ما سبب نزول أصول والانماء ؟

[بيلووو]

السلام عليكم الى الاخوة الذين لديهم خبرة بالاسهم

اريد ماعليكم امر تحليل منطقي لسبب نزول شركة اصول و الانماء

العقارية الى هذه الدرجة ....... والى اين ستصل ....... وهل لانها

شركات أسلامية ...... وهل سبب نزولها ملاكها ........ ام الشركات

سيئة لهذه الدرجة ...... ؟؟؟؟؟؟؟؟؟؟؟؟؟؟؟؟

وسلامتكم

والله يعطيكم العافية .......... <<<<<<

 

[mae2326]

والله يا بيلووو شكلك عندك اسهم أصول وهذا باين من اهتمامك فيها وأنا نفسك أكلت فيها خازوق محترم حسبى الله على كان السبب قال شنو مستثمر على المدى البعيد أنا لو تدرى بكم اشتريت السهم كان تطق على راسك بس يالله هذا السوق مو للفقراء اللى مثلى .

أسمع يالحبيب اللى يرفع السهم اما دخول المضاربين الكبار على السهم والسهم شكله ماحد يمه أو تحقيق ربحيه زينه للسهم والسهم مثل ماأنت شايف ارباحه هالسنه 8 فلوس أنا مستغرب من هالشركه لو يبيعون نخى وباجلا كان طلعو أرباح أكثر وأنا ما أدرى على شنو بيرفعون رأس المال لا وسعر الاكتتاب 75 % أو اكثر من القيمه السوقيه يعنى أنا ماأدرى هالناس (مجلس الاداره ) شلون يفكرون المفروض السعر يكون مغرى وزين لو استمر السهم بالنزول ووصل 170فلس لاسمح الله شراح يسوون هل يطرحونه للاكتتاب بسعر 150فلس اعتقد لو سووها ما راح احد يكتتب فيها أنا أعتقد أنه الحل الوحيد ان يتغير مجلس الاداره ويمسكها ناس مشهود لهم بالكفاءه ترى مرات السهم يطلع على مجرد اسماء ناس معروفين فى السوق لو مسكوا الشركه وبعدين انا أشوف بيت الاستثمار الخليجى قلص من استثماره فى اصول وكذلك بيت الاوراق الماليه يعنى ما ادرى هل نفهم من هذا ان الشركه ما تشجع وبعد كل هذا يا اخ بيلوو اقولك انى ماسك اسهمى لعل وعسى ربك يفرجها وتتحقق المعجزه .

 

[almotaktak]

اصول ما تعرف الأصول

أخي بيلووو المحترم انا أشارك الأخ الكريم mae2326 برأيه عن أصول فهذه الشركات لا تجد فرصة للربح إلا من مساهميها الظاهر انها ما تقدر على المنافسة ولأن الأسهم مطلوبة حتى ولو كانت ما تسوى استغلوا الأمر بالإدراج وبأسعار عالية دون مردود يذكر فأكثر شغلها على المرابحة اللي ما توكل خبرز وزين منها مطلعا معاشات الموظفين فيها أحسن ما يطالبون المساهمين انهم يسوون قطية لهم اما الإنماء فكان سعرها في بداية 2002 120فلس واعتقد انها ارتفعت 100 بالمية ولكن بشكل عام الإنماء والإتحاد والعربية كلها قاعد تنزل والعقار يمرض بس ما يموت مثل ما يقولون والله الموفق

 

[بيلووو]

يعطيكم العافيه وماقصرتم على ردودكم


بس ما اقول الا الله كريم

والله يرزقنا وياكم الرزق الحلال ان شاء الله