مطلوب شريك ممول لمشروع زراعي ناجح

الموضوع في 'اعلانات بيع وشراء متفرقة' بواسطة ua86, بتاريخ ‏24 يوليو 2008.

حالة الموضوع:
مغلق
  1. ua86

    ua86 عضو جديد

    التسجيل:
    ‏10 يونيو 2008
    المشاركات:
    30
    عدد الإعجابات:
    0
    بسم الله الرحمن الرحيم

    السلام عليكم ورحمة الله


    مطلوب شريك

    زراعة البرسيم مشروع مجدي إقتصاديا لانه يؤمن دخل شهري عالي من مشروع المخاطر فيه قليله او معدومه ,الربح السنوي لا يقل عن 67.4% سنويا ,

    يعني رأس المال راح يرجع خلال سنه واربع شهور عل ابعد تقدير . دراسة الجدوي موجودة والارقام اللي موجودة فيها تقدر تعتبرها متحفظه جدا , لان الخل الشهري المتوقع راح يتجاوز الموجود بالدراسه بكثير والطاقه الانتاجيه كذلك ز

    مقومات المشروع

    الارض وهذي موجوده عندي وهي جاهزه للزراعه و مستويه وخصبه

    الماء وهو متوفر بغزاره انتاجيه البئر 2400 جالون بالدقيقه ومن نوعيه ممتازه درجة الملوحه 280 جزء بالمليون

    المناخ الملائم وهذا متوفر عندنا في وادي الدواسر ( حراره + جفاف ) و

    الموقع الملائم وفربه من الاسواق المتوقعه وهذا متوفر

    التسويق الجيد وهذا متوفر اصلا المشترين يحضرين للمزارع عندنا في وادي الدواسر يشترون العلف وينقلونه هم وعلى حسابهم

    التراخيص الرسميه ( رخص حفر ابار إرتوازيه + رخصة مزاولة المشروع ) وهذي عندي والحكومه الآن اوقفت اصدار تراخيص جديده علشان يحافظون على المياه.

    طريقة الشراكه

    يقوم الشريك بتوفير رأس المال اللازم حسب ماهو موجود بدراسة الجدوى , واما من عندي اشارك بإستثمار الارض مدة إقامة المشروع اما ملكية الارض فتبقى لي وقيمة الارض اليوم حسب مكاتب العقار 11 مليون ريال بس انا ما افكر ابيعها.

    انا متنازل عن حصتي من الارباح للشريك إلى ان يرجع رأس المال اللي دفعه كله عليه يعني انا ما آخذ اي ريال فبل ما الشريك يسترد راس ماله كله (فترة إسترداد راس المال ) اقصى حد لها سنه واربع شهور حسب الدراسه لكن في الواقع راح تكون اقل.

    لما الشريك يسترد راس ماله كله ابدأ آخذ نصيبي من الارباح 50% إلى نهاية مدة الشراكه

    مدة الشراكة يتم الاتفاق عليها

    بعد نهاية الشراكة استلم مزرعتي بالمعدات اللي عليها لأن الشريك سبق واستلم قيمتها وانا ما إحتسبت إيجار لأستثمار الارض طوال مدة المشروع

    بالنسبة لإدارة المزرعه نأسس شركة ( ذات مسئوليه محدوده طبعا) تكون هي الكيان القانوني الذي يدير المزرعه ونفتح حساب لها بابنك لا يصرف

    اي مبلغ منه الا بتوقيع الشريكين

    يقوم الشريك بإختيار المحاسب وانا اختار المهندس الزراعي الذي يدير المزرعه وباقي الطاقم ما يهم منو اللي يختارهم

    هذا تصوري للشراكه وللمشروع والله الموفق
     
  2. yoleses

    yoleses عضو جديد

    التسجيل:
    ‏30 سبتمبر 2006
    المشاركات:
    64
    عدد الإعجابات:
    0
    الله يستر عليك ويرزقك
    دام كل هالمقومات موجوده عندك ماشاء الله وش لك بالطلايب والشراكه
    مادري المفروض فكرة شراكه مودايره براسك لاسباب كثيره
    وانا بعطيك نصيحه ولو اني متاكد انك تعرفها ..

    اخوي البنك الزراعي عندكم يعطيك كل الي تبي ومن غير اي شي لايبي كفيل ولا هم يحزنون ويوفرلك جميع المعدات والآلات الزراعيه المطلوبه ويعطيك بذر وكيماوي واجور عمال وانشاء مباني لا ومدعوم 45 % من قيمة القرض يعني مثلا تاخذ مليون ترجعه 550 الف وكل شي تحلم فيه ومشروعك ناجح 100 % برسيم والي باين من سعر الارض ماشاء الله انها كبيره يعني اكثر من 500 دنم بكثير والوادي بعد مشهور بزراعة منتجات غير البرسيم مثل الرقي انتم تسمونه جح :) موسمي وسعره فيه انصحك توكل على الله وروح للبنك وماعليك من احد واذا الارض ماعليها صك عادي بعد يعطونك عليها بكفالتك الشخصيه حتى لو ماكنت موظف

    حبيت انصحك لا اكثر ولا اقل دام كل شي عندك مادري وش ناقصك وعندك مهندسين زراعين بعد الله المستعان وبالتوفيق يارب
     
  3. ua86

    ua86 عضو جديد

    التسجيل:
    ‏10 يونيو 2008
    المشاركات:
    30
    عدد الإعجابات:
    0
    اخوي قدمت لهم عطوني قرض بس مليون ما يكفي وللحين العقد عندي وما إستلمت منه ولا ريال واحد .


    و تكلفة المشروع 5 مليون و 300
     
  4. abdullah151

    abdullah151 عضو نشط

    التسجيل:
    ‏17 فبراير 2008
    المشاركات:
    897
    عدد الإعجابات:
    0
    الله يرزقك يا الغالي
    مشروع ناجح وطيب
     
  5. ua86

    ua86 عضو جديد

    التسجيل:
    ‏10 يونيو 2008
    المشاركات:
    30
    عدد الإعجابات:
    0
    جزاك الله خيرا
     
  6. yoleses

    yoleses عضو جديد

    التسجيل:
    ‏30 سبتمبر 2006
    المشاركات:
    64
    عدد الإعجابات:
    0
    بالتوفيق ياقلبي

    اعتقد مليون حلوه فيها خمس رشاشات 5 برج + معداتك الباقيه حراثتين وحصاده ولمامه وبذر وكيماوي واجور عمال سنه شتبي اكثر :)

    يعني فيها 15,000 ربطه برسيم وعليك الحساب :) فيه احلى من كذا ..؟

    نصيحه ابدى بروحك وبجهدك وبداية المليار خطوه وانا اخوك والشراكه ماراح تفيدك لانك في غنا عنها وانا عندي مزرعه تقريبا كبر ارضك وزارعينها برسيم واذا تبي مشوره او مساعده فكريه ترى تحت امرك وانا اخوك بالتوفيق

    اللهم ارزقه وباركله في ارضه
    تحياتي اخوي
     
حالة الموضوع:
مغلق