أرجو المساعده

[* بوحـــــسين *]

انا عندي سوال ودي اعرف اجابته
شالفرق بين السوق الرسمي وسوق الكسور وشنو ميزة كل واحد ؟
انا مشترك بخدمة بيت التمويل للتداول توني ما صار لي فترة وحطيت لي امر على السوق الرسمي
وبقت عندي فلوس ما اقدر اشتري فيها وحدة كاملة وودي حاليا اشتري فيها بنك بوبيان لانه نازل بس ما اقدر اشتري عن طريق السوق الرسمي لان المبلغ اقل من وحدة
فهل تنصحوني اشتري عن طريق سوق الكسور وسوق الكسور هذا شنو ميزاته وشنو عيوبه
وشاكر لكم

 

[Doc30]

للرفع . اخونا ضيف يديد ..يستاهل . احد يقدر يجاوبه شباب

 

[TAKE-OVER]

حياك الله يا اخوي بو حسين
ما فيه فرق بين السوق الرسمي و سوق الكسور الاّ بالوحدات
و راح اعطيك مثال
اذا انت اشتريت 10.000 سهم س بسعر 260
و نزل معاك السهم و وصل الى 240
بالحاله هذي ما تقدر تبيع السهم بالسوق الرسمي
لانه اقل وحدة للتداول هي 20.000 سهم
و انت عندك 10.000 سهم
و بالحالة هذي
ما لك الاّ سوق الكسور علشان تبيع السهم
ان شاءالله قدرت افيدك يا اخوي بو حسين

 

[(فزاع)]

اضيف على كلام اخوي تيك اوفر ..
ان سوق الكسور .. يا انك تشتري الكميه كامله ، ولا ما تشتريها .. يعني ماكو مجال للتجزأه ..

 

[Navigator]

وزياده على كلام الحلوين

البيع والمشترى بالسوم

مثلا حصلت 1500 سهم بوبيان عارضهم البياع على سعر 560

تقدر تسوم من 510 الى 550

او تشتريهم عادي

لكن يعيب سوق الكسور البيع

نادر ما تحصل سوام لسهمك بالسعر اللي تبيه

بالتوفيق

 

[* بوحـــــسين *]

على حسب علمي ان الاسهم الغير مدرجة تطول تاخذ اكثر من سنتين ونص فإذا كلامي صح !!!!!!!!!!
يعني لو تشغل فلوسك باسهم خليجية كان بالسنه تجيك ارباحها 3 مرات مثل الامارات وقطر اما السعودية فمرتين بالسنه
فما تعليقكم

ويعطيكم العافيه

 

[(فزاع)]

على حسب علمي ان الاسهم الغير مدرجة تطول تاخذ اكثر من سنتين ونص فإذا كلامي صح !!!!!!!!!!
يعني لو تشغل فلوسك باسهم خليجية كان بالسنه تجيك ارباحها 3 مرات مثل الامارات وقطر اما السعودية فمرتين بالسنه
فما تعليقكم

ويعطيكم العافيه

نسبة الربح من الاكتتابات العامه في الكويت عند الادراج مالا يقل عن 400% ..وهالشي مو موجود بدول الخليج ..​

 

[bobader77]

أنا عن نفسي ما فهمت كلامك

على حسب علمي ان الاسهم الغير مدرجة تطول تاخذ اكثر من سنتين ونص فإذا كلامي صح !!!!!!!!!!
يعني لو تشغل فلوسك باسهم خليجية كان بالسنه تجيك ارباحها 3 مرات مثل الامارات وقطر اما السعودية فمرتين بالسنه
فما تعليقكم

ويعطيكم العافيه

كلامك مو واضح لي شنو معناه
شلون تجيك ارباح ثلاث مرات بالسنه أو مرتين

أما إذا تبي افيدك عن طريق شلون تشتري كسور عن طريق بيتك للتداول
في مباشر وين مكتوب سوق راح تلقى الرسمي والكسور
تختار الكسور والسهم اللي تبيه بس تشوف الكسور المعروضه يعني مو على كيفك ، تشوف المعروض وتسوم يعني مثال سهم بنك بوبيان عارض واحد 1260 سهم وانت محتاج 1000سهم في هل الحاله عندك اختيارات يا تنطر احد يعرض ألف سهم أو تشتري الكميه المعروضه وترد تبيع الزايد منها هذا من ناحيه الكميه أما من ناحية السعر بالعاده يكون سعر العرض نفس سعر اخر صفقه اذا حبيت تعرض الكسر هذا للبائع أما الشاري عنده اختيارات اما ياخذ المعروض او يطلب بأقل من السعر المعروض وينتظر البائع اما يمل ويقط عليه الكسر أو يصعد شراي ثاني بالسعر وياخذه منك.
اتمنى تكون هذي اجابه علي استفسارك