مكانه غلط

[ياسر الروقي]

كل ما مريت على طريق الدائري السادس وشفت استاد جابر الدولي قلت الله يسامحهم

مكانه غلط والله مو غلط الا جريمه وفيه جريمه ثانيه بس ليلحين ما بنوها الجامعه الجديده انا اقول الله يعين اهل المنطقه الرابعه
ان الله احيانا بعد 3 سنوات راح يرتفع الطلب على الهيلكبتر​

 

[ابوعايض]

لا وزيد عليهم القسايم الصناعيه الي راح يوزعونها بالشداديه 6 مليون متر

 

[جورج المطيري]

الروقي تخيل مدينة عزاب بيسوونها يم النادى وعندهم جامعة الكويت مقابلتهم ومستشفى الفروانيه ومعهدين كبار بنات ورجال وكل هالمشاريع يم بعض وكلهم لاصقين بالحساوي
وكل هالدنيا تربطبهم ابعض اشارة جسر مستشفي الفروانيه
يا الله يالحوسه الى بتصير قاد اتخيل المنظر بيصير بروفه حق يوم الحشر الخارج مولود والداخل مفقود
وتكفه بالاخير لا تنسي تسلملى على الحكومه الالكترونيه

 

[ياسر الروقي]

زايد بن سلطان الله يرحمه خطط للامارات بنفسه وهو رجل امي لا يقرأ ولا يكتب

قالوها البدو المجالس مدارس

لو تجيبلك عجوز وتسئلها عن موقع النادي لقالت انه ما يصلح لكن يا حبهم لضيق ولا ربي موسع عليهم

 

[ياسر الروقي]

اذكر شخص سعودي رجل كبير بالسن ويسافر بستمرار يقول اغلب دول العالم زرتها ولها معالم وانتم عندكم برج التحرير قلت ايه شفيه

قال مفروض في مكان شاسع حوليه كحديقه او ساحه لتجمع لانه بصراحه فاقد هالشىء ولا قدرة اوصله

 

[جورج المطيري]

ولهم بالشيخ راشد بن مكتوم خير عبره
حب يخفف الزحمه بدبي شنو سوي؟؟؟؟؟؟
ماقال للناس ممنوع ومرغوب وهددهم وقال راح اخذ ضريبه على السيارات
اول خطوه سواها شاف المدارس والبيوت السكنيه والمعاهد الدراسيه شاف تصميمهم وراح بنالهم مثل تصاميمهم بس اكبر شويه فى منطقة بر دبي مثلا الى بيته الف متر بدبي بناله مثل تصميمه 1200 متر وجهز المنطقه بالكامل من ناحية الخدمات وقالهم اتفضلوا ياجماعه انتقلوا لان بر دبي عن دبي عشرين دقيقه بالسياره وهالمشروع قائم لليوم ما خلص معناتها شوف دبي بعد سنه وتذكر كلامى

 

[ياسر الروقي]

والله يا جورج ان مؤشر حالت الاحباط من عدم تنمية البلد في ترند هابط

انا ماني عارف شنو السبب الفلوس موجوده والارض والشركات بس ناقص القرار

الله المستعان وتعمر الكويت نبي نهضه شامله ماهي نهضة مجمعات واسواق

 

[بوزييز]

الله المستعان لا موقع ولا مواقف للملعب

 

[zoya_y]

اشوى لا لي بالرياضه و تخرجت من الجامعه
بس صج حرام الأستاد غايه في الجمال حرم يكون قبال بيوت مكسره وعزاب

 

[ياسر الروقي]

يا ليت مكانه يبعد 15 او 20كيلو عند الصبيه جان كشتنا عنده بالشتاء

 

[جورج المطيري]

هلا

يا ليت مكانه يبعد 15 او 20كيلو عند الصبيه جان كشتنا عنده بالشتاء

شلون تكشت شنو معاك كاتر الى يقص الشبك؟؟؟ ليش ماقلتلى يالروقي
كله شبوك هناك والحين جسور ظخمه يقولك الكويت كلها بتصير جسور سيارت ماكو
ناطرين مدينة الحرير ان شاء الله تصير بداية خير

 

[ياسر الروقي]

الله يسمع منك يا جورج
الكشته ذكرتني بكشتات استاد الملك فهد حلووه خاصه اذا العشى مندي

 

[BMW2007]

الفايض موجود والمشاريع بالهبل
ولو يسوون المشاريع اللي قالوهاا مايخلص الفايض( يالله لك الحمد والشكر)

بس شلون يسوونهاااا...

وحمااس وفتح مختلفين وسنة لبنان مع شيعتها متهاوشين وديون العراق في امرنا متعلقين
وموظفين الجامعه العربيه بالرواتب متعسرين والبشير مع دارفور حلها يبيله سنتين وايران وامريكا في الظاهر متهاوشين وفي الباطن معروفين وغير هذا ودي اقول يامشاهدين

((( لازم تكوون عندنا قوميه عربيه وتصرف الميزانيه والفايض لهم لتحل مشاكلهم ))

والمشاريع نأجلهااا للخطه الخمسيه الجاايه...ان كان في خطه

وسلامتكم....(( توني جاي من السفر ومركز النويصيب ولا اروع منو يقول لادشيته والا طلعت منه انه يكسر السياره من الحفر هذي اشاعات مغرضه..... بس اللهم يبيلك زياره للصناعيه بعد مرورك للمركز

 

[نوط بو 1000]

كل ما مريت على طريق الدائري السادس وشفت استاد جابر الدولي قلت الله يسامحهم

مكانه غلط والله مو غلط الا جريمه وفيه جريمه ثانيه بس ليلحين ما بنوها الجامعه الجديده انا اقول الله يعين اهل المنطقه الرابعه
ان الله احيانا بعد 3 سنوات راح يرتفع الطلب على الهيلكبتر​

ليش .. هو في شي صح بهالديره أساساً..؟!