MOHAMMED11
عضو نشط
السلام عليكم
ماادري شنو الموضوع بس طرا في بالي افتح صفحة واكتب
اي شي يطلع معاي
يمكن يطلع موضوع بالاخير ، ويمكن يكون خنبقة وسربته
ماادري صراحة لاكن ودي اعيش جوّي واشرب قهوتي على كيفي
عاد تحملوني
//
ادري ان المثالية طافحة بالمنتدى
ودائما المواضيع اللي تخرج عن هذا الاطار تكون
قليلة الالتفات من الاعضاء
لاكن انا كيفي وبكتب اللي يطلع بخاطري
اللي عاجبه عاجبة واللي مو عاجبه
يطلع من الصفحه مذموما غير محمود
//
صراحة انا تزعجني ( بعض الاحيان ) المواضيع المنقوله
اللي مجرد تقرأ عنوانها تدري انّك قاريها قبل
هالمرّه عشر مرّات
اذا المواضيع صار مافيها نقاش واخذ وعطا
واثراء تصير مالها طعم
وهذا سر نجاح اغلب القنوات اللي تبحث عن
اكبر عدد ممكن من المتابعين
انهم يخصصون ساعات لمثل هذي البرامج
اللي تصير فيها وجهات نظر واتصالات ،واحيان
خناق وشد وجذب
اهنيه صرنا نخاف نرد على موضوع يكون بالاساس
حديث الشارع ا وشي متداول بين الناس
والناس بدأت تتحدث فيه ،،
لان ندري ان مصيره الاغلاق
لانه شوي حساس وبعض العقول ماتستوعب
كيف تتكلم بطريقة جيدة وواقعيه وموضوعيه
طيب انا شنو ذنبي اذا غيري
مخّه مقفل او شنو ذنب غيري
اذا انا مخي منتهية صلاحيته
///
عسا ماتكتب شي إلا اغلق
وان شاء الله ما يغلقون هذا الموضوع
لان حاس لو اغلق بقلب وجهي على الاقل
سنه لين انسى الحادثه
////////////
رساله للمشرفين
خفّوا شوي على العالم
وبلاها سياسة التتضيق الشديد
ترانا نحبكم
وورسالة ايضا لقسم آخر من المشرفين
يمكن يكونون مو موجودين بينه ويمكن يكونون موجودين
الله اعلم
الرسالة
ليه مانشوفكم إلا بوقت الاغلاق
ومانشوف خشّة احد فيكم بنقاش ولاّ موضوع
وليه اذا اغلقت موضوع شخص
طقيتوه بالطوفه ولا رسالة اعتذار ولا ديالو ولا غيره
يمكن الرجل تعب في موضوعه وعصر بنات فكره عصر
لين طلع لكم بهالكم سطر وجلس ساعه ينقح فيهم
ويعدل الاخطأ
وتجي حضرتك توّك قاعد من النوم مدري راجع من الشاليه
وطق ( اغلااااااااااااااااااااق )
///////////
رساله إلى خدامتنا
جزاك الله خير وبيض الله وجهك
شايلتنا شيل ، غسيل وتنظيف وقعده من الصبح
وتنامين اخير وحده
لا عمرك تأففتي ولا اشتكيتي
رغم الغربه وقلّة الحيله
لاكن انسانيتك كانت واضحه اكثر من انسانية معازيبك
جزاك الله خير وعسا الله ياجرك
مهما اقول ماراح اطلع من جزاك
/////////
رسالة لمنتخب الكويت
غيروا الادلاغات
لان عجزنا معاكم ، غيرنا لكم كل شي
مدربين وادراة ونوادي ومعسكرات ومكسرات وحتى جل عطوكم
لاكن ماكو فايده فيكم
///
رساله حق الممثلين والمنتجين والمسلسات
الرمضانية الشيطانية
العالم تبي تصوم وتذكر الله وانتوا سبحان الله
شياطينكم ماتطلع إلا برمضان
ويليت تقدمون شي فيه خير
بجي وصياح وخيانات
وحوارات تافهه واشكال غريبه عجيبه
ولبس ماادري شلون صاير
واشكال منتفخة وبراطم تبي تطلع من الشاشات
انا عن نفسي لو يحطّوون جرانديز ولاّ عدنان ولينا وعبسي
بعد الافطار بكون مبسطوط على الآخر
ولا هالتفاهات اللي نشوفها
وحده متسربته من زوجها
ووحده زوجها سكران وواحد
مدير شركة وموظفينها كويتين وكلهم ينادونه عمّي
؟!!!!!!!!
وينه هذا الموظف اللي ينادي المدير عمّي
عمت عينك انت وياه
تقصون على العالم ولا تقصون علينه
فشلتونا بين الناس
العالم صارت تقول مسلسل كويتي
واهو بالاساس مافيه ريحة كويتي
ممثلين بلهجات كويتية فقط
خلاص ياجماعة ولله وصلنا الحد الاعلى من التفاهة والانحطاط
في مثل هذي المسلسلات
خلاااااااااااااص كافـــــــــــي
///////////
رساله لصاحب المنتدى
<== باااااااااااااعها
يعطيك العافية وجزاك الله خير
على المنتدى الرائع هذا
////////
رساله لمفسرين الاحلام بالقنوات
والموضه الجديدة الحين ارسل رساله وراح يجيك رد فيه
تفسير الحلم
يرحم والدييييييييييييكم
بسكم تجاره بكل شي ،
حتى كتاب ابن سيرين قيل انّه كتاب مووضوع
ولم يكتبه ابن سيرين
وانتوا عسا مااحد فيكم حفظ هذا الكتاب
إلا صار مفسر
وقدّامك رحلة سفر وتفتيش
بس ياجماعة ولله عييييب
ويكفينا احاديث الرسول في هذا الباب
ومانبي منكم شي
///
رساله للي يقرأ الموضوع
ياتكتب رد فيه خير ولا تصمت
//////////////
رساله لغرفتي
يعطيك العافية ايتها الغرفة الجميله
تحّملتِ وحدتي واحيانا بكائي واحيانا ضحكي
واحيانا كثيره ( شخيري )
تحملتِ سرحاني وتفكيري وصراخي
شكرا واظنّها لا تكفي
سوف اجازيك برشة امريكية جديدة
وبعض التحف
//////
رساله اخيره
اكيد برجع بأذن الله
والخنبقة لازالت في بدايتها
واللي يبي يشارك حياه الله
وبلا مثاليات وعيشوا حياتكم
وللمشرفين ،، ارجوكم خلونا نعيش حياتنا
واترككم مع هذه الرساله لاحد الكتّاب المخضرمين
//
وكان آخر ماقال له
اعلم انّها تسكن في قصر يسكنه عشره من العبيد
اعلم انّ لها عشرة اخوه اشدّاء
واعلم انّ لها عشرة اعمام لكلٍ منهم عشرة ابناء
واعلم ان لها اباً يمتلك نصف المدينه
ويستطيع ان يشتري النصف الآخر
( ولكــــــــــن ( واسمع يامشرف انت وياه
إلى كلمة ولاكن وماذا يأتي بعد ولاكن
ولكـــــــــــــــن
سأنام الليله في غرفتها
انتهى
طبعا المثقفين اللي مثلي راح يعرفون القصد
والجعاليط ( وهذا وجهي اذا زويا اعرفت شنو جعاليط )
الجعاليط راح يقولون فعل فاضح في مكان عام
ومع السلامة
ونبي سهره حلوه جميلة لاني اليوم قاعد في البيت
ومالي خلق اروح مكان
ولا زال للخنبقه بقية
