ليش الأسعار هنا أغلى من السوق؟؟

الموضوع في 'اعلانات بيع وشراء متفرقة' بواسطة Abdulla990, بتاريخ ‏29 يوليو 2008.

حالة الموضوع:
مغلق
  1. Abdulla990

    Abdulla990 عضو جديد

    التسجيل:
    ‏10 نوفمبر 2007
    المشاركات:
    447
    عدد الإعجابات:
    0
    السلام عليكم

    المفروض ان اللي يعلن هنا يكون ارخص من غيره لأن الإعلانات هنا مجانية و المعلن لا يدفع من جيبه شي مقابل عرض بضاعته و ايضا معظم المعلنين ليسوا اصحاب محلات و ليس عندهم ايجارات و لا عمال و لا شي

    لكن مع ذلك
    ::verymad::


    تشوف شي هنا قيمته 30 دينار (طبعا توصل للسعر هذا بعد ما تكاسر و تفاصل الى ان ينشف ريجك) و يقول لك استعمال خفيف و بدون كفالة او مع كفالة شبه منتهية


    ثم تسأل في السوق فتجد نفس السلعة عند المحلات تباع بـ 20 دينار ,, جديدة و مكفولة سنة!!!
    :eek:


    ليش؟؟؟:mad:
     
  2. نوط بو 1000

    نوط بو 1000 موقوف

    التسجيل:
    ‏6 يونيو 2004
    المشاركات:
    1,426
    عدد الإعجابات:
    0
    و ياليت البضاعه موجوده عنده تلاقيه شهرين و هو ما عنده غير للحجز .. للطلب .. للجادين..!!

    و بالأخير الموضوع يختفي ولا شفنا بضاعه ولا هم يحزنون و إللي يدري يدري و إللي ما يدري ينام بدري.
     
  3. عازف الجيتار

    عازف الجيتار عضو جديد

    التسجيل:
    ‏22 نوفمبر 2007
    المشاركات:
    949
    عدد الإعجابات:
    0
    مكان الإقامة:
    الكويت
    اي والله مثل اخر سالفه الأي فون 3g هههههههههههههه بتوصل كميه وهذا كان اخر موضوع هههههه

    الله كريم والاسعار لازم الواحد يكون متأكد مره ذكرت انا للتوضيح حق الشباب ان سعره السلعه جديد بــ هذا المبلغ مع المكان دزلي رساله يدعي علي : ) ان قطعت رزقه ؟؟؟
     
  4. نوط بو 1000

    نوط بو 1000 موقوف

    التسجيل:
    ‏6 يونيو 2004
    المشاركات:
    1,426
    عدد الإعجابات:
    0
    بعضهم ما عنده فرق بين الرزق و النصب..!!
     
  5. Bo_Fahad_Q8

    Bo_Fahad_Q8 عضو جديد

    التسجيل:
    ‏23 يونيو 2008
    المشاركات:
    55
    عدد الإعجابات:
    0
    السبب واضح والكل يدري فية ..


    اكثر الناس الحين ما تروح المحلات ,,, ولا تدري عن السعر الحقيقي للسلعة اللي يبون يشترونها


    فهم يسومون على شي هم اصلا ما يدرون جم سعره بالضبط بالسوق وبالمحلات !


    لهذا السبب ،، وايد من اللي يعرضون بضايعهم يدرون ان اكثر الناس مو عارفة سعر هالبضاعة بالضبط ،، فعلشان جذية ،، العبوها صح !


    وعلشان اعطيك دليل على كلامي .. واحد من الاعضاء من يومين ( ما هو في هذا المنتدى .. في منتدى ثاني ) ،، عارض رسيفر مستعمل للبيع ..



    المهم ,, هذا الرسيفر مستعمل لسنوات وبدون اشتراك ،، العضو عارضه للبيع بسعر 50 دينار .. وكاتب السعر نهائي ،، وللجادين فقط .. واتحدى اي احد يجيبه بأحسن من هذا السعر ووو .. الخ



    المهم ،، والله اني انا امس رحت محلات الرسيفر بحولي ... وهذا الرسيفر حصلته جديد بالكرتون ومع اشتراك لمدة 6 شهور ,,, حصلتة ب 50 دينار !!!!


    والاخ العضو يبي يبيع رسيفرة المستعمل لمدة سنوات واللي بدون اشتراك ( مع العلم انه قيمة الاشتراك 15 دينار ) .. الاخ يبي يبيعة ب 50 دينار !!! سعر نهائي بدون نقاش !!!!!!


    مرة ثانية ،، اكثر الناس اليوم ما تدري عن السعر الحقيقي للسلع اللي يسومونها ,, فعلشان جذية وايد من اللي يبيعون العبوها عليهم صح !
     
  6. عازف الجيتار

    عازف الجيتار عضو جديد

    التسجيل:
    ‏22 نوفمبر 2007
    المشاركات:
    949
    عدد الإعجابات:
    0
    مكان الإقامة:
    الكويت
    اي والله اشهد على كلامك : )

    اي اذكر بس ماحبيت اقول شي لأن مابي يدز بعد رساله يدعي علي هههههه نوع الرسيفر s500 اعتقد
     
  7. كويت2

    كويت2 موقوف

    التسجيل:
    ‏17 ديسمبر 2006
    المشاركات:
    774
    عدد الإعجابات:
    0
    يا جماعة البيع والشراء قناعات شخصية

    يمكن انت تستغلي بضاعة ..غيرك يسترخصها
     
  8. Bo_Fahad_Q8

    Bo_Fahad_Q8 عضو جديد

    التسجيل:
    ‏23 يونيو 2008
    المشاركات:
    55
    عدد الإعجابات:
    0

    والمصيبة يا اخوي .. انه قاص على الناس بسالفة انه والله الرسيفر الي قاعد ينباع ب 50 دينار مو اصلي واللي عنده اصلي



    وسبحان الله ،، هو نفسه حاط لنك لمنتدى خارجي علشان تعرف الفروقات ما بين الرسيفر الاصلي والغير اصلي ،،


    المصيبة اني لما قارنت الرسيفر الجديد اللي شفتة بحولي اللي سعره ب 50 دينار ،، مع لنك الموضوع اللي هو حاطة علشان تفرق ما بين الرسيفر الاصلي والمو اصلي ،، اكتشفت وتاكدت من صحة ظنوني ،، انه الرسيفر اللي شفتة بحولي ب 50 دينار ،، هو الرسيفر الاصلي ما هو التقليد !


    وبعد هذا ،، الاخ يقول انتوا داشين علي تبون تخربون موضوعي !!!!​
     
  9. ابــ عمر ـو

    ابــ عمر ـو عضو جديد

    التسجيل:
    ‏26 يونيو 2008
    المشاركات:
    398
    عدد الإعجابات:
    0
    انا ما اشتري شي من المنتدي لين اشوف سعره بره
    وكل ما اشوف شي اروح بره القاه ارخص
     
  10. مكارينا

    مكارينا موقوف

    التسجيل:
    ‏19 يونيو 2008
    المشاركات:
    26
    عدد الإعجابات:
    0
    السلام عليكم
    بصراحه موضوعكم حلو والي يبين بالبيع جزاه الله خير واللي ينصب ويغش الله ماراح يباركله لاببيعته ولابالفلوس اللي بياخذها من ورى هالبيعه
     
  11. xnet

    xnet عضو نشط

    التسجيل:
    ‏10 ابريل 2007
    المشاركات:
    1,494
    عدد الإعجابات:
    0
    مكان الإقامة:
    Kuwait
    والله يااخي كلامك سليم بس في حاله وحده اتشووف شخض يدش بنك ثاني ويزيد على نفسه ولا ربعه يرفعووله من جذي اتشوف انت السعر غالي ....

    بس
    في شغلات وايد ارخص من السوق وثاني شي اسال قبل لا تشتري وهذا من حقك والى انا اشووفه اهني بصراحه الشخص الى يبي يسوم لزم اقل من المحل والمحل ليما يعطيك سعر يبي يربح 30 ولا 50 دينار عن السعر الى عطاك اياه يعني معناتها الشخص الى سام جهازك يبي يربح منك الزياده عمووما
    بالتوفيق
     
  12. غيلان 1

    غيلان 1 موقوف

    التسجيل:
    ‏7 نوفمبر 2007
    المشاركات:
    606
    عدد الإعجابات:
    0
    هذا الكلام الصح
     
  13. avril86

    avril86 عضو جديد

    التسجيل:
    ‏21 يوليو 2008
    المشاركات:
    583
    عدد الإعجابات:
    0
    مكان الإقامة:
    الكـــــويت
    التجاره شطاره
     
  14. نوط بو 1000

    نوط بو 1000 موقوف

    التسجيل:
    ‏6 يونيو 2004
    المشاركات:
    1,426
    عدد الإعجابات:
    0
    في فرق بين الشطاره و العياره..!!
     
  15. دربيل

    دربيل عضو نشط

    التسجيل:
    ‏6 يونيو 2004
    المشاركات:
    2,796
    عدد الإعجابات:
    0
    يا جماعة

    يا اخوان

    يا شباب

    الناس فيما يعشقون مذاهب

    يعني ما سمعتو عن دكان 4متر في 4 متر انباع بالملايين؟

    ما سمعتو عن لوحات تلوع الكبد انباعت بملايين الدولارات؟

    ما سمعتو عن سيارات مسكربة موديل 1960 ونازل انباعت بمئات الالوف من الدنانير على ابو انتيك ؟

    يا اخي الناس حرة غالي رخيص ما دام تجارة حلال ما كو مشكلة

    انا اذكر لما كنت طالب قال لنا المدرس مثل عن التاثير النفسي في البيع والشراء
    يقول انه في ناس كثيرة تروح تشتري بضاعة معينة من سوق مركزي معين بسعر اغلى من اماكن ثانية لسبب بسيط انها ترتاح للمكان الي فيه السوق

    بالنهاية مافي شي اسمه غالي ورخيص وقرار البيع والشراء يعتمد على عوامل كثيرة غير السعر

    واسف على الاطالة
     
  16. Old_Nevy

    Old_Nevy عضو جديد

    التسجيل:
    ‏18 ديسمبر 2007
    المشاركات:
    722
    عدد الإعجابات:
    0
    مكان الإقامة:
    بيت بو سالم الكويت
    انا اقول الرباده والكسل هما اهم عامل للنصب
    يعنى الواحد ماله خلق يروح يستفسر عن السلعه
    او يتصل لمعرفه السعر الحقيقى
    بس قاعد يسوم ويرفع حق النصاب بس
    انا شايف اعضاء ما يقصرون يفضحونه بسرعه
    وهذوله امسببين ارق للنصاب والشريطيه
     
  17. BO NASER

    BO NASER عضو جديد

    التسجيل:
    ‏2 سبتمبر 2006
    المشاركات:
    4,028
    عدد الإعجابات:
    0
    مكان الإقامة:
    KUWAIT
    كفيت ووفيت يابوهشام

    وكلامك 100%100
     
  18. avril86

    avril86 عضو جديد

    التسجيل:
    ‏21 يوليو 2008
    المشاركات:
    583
    عدد الإعجابات:
    0
    مكان الإقامة:
    الكـــــويت

    شكو عياره الى شاطر بالتجاره خلاص يبيع ويكسب زباين وايد واقل من السوق بوايد عى شان بضاعته تشمى هذى اهى الشطاره عرفت الحين
     
  19. Bo_Fahad_Q8

    Bo_Fahad_Q8 عضو جديد

    التسجيل:
    ‏23 يونيو 2008
    المشاركات:
    55
    عدد الإعجابات:
    0




    لا اخونا ماني معاك

    الامثلة اللي ذكرتها ,, امثلة خاطئة ما تنطبق على الحالات البيع والشراء بالمنتدى

    لما تجي وتقولنا سيارة اثرية ولا لوحة انباعت بالالاف والملايين


    هذا شي اثري ونادر الوجود ,,


    ما هو رسيفر او لابتوب او تلفزيون مقططين بالاسواق بكل مكان !


    وللعلم هذي البيعات تصير بالدول الاجنبية ،، مو بالكويت !


    عطني كويتي واحد يشتري لوحة بملايين الدولارات !


    موضوعنا هني يتكلم عن ظاهرة بيع البضايع والسلع بسعر اعلى من السوق وبشكل واضح


    البضايع هذي تنباع بكل مكان بالكويت ،،

    ما هي رسمات تاريخية او سيارات اثرية نادرة !​
     
  20. BO NASER

    BO NASER عضو جديد

    التسجيل:
    ‏2 سبتمبر 2006
    المشاركات:
    4,028
    عدد الإعجابات:
    0
    مكان الإقامة:
    KUWAIT
    أخوي بو فهد لاتقيم جميع السلع على شي معين

    يمكن أنت شفت سلعه واحده بالمنتدى سعرها أغلى من السوق

    لكن

    في سلع كثيره بالمنتدى أرخص من السوق

    وللعلم كثير من الاخوان مايشتري سلعه ألا بعد مايتأكد من سعرها بالمحلات

    وشكرااااااااااااا
     
حالة الموضوع:
مغلق