نــصيــحـة للـبـنـات

[ابو سالم1]

لاتحسبين العرس توفـي وكتكـات ولا تحسبينه توكـس والا باونتـي

ولا تحسبين العرس كيكة وطرطات وصلة قطعتيهـا ووصلـة أكلتـي

ولاتحسبين العرس تصفيق واصوات وانتي على صوت الغطاريف همتي

ولاتحسبين العرس كوشة ولمبـات وانتي كما الطاووس فيها جلستـي

ولاتحسبين العرس احلام في الشات يامـا بنيتيهـا ويـامـا هدمـتـي

ولا تحسبين العرس روحة وجيـات هيا اقضبي بيتك عسـى مانهبلتـي

ليلة سعيدة وانتي أحلى الجميـلات تشخص عيون الناس اذا حضرتـي

(واللاينر)حطيـه بـلا زيــاداتلا يخـرب المكيـاج اذا دمعـتـي

(والمسكرة)تحتاج لطف ومـدارات حتى يبـان الزيـن اذا غمضتـي

(والاسبريه )رشيه حتى البصيلات يمسك شعرك زين ولو كان زدتـي

وترى(المحدد)فن يحتـاج رسمـات يبـان رسمـه زيـن اذا ابتسمتـي

ترا العرس يابنية ماهـو شعـارات تفنـى مراسيمـه وتبقيـن انـتـي

ويبقى شريك العمر راعي الطويلات هذا هو العرس الحقيقـي عرفتـي؟

اول نصيحة لك حفـظ الصلـوات صلي العشا والفجر في كل وقتـي

وفي ليلة العرس الموفـق وبالـذات ادعـي الكريـم الله اذاسجـدتـي

والعاري لاترضين عند الكوفيـرات ولبسـك يملـي العيـن اذا لبستـي

واللي على زوجك تحرضك مرات ارجـوك شوتيهـا شوتـت بلنتـي

والصبر في العشرة حتى على فتات ياماحلا فعلتـك يومـك صبرتـي

واذا حفظت السر مـع المـدارات زوجك ترى في عيونه انت كبـرت

والسوق يعني هاه وقت الضرورات والاتـرى زوجـك يـدور لمفتـي

زيدي الغطاية وكثري في العبايـات والله يرضـى عنـك اذا سترتـي

اوصيك بالكبسة وكثـر اليدامـات حتى لوانـك مـن سببهـا متنتـي

وخلي الرجيم اللي فشل في مـرات سويـه مـرة واحـدة لا ولـدتـي

 

[جورج المطيري]

صح لسانك بوسالم الظاهر محد مداوم الا انا وانت هههههه بعدين يامعود تعبت وانا الحق فيك من صفحه لصفحه خل مواضيعك مكان واحد والله تعبت لحظه خل ارتاح

 

[ابو سالم1]

هههههههههههه جورج اوكي نكمل هنية

للزين قالوا من قــديمِ علامـــات

........عينِ ومبسم والجسم والرشــــاقه

لكن كسر هالقاعده هالمتينات

........من واقعِ ماهو كــــلام وبلاغــــه

اللى محليهن ولوهن ثقــــيلات

........دايم خفاف الــدم وفيهن لبـــــاقه

الله ياهن ياجمـــاعه لطيـــفات

........وعلى الكلام الحـــلو فيهن طلاقه

ماهو ضروري بالرشاقه رشيقات

........وزود الوزن ما هو بيعني أعــاقه

صحيح بعض اللبس يعني أهانات

........الوزن بالضــــيق عديم العــــلاقه

بس مو ضروري يلبسن سترتشات

........يا زينهن واللبس واسع نطـــــاقه

لابارك الله فيك يالضـــيق بالذات

........ترى الســعه مرات تعطي أناقــه

وقالوا الرجيم اليوم هـــم البنيات

........قلت الرجيم ادري يبي له فــراغه

وقالوا الرياضه قلت ماهن مريضات

........للسكري لا ما معــاهن بطـــــاقه

قابلهن الله لابه رجــــيم ورياضات

.........بأهدي لهن مني من الورد بــاقه

هن دفء هذا المجتمع هن رقيقات

........هن ملح هن ســـــكر لذيذ مذاقــه

هن لاسألتوني عن الحب بسكات

........بأقول هن فيهن عن الحــب طاقه

ماهو كلام اللى كتبته وأشاعات

........أنا ربطتني في مــتينه عـــــلاقه

 

[جورج المطيري]

ودك الواحد ماخذ ثنتين متينه للمربعانيه وضعيفه للبوارح وكان الله غفورا رحيما ههههههه

 

[بحريابحر]

صح لسانك اخوى بوسالم

 

[yoyo1983]

؟ )

 

[zoya_y]

بوسالم !!

اشعــــــــــــــــندك اليوم مع هالميك اب !!؟

 

[rakan_yes]

للزين قالوا من قــديمِ علامـــات

........عينِ ومبسم والجسم والرشــــاقه

لكن كسر هالقاعده هالمتينات

........من واقعِ ماهو كــــلام وبلاغــــه

اللى محليهن ولوهن ثقــــيلات

........دايم خفاف الــدم وفيهن لبـــــاقه

الله ياهن ياجمـــاعه لطيـــفات

........وعلى الكلام الحـــلو فيهن طلاقه

ماهو ضروري بالرشاقه رشيقات

........وزود الوزن ما هو بيعني أعــاقه

صحيح بعض اللبس يعني أهانات

........الوزن بالضــــيق عديم العــــلاقه

بس مو ضروري يلبسن سترتشات

........يا زينهن واللبس واسع نطـــــاقه

لابارك الله فيك يالضـــيق بالذات

........ترى الســعه مرات تعطي أناقــه

وقالوا الرجيم اليوم هـــم البنيات

........قلت الرجيم ادري يبي له فــراغه

وقالوا الرياضه قلت ماهن مريضات

........للسكري لا ما معــاهن بطـــــاقه

قابلهن الله لابه رجــــيم ورياضات

.........بأهدي لهن مني من الورد بــاقه

هن دفء هذا المجتمع هن رقيقات

........هن ملح هن ســـــكر لذيذ مذاقــه

هن لاسألتوني عن الحب بسكات

........بأقول هن فيهن عن الحــب طاقه

ماهو كلام اللى كتبته وأشاعات

........أنا ربطتني في مــتينه عـــــلاقه


اعجبني هالرد

تقبلو مروري
ابورااشد

 

[ابو سالم1]

يسلمو اخوانى و خواتى على المرور الذى اسعدنى