ايهم أفضل الأيقو أو غيرها

[مفتاح]

السلام عليكم ورحمة الله وبركاته

اخواني بيوصل ظيف لي من برا الكويت ويحتاج الانترنت وبشتري له خط ايقوا

ومادري اشتري وصلة الايقوا له او الوصلات الثانيه

انا عندي ايقو وصلت الايقوا وماشفت عيب فيها

 

[باب عوود]

وعليكم السلام ورحمة الله وبركاته
اخوي الايقو ممتازه باستعمالك لزين
اما الباند لوكس افضل منها بالسيرفس اقوى
ومفتوحها لجميع الشركات وارخص من الايقو
علمآ انا استخدم الايقو والباندلكس تقبل تحياتي

 

[kankosh]

السام عليكم
استاذي مفتاح للامانه
انا استخدم الباندلكس وموجوده اهني تنباع بالمنتدا تلقاها عند اخونا ابو سعود وسعرها حيل مناسب ارخص من سعر الايقو لا السيرفس لاتحاتي وفوق هذا تقدر تشغلها بكل مكان يعني بالكويت ولا برا بأي دوله عكس الايقو مالت زين اللي حاطين عليها لوك بس لخطوطهم الزين

والسلام عليكم

 

[مفتاح]

مشكورين على الرد

يعني تنصحوني اشتري شريحة الانترنت بروحها والقطعه اشتري

الباندلكس او فيه افضل من الباندلكس


يقولون الباندلكس يبيلها تعريف ومو مثل ايقو على طول تتعرف على الكمبيوتر

ومشكورين

 

[عازف الجيتار]

يقولون الباندلكس يبيلها تعريف ومو مثل ايقو على طول تتعرف على الكمبيوتر

معلومتك غلط اعتقد لأن بس اتحطه يتعرف على الجهاز : )
والقطعه واااايد زينه من شهادة كل الشباب ...

كلم بوسعود مايقصر معاك

 

[خسران جداً]

انتو قاعد تخلوني افكر اشتري الباندلكس هذي...
شلون طريقتها؟ ممكن تشرحونلي لان انا مليت من اشتراك الانترنت مال خط زين...ابي شي نفس الطريقه و زين و من خلال قرائتي المتواضعه لكم فهمت ان احسن شي الباندلكس وشلون اشتريها وبجم سعرها و شلون اشترك فيها بالانترنت

 

[عازف الجيتار]

انتو قاعد تخلوني افكر اشتري الباندلكس هذي...
شلون طريقتها؟ ممكن تشرحونلي لان انا مليت من اشتراك الانترنت مال خط زين...ابي شي نفس الطريقه و زين و من خلال قرائتي المتواضعه لكم فهمت ان احسن شي الباندلكس وشلون اشتريها وبجم سعرها و شلون اشترك فيها بالانترنت

بالبدايه اخوي كل شي يعتمد على اشتراكك بالشريكه (زين أو الوطنيه) والقطعه اتحط فيها الخط الداتا مثل ماتحطها بالـe-go بس هاذي مجرد قطعه غير عن الـe-go وشركة الصنع ثانيه والكل يمدح السيرفس<<(التغطيه) مالها وحسب كلام الاخوان قطعه ممتازه والاسعار موغالي اتحصله عند بوسعود بالمنتدى وفي نوعين 100 و 120 ... شوف الي يناسبك بوسعود طبعا يفيدك اكثر

 

[sanad2007]

باندلوكس ابو سعود وبس والباقي خس

 

[باب عوود]

مشكورين على الرد

يقولون الباندلكس يبيلها تعريف ومو مثل ايقو على طول تتعرف على الكمبيوتر

ومشكورين

اخوي مفتاح الباندلكس مومحتاجه تعريف القطعه تعرف نفسها بنفسها
وقويه جدآ بالسيرفس واسال اخونا بوسعود وكذلك اسعاره حلوه مره