يعطيك العافيه حبيبي
بس بغيت استفسر بجم تأجير الطراد بروحه وياريت تحطلنا صوره عشان اقدر اشوفه
--------------------------------------------------------
بالنسبه حق اخوي الي قال قاروه ما فيها شي
اعتقد انته ما تعرف محادق قاروه ولا مغاصاتها عشان جذي حكمت هالحكم عليها
من اروع جزر الكويت قاروه حداق وغوص وسباحه واصفى مايه فيها
جزيره هادئه ما فيها الي في كبر من مصخره وقله ادب علني
تبي تستانس تبي تضحك انته وربعك او عائلتك بجو حلو تبي تغوص تبي تحدق تبي تسبح تبي تسوي اي شي روح قاروه او ام المرادم نصيحه مجرب
هالكلام قاعد اقولك اياه من واقع خبره وتجربه
انا مدرب غوص واطلع احدق واغوص بالجزر وما شفت مصخره ولا مزبله نفس الي بكبر حشاكم طبعا ما نجمع بس الخير يخص والشر يعم يا شباب
وهذا واقع والي قال انه الجزيره مو مراقبه فهوه غلطان ما يدري عن شي
الجزيره فعلا مراقبه على البلاوي الي قاعده تصير فيها
ولحقوا على قاروه لانه راح يتم تسكيرها وتصير محميه لمده 5 سنين اذا ماني غلطان وهذا خبر مؤكد تقريبا لانه الجزيرة قاعده تصغر عشان جذي راح يحمونها عشان ترد نفس ما كانت قبل واجمل بعد ان شاءالله
واتمنى من الكل الي راح يطلع بالرحله هذي او غيرها وخصوصا اصحاب الطراريد واليخوت
يا جماعه في مرابط خاصه للطراريد واليخوت كلش ماله داعي تقط سن ولا باورة ولا ملمص عشان لا يكسر المرجان ويتلف الحياه البيئيه الي تحت
سامحوني على الطواله بس للإفاده فقط
سلالالالامن