زكاة الأسهم

[anw-exchange]

السلام عليكم ورحمة الله وبركاته
حبيت أستفسر منكم عن طريقة حساب زكاة الأسهم في الحالتين:
1- الأسهم الاستثمارية.
2- أسهم المضاربة.
وشكرا

 

[النــاقــد]

خوش موضوع ... انا عندي استفسار بعد

الحين عندي سهم وزع علي منحة ( اسهم + نقدي)

وصار لهم اكثر من سنة عندي فهل عليهم زكاة ؟

وشكرا

 

[anw-exchange]

ياريت لو في أحد يجاوب استفساراتنا ونكون له شاكرين

 

[فنان999]

زكاة الأسهم نوعين
زكاة علي السهم الاستثماري
زكاة على السهم المضارب

اما الزكاة على السهم الاستثماري تسأل الشركة عن زكاة السهم بالفلس ويمكن بيت الزكاة يفيدك
زكاة السهم* عدد الاسهم = مبلغ الزكاة

ملاحظة: اذا كانت الشركة تطلع الزكاة عن المساهمين تطلع الزكاة على الأرباح فقط اذا بلغت النصاب

زكاة المضارب
القيمة السوقية للسهم * عدد الاسهم = مبلغ الزكاة
تطلع 2,5% من مبلغ الزكاة
ودمتم

 

[الزاجل@2]

اخوى هذا يعتمد على نوعيتك اذا كنت مضارب تدفع زكاة اكثر من المستثمر
انا راي اذا انت مهتم في الموضوع تتصل على بيت الزكاة ت 2240225 وطلب ادارة تنميه المواد وكلم الموظف واذكر له اشركات الي تبي تزكيها عندهم برنامج جديد لحساب زكاة اسهم الاستثمار

بتوفيج


موقع بيت الزكاة
http://www.zakathouse.org.kw/AxCMSwebLive/ar_index.cms

احتساب الزكاة
http://www.zakathouse.org.kw/AxCMSwebLive/ar_calculator_shares.cms​

 

[أبو عمر]

عفوا يا اخوان يعنى أنا شريت سهم اليوم وبعته باجر بربح أطلع عليه زكاة 2.5 % من الربح وهكذا على كل سهم والا شلون ؟

 

[anw-exchange]

الأخوان فنان999 و الزاجل@2 جزاكم اله الف خير

 

[صايدها]

شباب اللي خسران عليه زكاة؟

 

[فنان999]

شباب اللي خسران عليه زكاة؟

اذا بلغ النصاب نعم حتي لو في خسارة بشرط حولان الحول

 

[anw-exchange]

عفوا يا اخوان يعنى أنا شريت سهم اليوم وبعته باجر بربح أطلع عليه زكاة 2.5 % من الربح وهكذا على كل سهم والا شلون ؟

أعتقد والله أعلم أنك لازم اتطلع زكاة على أجمالي المبلغ اللي عندك إذا حال عليه الحول.
و الاخ زاجل@2 جزاه الله الف خير حاط رقم بيت الزكاة تقدر تتصل فيهم وتتأكد أحسن