ياشباب أيهما أفضل ضاحية جابر الأحمد أو سعد العبدالله ؟

[ابو غانم]

ياشباب أبي منكم نصيحه من القلب لأخوكم .

شنو أفضل ضاحية جابر الأحمد أ سعد العبدالله لاني صراحه من المنطقه العاشره ولا اعرف مكانهم وين والله ولا رحت الصوب هذاك كلش

وأبي أعرف الأفضلية من ناحية شنو بالضبط ؟

وفيه سر كبير بقوله لكم ولا تعلمون أحد


انا نيتي آخذ أرض وأبدل بطلب .. اي منطقه فيهم أغلى ؟

 

[Sky-Q8]

جابر الاحمد والسبب انها تابعه للعاصمة

 

[بني سعد]

الكويت واحد عاصمه او غيره

المهم من بحث كامل تم الوصول الى انه سعد العبدالله هي افضل من جابر الاحمد للاسباب كثيره
وكفايه توجد تحتها فجوات وهذى الفجوات حتى بتعديل ومعالجة التربه ترجه بسبب لب الارض والمسامات الهواء اللى يخرج من جوف الارض
وهناك امور اخرى كثيره

 

[بوالعيس بيك]

السلام عليكم

ياخوي بني سعد ظيقت خلقي ..ماتقولي شسوي ..يعني اذا الارض خربانه

شتقترح علي ابيعها..ولا أخليها عالله ..ونت عارف انه البنيان اذا بنيت بكلفني

؟؟؟

 

[ابو غانم]

ياشباب صحيح يقولون ان ضاحية جابر الأحمد مافيها توزيع أراضي ؟

بس بيوت جاهزه يقولون

صحيح الكلام هذا ولا فيه

 

[وافى الوافى]

شلوون ماافيهاا اراضى ؟؟؟

ترى موزعين فيهاا قطع كاامله اخوى !!

بس البيوت الجااهزه ليما اللحين ماابلشوا فيهاا !!

هذاا على حد علمى

 

[ابو غانم]

أخوي وافي

لا أنا أقصد ان الاراضي تم توزيعها وخلصت .. يمكن مابقى الا بيوت جاهزه .

هذا قصدي .

وأكرر سؤالي هل باقي من الاراضي لم يتم توزيعها ولا خلصت ؟

 

[الحريه وطن]

كلهم نفس الشي
لومنك اتكي علي بدل الاجار 17 سنه
لين اصيد منطقه قريبه او امووت

 

[qoqo]

السلام عليكم اخوي ابو سعد انا من سكان الجهرا منطقةسعد العبدالله افضل من جابر الاحمد لان مثل ماقال اخوي بني سعد فيها تجاويف ارضيه وثانيه محطة الدوحه موبعيده عنك هذاغير ان سعر سعد العبدالله اغلى من جابر الاحمد لان بسبب التجاويف

 

[ابو غانم]

كلهم نفس الشي
لومنك اتكي علي بدل الاجار 17 سنه
لين اصيد منطقه قريبه او امووت

يالغالي أقطعوا عني بدل الايجار .. رحت لهم لقت ليش قطعتوه قالوا لان طلبك قديم وانت ماخذيت بيوت من المشاريع اللي طافت !!!!!!!

 

[Business Man1]

جابر الاحمد وعلى قولتة اخوي سكاي

 

[شاب محترم]

جابر الاحمد افضل من سعد العبدالله وبدون مقارنة

جابر الاحمد على جون الكويت على الساحل

منطقة راقية وخدمات تشبه القرين ... وطق عصي عليها ... وسعرها اعلى لان عليها طلب كبير



بالنسبة للاراضي اغلبها توزعت

لكن في اراضي لليلحين باقية ما توزعت ..... اعتقد جهة b5

 

[الذهب لا يصدأ]

يا اخوان وش جاب لجاب
وين سعد عن جابر

جاااابر افضل بكثييير ولا يغرك الكلام اللي يقولون عن جابر من ناحية التجاويف يبا الكويت كلها على السيف واللي على السيف دايم اغلى ومع احترامي للجهرا وأهلها روح الحين وشوفو الزحمه شلون صايره الناس ماتقدر تروح لدواماتها وللمداس من ضيق الشوارع ولو صج احسن ماراحو يعدلون في مخارجها من جديد ....... واذا على التلوث شوف الصناعيه اللي بجنبهم ومصانع الكيماويات والاسمنت لا والسكرااااب وحرق التواير اللي كل يوم يصير هناك هذا غير الله يكرمكم محطة المجاري اللي عند اللوا الا هي ام التلوث
والله مهندس المشروع جلسو وياه الربع وقال مو تبني سرداب الا تبني سردابين في جابر والله قاطين ملايين الدنانير على التربه
وبعدين يدلك على الخيل أثمانها .... دور لي أحد يبدل جابر بسعد نااااااادر تلقى واللي يبي يبدل جابر في المناطق الاخرى يلقى الناس زحمه عليه
طولت عليكم بس شفت ناس تتكلم بدون معرفه
وأقولكم سر
ترا سعد كانت مدفن نفااااايات كلام مهندس في البلديه
تحياااتي

 

[Business Man1]

مافي وجة للمقارنة بين سعد وجابر

لان جابر عليهااا طلب كبير

وفيها خدمات ومشاريع ضخمة ضخمة

ولاتنسى ان الاقرب لمدينة الحرير

 

[ابو غانم]

انا بروح أسأل اذا فيه أراضي انشاءالله أتوكل على الله وآخذ فيها .

 

[المانع]

مدينه جابر بتصير مثل ام الهيمان كلها تلوث وبتصير بعد مثل الظهر كل يوم الارض بالعه بيت بسبب التجوف ومدينت سعد صوب العراق وامغره الاثنين خرطى بخرطى اخذ بيت بالديره احسن وكل واحد يبيع بيته وياخذ على الاقل باشبيليا

 

[الحريه وطن]

دام جذيه ماكو الا ننطر مدينه الحرير عام 2298 للميلاد

هذا اذا ما خرج المهدي المنتظر وبايعوه بين الركن والمقام

 

[بيبلوس]

جابر وسعد يفرق بينهم شارع كلهم نفس الشى ويمكن بعد يدمجونهم ويسوونهم محافظة بروحهم وشكرا

 

[سوق خضرة]

ياشباب أبي منكم نصيحه من القلب لأخوكم .

شنو أفضل ضاحية جابر الأحمد أ سعد العبدالله لاني صراحه من المنطقه العاشره ولا اعرف مكانهم وين والله ولا رحت الصوب هذاك كلش

وأبي أعرف الأفضلية من ناحية شنو بالضبط ؟

وفيه سر كبير بقوله لكم ولا تعلمون أحد


انا نيتي آخذ أرض وأبدل بطلب .. اي منطقه فيهم أغلى ؟

والله يا بوغانم شرايك تجي تقهوى عندي طال عمرك واخذك بسيارتي واوديك للمنطقتين تطقلك فره فيهم وشوفهم عالطبيعة احسن وبالمره اوديك المكاتب العقاريه اللي بالجهراء واسالهم اذا عندهم عروض ولا لا ؟

وتقبل تحياتي

 

[مقاول بناء]

السلام عليكم يا شباب انا مقاول بناء اذا تبون اي خدمه بالبناء بناء قسيمه جديده على الاسود او بالمواد ااو عل المفتاح انا جاهز بالخدمه الاتصال او الاستفسار
الاتصال على الرقم 9536718

جاهزون لتنفيذ جميع الطلبات اتصلو على 9536715