار

مصدع شوي

سلاماااااااات

 

[(abdullah(z]

حياك أخوي بس مصدع شوي وخايف أخورها وياك
السهم في موجه صاعدة بس النزول اليوم يقلق
إسمح لي أشوف تداوله باجر ويصير خير

آسف على الإختصار

سلامات يابومصطفى ماتشوف شر ومأجور بأذن الله

 

[Bo Mostafa]

سلاماااااااات

الله يسلمك من الشر يا دكتور
متى الوصول ولا أنت هناك
مشكور على السؤال بارك الله فيك

تقبل تحياتي

سلامات يابومصطفى ماتشوف شر ومأجور بأذن الله

الله يسلمك من الشر
ومشكور على الدعاء الطيب من طيب مثلك
وإن شاء الله اليوم أحاول أسكر الثغرات التحليل
وسامحني على الإختصار

تقبل تحياتي

بومصطفى

 

[(abdullah(z]

بارك الله فيك واتمنى لك دوام الصحه والعافيه يا اخونا وطمنا عليك

 

[faisel 2]

لو سمحتم بنك بوبيان

 

[(abdullah(z]

لو سمحتم بنك بوبيان

عشان مايتعب اخونا مصطفى بوبيان - 109

 

[wld al salmiya]

شرايك بالتمدين ا
جنه فيها شي
؟؟؟؟؟؟؟؟؟؟؟؟؟؟؟؟؟؟؟؟؟؟

 

[Bo Mostafa]

الشركه انجازات
414
ولكم جزيل الشكر

حياك الله أخوي عبدالله وآسف على التأخير

سهم إنجازات : في موجة هابطة كان
والحين موجة أفقية وأعتقد فترة التجميع المملة شوي
وبعدين يعدل إتجاهه شاهد الرسم

تقبل تحياتي

بومصطفى

 

[Bo Mostafa]

ماعليك امر

الوطنى الدار واجلتى

شكرا

نور الأنوار بارك الله فيهم وفيك إن شاء الله

وآسف على التأخير

الوطني : سهم في موجة هابطة وهدف النزول ممكن يكون حسب ما هو موضح بالرسم

الدار : سهم في موجة صاعدة والحمد لله وأعتقد يواصل الصعود نتيجة هذه الموجة خصوصا ً اليوم تداوله يبشر

أجليتي : مثل ما قلت لك حسب التقرير أو التحليل السابق
حيث ذكرت فيه أنه في موجة هابطة والحين أفقية للتجميع أعتقد كالعادة
وبعدين كما ذكرت أنه يستهدف هدف الصعود إلى 1280 والله العالم

تقبل تحياتي

بومصطفى

 

[Bo Mostafa]

مساء الورد جميعا كيف حالك استاذي بومصطفى ياليت سهم صلبوخ - 527
ولك جزيل الشكر على مجهودك الطيب وعسى الله يرزقنا معاكم الرزق الحلال

ليما الحين ناطرك يابو مصطفى مو تفضى بالليل الله يعينك علي ويبارك لك في مالك ووقتك قول امين

حياك أخوي بس مصدع شوي وخايف أخورها وياك
السهم في موجه صاعدة بس النزول اليوم يقلق
إسمح لي أشوف تداوله باجر ويصير خير

آسف على الإختصار

الحين تفرقت للسهم عشان أعطيه حقه إن شاء الله

سهم صلبوخ واضح أنه متذبذب والآن في موجة صاعدة بس لا يغرك
شوف الرسم وعلى الفيبو 2 وصل إلى أهداف مباشرة وسريعة
وكل مره يتم إختراق مستوى 423 % ينزل السهم بعد تداول مبالغ فيه
واليوم توقف بالضبط عند نفس المستوى ويتراجع
خلي بالك ممكن يخق فيك أو يكسر الحاجز كالعادة ويرجع خلك حذر

تقبل تحياتي

بومصطفى

 

[Al Karar]

يعطيك العافيه اخوي بغيت تحليل سهم المعادن 510 وشكرا علما انه صارله اسبوع يتداول على 450 او 455

 

[عبدالله1]

الاستاذ مصطفى

عساك على القوه
والله ياجرك على فعل الخير
ولاتنسانه بتحليلاتك الواقعيه

 

[Bo Mostafa]

لو سمحتم بنك بوبيان

عشان مايتعب اخونا مصطفى بوبيان - 109

شاكر لك أخوي عبدالله تعاونك بس البنوك لا تحاتيهم وحتى غير كويتي كذلك
الرك على القطاعات الثانية

======================================

حياك الله يا خوي zead

عفوا ً أخوي تم تحليل السهم في نفس الموضوع

حيث ذكرنا أن سهم بنك بوبيان في موجة هابطة ولا يزال
تم ذكر السهم أيضا ً في التقرير بأنه لا يزال في نفس الموجة
إرجع صفحة 10 ، مشاركة رقم 141 تلقى التحليل

تقبل تحياتي

بومصطفى

 

[Bo Mostafa]

شرايك بالتمدين ا
جنه فيها شي
؟؟؟؟؟؟؟؟؟؟؟؟؟؟؟؟؟؟؟؟؟؟

حياك أخوي wld

مع أن السهم تم تحليله وموجود في التقرير السابق بأنه سهم تمدين أ
في موجة هابطة وكان لا يزال وضل على هذا النحو بالهبوط
والدخول عليه خطر بعتقادي حيث يمكن أن يصعد شيء بسيط إلى 465 فلس
ويرد ينزل إلى الخط الأزرق تحت حدود 410 فلس
مع العلم أنني حللت السهم قبل 3 أو 4 أسابيع و في صفحة درس في إستخدام الفيبو الثاني ( الرابط موجود في توقيعي ) أذكر ذكرت أن السهم سوف ينزل إلى 440 فلس وها هو نزل 430 فلس

شوف الرسم وأنت أحكم

تقبل تحياتي

بومصطفى

 

[Bo Mostafa]

يعطيك العافيه اخوي بغيت تحليل سهم المعادن 510 وشكرا علما انه صارله اسبوع يتداول على 450 او 455

حياك الله أخوي كرار
بارك الله فيك

سهم معدن : في موجة هابطة حادة وطويلة
ومن الممكن يستهدف النزول إلى 400 فلس على مستوى 261 % للفيبوناتشي Projection ( إنظر الرسم المرفق )

تقبل تحياتي

بومصطفى

 

[Bo Mostafa]

عساك على القوه
والله ياجرك على فعل الخير
ولاتنسانه بتحليلاتك الواقعيه

الله يقويك أخوي عبدالله1
ومشكور على الدعاء الطيب
وإن شاء الله يكون التحليل أقرب للواقعية
وهذا ما أتمناه

تقبل مودتي

بومصطفى

 

[acton]

يعطيك الف صحه وعافيه وعسى الله يوفقك ويعطيك على حسن نيتك
ممكن تحليل بسيط على ابيار وايكاريوس مادري اشوف ابيار مدعومه على 680 يمكن انا غلطان وماني عارف شنو مقاومتها تنصحني ازيد الكميه على 680 بالنسبه لايكاريوس غاص فيها مادري اخليها او ازتها

 

[أسد في البورصة]

mostafa

سلامات ((((عليك بالفاست بندول500))))

اخوي مصطفي انا شايف ان التحليل بالشارت اللي حاطه لاغلب الاسهم يمر بموجه هابطه ماعدا دار الاستثمار صاعده موجته
ياريت تحط للشباب بعد اذنك الشارت فقط بالويكلي ليش؟؟؟؟؟

لأن السوق غير مستقر ويمر بحالة تذبذب شديده واعتمدنا على بعض التحاليل لكبار المحللين بالساحل والاستثمارات وفريق دريال ولم يثبت كلام اي منهم والاسهم اغلبها هابط هبوط لايستطيع التماسك احيانا مثل بعض الاسهم اكتتاب المجموعه د ايفا د للايجاره المدينه وغيرهم كثير

لذا حبيت انك تنبه اخوانك وانا معاهم بأن الاسهم في الوقت الحالي مضاربه سريعه حتى يقللوا من الخساير وهذا افضل حل برايي والله يوفجك

واشكرك على سعت صدرك وقراءتك لما افضيت

رايك لوسمحت