ابي مساعده اللي يعرف الروليكس الاصلي

[ابو عزوز2]

السلام عليكم
اخواني في واحد عارض علي ساعه رولكس اصليه
جلد اسود والميناء دخل اسود وقاعده الميناء ذهب عيار 18
والساعه حيل ناعمه
بس الرجال موراضي افحصها بالوكاله ويقول ودها اي محل ذهب راح يقولك ذهب عيار 18
وطبعا السعر يقول 200
ويقول شاريها 750
طبعا الساعه مستعمله بس نظيفه
هل صحيح اذا ذهب يعني اصليه ؟
وهل تسوى هذا السعر ؟ والا حسب الموديل

 

[falehh]

السلام عليكم اخوي اول شي الرجال من كلامه مو واثق لو ثقه قال ودها عند الوكيل والشي الثاني يجي تقليد ذهب في اربع مصانع بالصين تفصلك اي شي تبي لو تبي فيها الماس اما عن السعر ما ادري والله وشكرا

 

[buz126]

للعلم اخي العزيز بس سعر الرولكس اكثر من 750 اذا مستعمله الحين اب 500 وفوق اذا مو اكثر وانا اقولك خلك من الساعه هذه وانشالله تحصل وحده ثانيه

 

[Xmedia]

ودها الوكيل ... عندهم جهاز يقولون لك هذي اصليه او لا

او دخله بوليش قيمته 11 دينار ويقولون لك اصليه او لا

 

[Medo]

ياخوي شلك باللي يلف ويدور..
وبعدين الساعة ذهب يعني ما يجوز تلبسها​

 

[saad1975]

اخوي انا واحد ابيع ساعات رولكس واعرف شنو قصدك ، اول شي الساعة ما تنقاس انها اصلية اذا كانت ذهب او لا اهم شي الماكينة اهية مالت الرولكس او لا ، ثاني شي بالنسبة للسعر في ب200 دينار بس اتكون الجام بلاستيك ، واتكون جره وحده يعني موديل قديم جدا جدا .

 

[ابو عزوز2]

مشكورين على المرور الجميع
وبالنسبه للاخ saad1975
فعلا شكل الساعه موديل قديم

 

[twister]

يمكن مبيوگة

 

[bofattom]

ودها مجمع الاوقاف عند عبالمجيد للساعات ...........

واذا مو راضي يعني الساعه اكيد مو اصليه ومو شرط انها ذهب تكون اصليه.

 

[الأرستقراطي]

الساعة ممكن تكون أصلية ،،، بس المكينة تقليد أو السير تقليد ،،، على العموم ،،، أغلب ساعات الرولكس التقليد يكون فيهم مشكلة بالتاريخ يعني اتحس انه التشطيب مال الارقام مو مظبوط والرقم ما يجي بنص الفتحة ،،، بعدين ليش مو راضي اتوديها الوكيل أمره غريب الاخ ؟؟؟!!!