سباق سهم vs سهم vs سهم

[Master-Leo]

شرايكم بدل مانضع تحاليل وبس خلونا نتشارك بالأفكار ونسمع الآراء المختلفه

تفضلوا هذي ثلاثة أسهم مع احتمالات صعودها أو نزولها (لاسمح الله)

اختر سهمك الرابح في مدة زمنيه لاتتجاوز اسبوعان فقط لتحقق هدف الصعود المذكور

إسمنت أبيض​

- الدعم 174-172 مقاومه 184

- في حال كسر المقاومه 184 الهدف 194

منشآت ​

- الدعم 350 مقاومه 370

- في حال كسر المقاومه الهدف 395-400

ايكاروس​

- دعم 315 مقاومه 335

- في حال كسر المقاومه الهدف 350-355​

 

[Master-Leo]

ملاحظة اذا أحد الأسهم حقق الهدف المطلوب قبل انتهاء الاستفتاء خير وبركة لكن ارجو عدم اختياره في مثل هذه الحاله

وخل نشوف اختياراتنا بعد اسبوعين ونتائجها بالتوفيق للجميع

 

[أسد سليمان ملك]

هلا ببوعلي ماتهد ثارك مع الابيض
جمعيته السبت لتحديد ارباح لانص الاول واذا ايجابي ابشر بالسهم

منشااات ممتازه لانها عندي

ايكارووس الله العالم

 

[Navigator]

مشكور بو علي

خوش فكرة

ولدي خوش :d:d:d

اسمنت ابيض

192

بالتوفيق

 

[دواس]

ليو مساك الله بالخير

اعتقد ايكارس 360 فلس​

 

[Master-Leo]

مساكم الله بالخيرات والليرات لاتختارون سهم بناء على العاطفه ترى هذي أحد أكبر اخطائنا هههههه

انا تعمدت أحط بس ثلاثة أسهم عشان اللي عنده خبرة بالتحليل أو بالنظر لتداول هالأسهم ممكن يتوقع اذا كان لهم صعود قادم أم لأ

اخوي الأسد سهم الاسمنت الأبيض يوم الأحد راح يكون اجتماع مجلس الاداره لإعلان ارباح النصف الأول

انا راح اختار من بين هالأسهم بس أبي اتأكد من تداولات يوم الأحد

 

[المستشار الصغير]

أنا أنصح بسهم منشآت لأني أعرف ميكر السهم

 

[بحريابحر]

منشآت رايحه فوق 400

 

[NBK]

انا اقول منشآت

بالتوفيق

 

[Bo Mostafa]

سلام عليكم بو علي والحاضرين جميعا ً

حياك الله بوعلي إن شاء الله أخبارك طيبة

تبي الصراحة محتار بين أبيض والمنشآت
وإخترت أبيض لإعتبارت أنه في موجه صاعدة بشرط أشوفه
فوق 182 فلس راح يصعد على مراحل إلى 200 فلس

وأهنيك على الفكرة الطيبة

تقبل مودتي وإحترامي / بومصطفى

 

[Abdullah Alhajeri]

منشآت

من غير عاطفه فقط تحليل فني السهم بدا بإنهاء موجه تصحيح فرعيه

والان هو في موجه صعود فرعيه قد تقوده الى فوق 450

 

[TAKE-OVER]

شلونك بو علي
و عساك طيب
والله يردك بالسلامه يالغالي
تم التصويت

 

[nasy]

اعتقد اكتتاب ايكاروس بالسعر الحالي او قريب منه !!!!!

 

[قاروه]

هلا بوعلي

بخرب عليك واسمحلي ادري امون

بقول جراند والمجموعه

 

[Master-Leo]

ياهلا فيكم

انا كأني نسيت أنبه اذا في أحد بيشتري فضروري وقف الخساره بأي اقفال تحت سعر الدعم لاسمح الله

اخوي رسام شلونك وشكرا للمشاركه اذا ماني غلطان انت صرت خبره أيضا بسهم منشآت

بومصطفى ترى بالصدفه حطيت اسمنت أبيض ومنشآت لأني قاعد اقولب الشارتات و تالي تذكرت انك من المتابعين الجيدين لهم بعد ماحطيتهم بالاستفتاء

المستشار الصغير شكلك من المتابعين لسهم منشآت بما انك تعرف ميكر السهم

رسام يعجبني فيك عدم اللجوء للعاطفه واعتمادك على التحليل

حبيبنا بوطلال مشكور على التصويت واحنا بخير ولله الحمد والله يسهل علينا باجي المدة وتمر الاسابيع مثل الهواء لأني زهقت من القعده بره الديره

 

[Master-Leo]

هلا بوعلي

بخرب عليك واسمحلي ادري امون

بقول جراند والمجموعه

هلا بو عزوز اكيد تمون

انا المشكله كاره جروب المجموعه الدولية فحتى لو أشوف تحليله جيد

ماروح لهم بس ماقول إلا الله يوفق صغار المستثمرين القدامى فيه أو اللي

بيدخلون عليه بالوقت الحالي وهم بنطمع بتصويتك ياحلو لأن صوتك أمانه

 

[آفة السوق]

السلام عليكم ورحمه وبركاته

انا رشحت منشآت

سوت دبل بوتوم على سعر 350 فأتوقع الارتداد

والله اعلم

 

[خبير النفط]

أنا أنصح بسهم منشآت لأني أعرف ميكر السهم

ماينفع معاه الميكر يبيله جيكر

 

[بو سليمان]

اسمنت ابيض

 

[Dr.F]

السلام اخوي ماستر ليوو

عسى الله يسهل عليكم المده وتردون الديره باسرع وقت وبصحه وعافيه يارب العالمين وتمر عليكم اسهل من شرب الماء واخف من الريش وماجورين باذن الله ..وما تضيج والا و تفرج..
بخصوص الترشيح ماني متابع هالاسهم..
وفكره رائعه..وموفقين..