سجل نك بنت !! واعرض بضاعتك (( نصيحه لكل الاعضاء ))

[Abo Fahad]

السلام عليكم

هالمنتدى انا من زمان فيه واعرف الاداره المحترمين

لكن بكل صراحه مطنشين هالقسم حيل صاير جنه حراج

لكن طالما الاداراه طنشت بكتب لكم 3 طرق وبسرعه تبيع بضاعتك


1- سجل اي نك بنت واعرض اي شي ماراح يطول عندك وبتشوف سومات

قويه بالخاص


2- سجل لك نكات واحد ترفع فيه الموضوع وواحد تزيد على نفسك

ونك نيم يكون لك خاص للبيع


3- خل ربعك يسجلون واي شي تعرضه دق عليهم يرفعون السومه

لان فيه ناس ويانا على النيه حيل من ترفع السومه رفع وياك

---

للأسف هذي الطرق اهيا الحاصله حاليا من باب تجربه لكن

يبقى الناس الثقه بالمنتدى موجودين

انا كاتب هالموضوع اقصد قروب دخل علينا هالشهر وحبيت انصحكم

منه


====

آسف على طرحي هالموضوع وعلى الصراحه اللي راح تزعل ناس

وراح احصل على ردود لكن هالنصيحه كاتبها لاخواني الاعضاء الجدد

عشان ماينغشون

ودمتم

اخوكم : ابوفهد

 

[jeme_E]

والله ياخوك حرام الواحد يدز احد يسوم بضاعه ولا يبي يشتريها

او يسوم على نفسه

واحنا نشوف البضاعه مانشوف راعيها مع كل احترامي للاخوان والاخوات

سواء بنت او ولد

ومانحب سومات الخاص السوم بالصفحه عشان الكل يعرف جم واصل

اذا سمنا نكون نسوم سومة شراي

واذا شفنا احد سام نتوقع لو يوقف عليه يشتري

ونشتري حق نفسنا لاتجاره ولا ندور ربح

واللى يلعب بهل امور نسأل الله يغفرله ويهديه


جزاك الله كل خير على النصيحه يعلم الله انا صادقين

ونحسب الكل صادق ولا في لعب

فتحت اعيونا على امور كنا غافلين عنها

 

[كبرياء]

هد بالك ياخوي ما انكر ان كلامك صح بس مو 100%

وبكل مكان في الزين والشين

وسالفة نك البنت ماعتقد انها صحيحه لان انا وحده من البنات عرضت جم شغله وما انباعت مو معنى هذا ان ازعل

ومثل ما انت شايف احنا بنات وفي شباب يدخلون مواضيعنا ويخربونها

وفي ناس ما قصرت خربت البيعات

هالشي يعتمد على المصداقيه في البيع والشراء وصدق النيه

والواحد اللي عليه ان ما يرد على هالناس ولو الله كاتب لنا نصيب في بيعه او شروه محد يردها

واتمنى تتقبل كلامي ببصدر رحب

وهذي وجهة نظر والاختلاف بالرأي لا يفسد للود قضيه

 

[Abo Fahad]

شكرا على ردك الجميل اخوي jeme_E


كبرياء : اولا شكرا على هالصراحه اللي تذكرنا بالمؤشر قبل ومصداقيته

ثانيا انا ذكرت 3 طـــــرق تضايق الشباب والبنات

اتمنى مايكون التدقيق بس على انه واحد يسجل نك بنت


للتذكير


===


1- سجل اي نك بنت واعرض اي شي ماراح يطول عندك وبتشوف سومات

قويه بالخاص


2- سجل لك نكات واحد ترفع فيه الموضوع وواحد تزيد على نفسك

ونك نيم يكون لك خاص للبيع


3- خل ربعك يسجلون واي شي تعرضه دق عليهم يرفعون السومه

لان فيه ناس ويانا على النيه حيل من ترفع السومه رفع وياك

 

[خسران جداً]

فعلا كلامك بالصميم انا تنطبق علي هالقاعده بالذات


3- خل ربعك يسجلون واي شي تعرضه دق عليهم يرفعون السومه

لان فيه ناس ويانا على النيه حيل من ترفع السومه رفع وياك



لان مره سمت لابتوب ب220 و اهو سعره اصلي 239 وبقراطيسه:>...اشوه ان ما شريته والله مقصوص علي بس شفت اعلى سومه 210 قلت ازيد 10واخذه

 

[Abo Fahad]

فعلا كلامك بالصميم انا تنطبق علي هالقاعده بالذات


3- خل ربعك يسجلون واي شي تعرضه دق عليهم يرفعون السومه

لان فيه ناس ويانا على النيه حيل من ترفع السومه رفع وياك



لان مره سمت لابتوب ب220 و اهو سعره اصلي 239 وبقراطيسه:>...اشوه ان ما شريته والله مقصوص علي بس شفت اعلى سومه 210 قلت ازيد 10واخذه

شوفو اقرب مثال الاخ خسران جدا

عشان محد يكتب رد اني ظلمت احد

 

[كبرياء]

اسفه مو قصدي التشكيك اباقي كلامك

بس حبيت اوضح هالنقطه وبالعكس كلامك صح ومحد ينكر هالشي

 

[gentel_q8]

يعطيكم العافيه و مشكور على الموضوع الى كتبه كلامك صحيح و المشكله انه يخلي ربعه يرفعون السومه وحنا الى نياتنه انا واحد صالي موقف من المنتدي سمت شغله و بعده زادة السومه بعد ما زادة السومه دق على صاحب الشغله يقولي شراي على سومتك الانه الى زاده على سومتك حجي فاضي ما شرو الشغله لا و نزل من السومه علشان اشتريه منه و انا ايد راي وحترم راي كل واحد

 

[خسران جداً]

اسفه مو قصدي التشكيك اباقي كلامك

بس حبيت اوضح هالنقطه وبالعكس كلامك صح ومحد ينكر هالشي

اخت كبرياء شنو هامج ان تبينين للناس اذا كنتي بنت او لا؟ المنتدى هدفه مايهتم لجنس المستخدم....واعتقد ان كلام صاحب الموضوع فعلاً صحيح والظاهر انك واحد ما صرف بضاعته الى الان او بضاعته آتيه بالطريق لوووووول

 

[jeme_E]

فعلا كلامك بالصميم انا تنطبق علي هالقاعده بالذات


3- خل ربعك يسجلون واي شي تعرضه دق عليهم يرفعون السومه

لان فيه ناس ويانا على النيه حيل من ترفع السومه رفع وياك



لان مره سمت لابتوب ب220 و اهو سعره اصلي 239 وبقراطيسه:>...اشوه ان ما شريته والله مقصوص علي بس شفت اعلى سومه 210 قلت ازيد 10واخذه

هههههههههههههههه

اعجبتني الله ستر عليك

انت لو تغير نكك بأذن الله تتعدل امورك

عن نفسي قمت ادخل موقع امازيون اشوف سعر الجهاز قبل اسوم عليه

لان مره سمت جهاز بسعر وطلع مو بعيد عن سعره جديد اشوه اني

كنت حاط وقت للسومه وراحت فتعتبر سومتي ملغيه


الموقع http://www.amazon.com

 

[Abo Fahad]

يعطيكم العافيه و مشكور على الموضوع الى كتبه كلامك صحيح و المشكله انه يخلي ربعه يرفعون السومه وحنا الى نياتنه انا واحد صالي موقف من المنتدي سمت شغله و بعده زادة السومه بعد ما زادة السومه دق على صاحب الشغله يقولي شراي على سومتك الانه الى زاده على سومتك حجي فاضي ما شرو الشغله لا و نزل من السومه علشان اشتريه منه و انا ايد راي وحترم راي كل واحد

والله مثل ماحصل مع رفيجي بالظبط لدرجة انه صاحب السلعه

يقوله ان ماشريت بكتب عنك موضوع بالمؤشر

فوق شينه قواة عينه

===

شكرا ياجنتل

لكن لازم نحارب هالظاهره ونكشفهم ترى سهله

ادخلوا على بعض المواضيع وشوفو طريقة الرفع عفوا الترفيع

 

[ابو عيسى]

يعطيك العافيه على الموضوع الحاد بنوعه

ولكن انت مزجت بين الصراحه والوقاحه

كيف تنصح ناس تغش ناس ؟

اخوي انا ادري انه خانك التعبير في هذا الموضوع والكل يعرف ان الغش والحرام ربحه سريع ومافيه بركه , عكس البيع بالحلال والله يباركلك في بضاعتك وفلوسها

لكن صح هذا اللي ماشي بهالمنتدى وكل المنتديات لكن ماتوصل انك تنصح الناس تتشبه بالنساء وتغش الناس

وعن سلمان أن رسول الله -صلى الله عليه وسلم- قال: ثلاثة لا يكلمهم الله ولا يزكيهم ولهم عذاب أليم: أشيمط زان، وعائل مستكبر، ورجل جعل الله بضاعته لا يشتري إلا بيمينه ولا يبيع إلا بيمينه رواه الطبراني بسند صحيح.

 

[alawadi82]

اي والله انك صادق وكلامك صح 100% بس طبعا اصابعك مو سوى ومثل ما قالوا الاخوان في الزين وفي الشين

الواحد يقول الله المستعان ويهدي الاخوان اللي هذي سواياهم واجدادنه قالوها من قبل : (( مــن عـــاش بالحيــله مــــات بالفقـــــر ))

وصدقوا الأوليين وشكرا للجميع

 

[كبرياء]

اخوي خسران انا ما قلت اني بنت علشان امشي بضاعه عندي

الحمدلله انا عرضت كذا شغلت وانباع منهم اللي انباع

واذا انت تقول اني مو بنت

الحمدلله انا في ناس تعاملو معاي وعرفو اذا كنت بنت ولا لا

انا هالشي ماله اهميه عندي لاني بشتري او ابيع مو علشان اتعرف على اعضاء الموقع

واعتقد ان الموضوع يعرض ظاهره بالمنتدى ما يعرض نقاش على اذا انا كنت بنت ولا ولد

 

[Abo Fahad]

والله بوعيسى انا كاتب النصيحه وانا اخوك للجميع

الزين راح يعرف شلون ماينغش

والشين يمكن الله يهديه ويغير طريقته


وشكرا على الرد بوعيسى

 

[gentel_q8]

بذكر نقطه بعد الشغله الى غاليه يسمونه برخص و الشغله الارخيصه يسمونه غاليه يعني على سبيل المثال الشعله سعره 1000 يفتحون السومه 20 او اقل من جذي و الشغل الى قيمته دينار يفتحون سومته 50 دينار وانت صاعد يمشون العكس لازم انشوف حل حق هل موضوع

 

[Abo Fahad]

alawadi82

والله كلامك عدل لكن موضوعي ثق بالله انه يتكلم عن البعض القليل

لكن الكثير من الشباب والبنات فيهم البركه لكن حرام ناس توها سجلت

وانغشوا واعرفهم شخصيا

يجب علينا التوضيح لهم

 

[عازف الجيتار]

الخاص خلها على جنب الحين المطلوب

ارجوا من الاداره تغير اسمي من عازف الجيتار الى سارونه واذا واحد يعرف احد من الاداره عشان اراسله بعطي عضويتي حق اختي ههههههههههههههههههههههههههههه

شقول والله القروب صح كلامك في وايد مجموعه دخلت ياريت انا مشرف هالقسم والله للأسف محد يقدر شباااااب الاداره انا مستعد امسك القسم وبتشوفون الترتيب وعندي خبره كامله بأدارة المواقع مو بس مشرف لا اداري منتدى ... بدون ذكر اسامي بس مافي تعيين مشرفين .؟؟؟
القسم صح في مشرفين بس ماندري وينهم ........؟

اذا على بنت وصبي اهمه احرار كيفهم الي بيدفع من جيبه احنا شكو : )

 

[Abo Fahad]

اخوي عازف الجيتار

كلام سليم المفروض نرشح لنا مشرف يكون عارف امور القروب اللي داش بقوه

واستغل الناس نكات وهميه ورفع السومات وحرمان الكثير من البيع على حسابهم

 

[سعمران]

الحل بسيط

أذا فيه واحد نصاب ويبيع السلعه بأغلى من سعر السوق .. حطوا سعر السوق وأسم المحل ..

جذى تكونون بريتوا ذمتكم أمام الله وأمام الناس ..

ما أذا كان المشترى خروف ومشتهى ينقص عليه فهذا ماله حل وما فيه طب .. فخلوه يولى وباللى ما يحفظه .