مسباح فاتوران ... للبيع

[بوعبدالله]

السلام عليكم

هذا مسباح فاتوران للمره الثانية الحين اعرضه للبيع
وكنت عارضه بموضوع قديم من اكثر من تقريباً 9 اشهر بسعر 150 دينار

و الحين المسباح سعره ارتفع ومحلات المسابيح ساموه مني بـ 300 دينار ..

الاخوان الي هاويين مسابيح الفاتوران فرقو السومه واقول عليكم بالعافيه وشرط المسباح توديه أي محل يعجبك وتفحصه وتسومه

على فكرة اذا راعي محل مسابيح سامه بـ 300 يعني تأكدو انه يبي يبيعه مو بأقل من 330 وطبعاً أهل المسابيح يدرون بهالامور هذي بس اقول الكلام هذا للتنبيه

مشاهدة المرفق 73432

الصوره مو واضحه وايد
بس المسباح كبير ووزنه مايقل عن 64 غرام

---

 

[buz126]

هلا اخوي بوعبدالله والله نصيحه بيعه اب 300 لان هنيه راح يسومونه اب 90 - 130 لان الفاتوران له ناسه واغلب الناس مايعرفونه
اخوك مشعل

 

[بوعبدالله]

ياهلا أخوي مشعل
الله يعطيك العافيه وعساك على القوه ...

أقولها للامانة لك وللاخوان الكرام

المسباح مكلفني 80 دينار بشهر 7 2006 من خامه وخراطه يعني حتى لو ينسام بـ 100 انا ربحان وطول الفتره هذي المسباح محطوط عندي مايطلع على النية وكل ماطلعه ينسام من اهل المسابيح و لله الحمد عندي غيره يعني ماعليه حسافه اذا راح .

وللاخوه الي مايعرفون الفاتوران ترا مايقل عن الكهرب بشي
اليوم تشتريه بسعر وباجر تبيعه بسعر
واقرب مثال موقع اي باي مسابيح الفاتوران اسعارها تتراوح مابين ال 100 الى ال 800 دينار
search for Faturan

سلام

 

[bo dhari]

هلا بو عبدالله انا اسوم100 بعدين اشلون اعرف ان فاتوران

 

[بوعبدالله]

ياهلا بوضاري صبحك الله بالخير

طال عمرك المسباح مسيوم ب 300 دينار و الشراي موجود
عارضه ابي واحد يفرق السومه وقوله عليك بالعافيه

واحسن طريقة تتأكد انه فاتوران تروح تسومه بمحلات يبيعون الفاتوران وتسمع رايهم بخصوص المسباح وبأمكاني ادلك على اكثر من 5 محلات يبيعون الفاتوران وتسمع ارائهم وتقييمهم بخصوص المسباح

 

[stingray74]

يعطيك العافيه اخوي بو عبدالله صراحه المسباح روعه وقصته حلوه ولونه بعد

ماشاء الله تبارك الرحمن والفاتوران يسوه وانا واحد من الناس عندي احلى من الكهرب

وعندي واحد بس قصة الحبه تختلف عن اللي عندك وانسام مني بالمحلات ب380 دك ومابعته

ولا افكر ابيعه واذا ما عندك غيره انصحك انك ماتبيعه لانه هذي المسابيح عندي احسن من الذهب
وعسى ربي يرزقك ابيعه طيبه على خاطرك تقبل مروري