شوفوا أسعار الــ Dsl بالسعودية وموتوا قهر ياأهل الكويت

[عازف الجيتار]

من سرعة اشتراك 512 يتحول إلى 1MB في الكويت

اخوي هذا عرض مايفيد مرده بيخلص : )

يعني 512 : ) مو 1mb نعتبره

 

[ابو غانم]

لا وأزيدكم من الشعر بيت ... مجرد ان خط البيت عندك يدعم الــ DSL تمر أقرب سوبر ماركت وتشتري كروت اشتراك DSL وانت مرتاح .

يعني مايحتاج تروح تسوي لك معاملة وتدور لك موقف وتصعد الدور الخامس علشان اشتراك !!

شوف التطور وين وصل بالسعودية ودول الخليج الثانية وأحنا أنتهازيين وأسعار خيالية .

تفضلوا شوفوا الكروت اللي لقيتها بسوبر ماركت

 

[Madridi]

المشكلة على حسب علمي انه الكويت من أوائل الدول الي تم تزويدها بخدمات الانترنت

وشوف اللحين الفرق

صج لي قالوا

كويت الماضي
إمارات الحاضر
قطر المستقبل

 

[بوعبدالله]

اعتقد غفلتم عن شغله
بالكويت تدفع 30 دينار سنوي اشتراك التلفون وبس
و بالسعوديه تدفع الاشتراك + المكالمات المحلية + المكالمات المرسله للهاتف المتنقل + وغير فواتير الاتصال من منطقة الى منظقة مثال الرياض الى جده لها تعريفه بالدقيقه

يعني ممكن شهري تدفع عن مالايقل 10 دنانير بس فواتير لتلفون البيت

 

[Madridi]

اعتقد غفلتم عن شغله
بالكويت تدفع 30 دينار سنوي اشتراك التلفون وبس
و بالسعوديه تدفع الاشتراك + المكالمات المحلية + المكالمات المرسله للهاتف المتنقل + وغير فواتير الاتصال من منطقة الى منظقة مثال الرياض الى جده لها تعريفه بالدقيقه

يعني ممكن شهري تدفع عن مالايقل 10 دنانير بس فواتير لتلفون البيت

تدفع 30 دينار وما تستخدم الأرضي

منو اللحين يستخدم التلفون الأرضي ؟؟

الا ما ندر

 

[>>الرويلي<<]

وين اعضاء مجلس الامة ومجلس الوزراء بفتح المجال للمنافس لتقديم خدمة افضل صج حسافة عليج يا كويت صرتي بيد النصابين والحرامية والمتسترين عنهم
وزارة المواصلات يبيلها باقر لنسفها نحن محتاجين لمليون مثل وزير التجارة البطل احمد باقر

 

[جورج المطيري]

هلا

وين اعضاء مجلس الامة ومجلس الوزراء بفتح المجال للمنافس لتقديم خدمة افضل صج حسافة عليج يا كويت صرتي بيد النصابين والحرامية والمتسترين عنهم
وزارة المواصلات يبيلها باقر لنسفها نحن محتاجين لمليون مثل وزير التجارة البطل احمد باقر

مالقيت الا عدو الشعب الحين صار زين عشان زاد دهن الطبخ وزاد اثنين غرام شعرية
ياخى ارجوكم اقروا التاريخ عدل اذا على هالطريقه كل شخص يبطش فينا ويفقرنا لمدة مليون سنه واخر شي يقول انا معاكم مو ضدكم وهذا كيلو شعرية وكيلو مكرونه هدية برمضان صار بطل
بقدرة قادر صار بطل
ياخى كلمتك هذى قويه ارجوا انك تراجع نفسك وتستغفر ربك عن هالكلمه وتتوضأ وتصلي ركعتين وتطلب من الله الغفران

 

[هزيم]

هذي الاسعار اللي اعرفها ومشترك فيها عندنا :-


سرعة 512 كيلو بيت عليها رسوم شهرية بـ 90 ريال
تضاف الى عروض الشركات المزودة لخدمة الدي اس ال وعلى سبيل المثال :-

شركة ما ( ماني بقايل اسمها عشان ما اسوي لهم دعاية ويهبّون فيها العالم ) ادخلت بعرض قبل ستة اشهر باسعار منافسة وعلى سبيل المثال :-

سعر 512 كيلو بيت وتتضاعف السرعة الى 1 ميجا لستة اشهر بـ 410 ريال شامل الموديم والوايرلس ( وبدون وايرلس بـ 310 ريال ) مع التركيب

يعني اجمالي الستة اشهر 90 × 6 = 540 + 410 = 950 ريال ( حول 67 دينار كويتي ) يعني تقريبا 11 دينار بالشهر ، واذا انتهت الستة اشهر تشري بطايق الشهر بـ 50 ريال واذا بغيت بطاقة ستة اشهر بـ 210 ريال اعتقد

وبالنسبة للمكالمات الداخلية بين المدن تكلم 24 ساعة على اي ثابت بين مدن المملكة بـ 70 ريال شهريا ( حول خمسة دنانير ) ويقدمون عرض على رقمين جوال تحددهم انت بتخفيض 25 % على المكالمات

وسلامتكم ..​

 

[خالد الشيباني]

والله لو يعطوني مو1 mb لو يعطوني mb1000,000مارحت السعوديه مع احترامي لهم

 

[q82007]

عرض جديد من موبايلي اشتراك dsl ‎‏ ‏ ريال في اليوم
معناته مايوصل دينارين بالشهر

 

[بونواف]

يا اخوان فيه شي ممكن تكونو نسيتوه صحيح مقارنة الاخ بخصوص الاسعار ولكن في السعودية شركة الهاتف(المواصلات) يحسبون فلوس على كل دقيقه على الهاتف مو نفسنا مجانا لذلك شركات النت ترخص الاسعار بناءا على اتفاق مع المواصلات ولو تحسبونها راح تلقون الكويت ارخص من السعودية

 

[ابو عبير]

شباب لان ما فى رقابه وكل شركه على كيفها تشوت فينا

 

[الاولى]

وين مجلس الامه (مضيعين الناس بستجوابات ما تنفعنا)

أستجواب (وزير الموصلات)
هذا سرقه بعينها
الله لايربحهم
الله يحرقهم مثل ما حرقونا