ابي رايكم

الموضوع في 'الوظائف والأعمال التجاريه' بواسطة TAXI, بتاريخ ‏16 أغسطس 2008.

حالة الموضوع:
مغلق
  1. TAXI

    TAXI موقوف

    التسجيل:
    ‏15 يونيو 2008
    المشاركات:
    23
    عدد الإعجابات:
    0
    عندي مشروع وعندي 4000 دينار
    المشروع عمل كوفي شوب - بس كل ماشاور واحد ماينصحني
    يقول الاجار كبير ...و الوكلات خذها التجار وماخلوا للشباب شي
    والثاني يقولي مشروعك يبيله مصاريف ومبلغك صغير
    وطاحوا الناس فيني تكسر مجاديف
    بس انا مصر وقاعد اشارور اهل الري
    يليت تشورلي ومابي احد يكسر مجدافي
    طبعا عندي رخصه تجاره عامه ومقاولات
     
  2. نوط بو ربع

    نوط بو ربع عضو جديد

    التسجيل:
    ‏24 يناير 2006
    المشاركات:
    488
    عدد الإعجابات:
    0
    مكان الإقامة:
    الكويت ما قبل 1978
    مادري ليش تذكرت موضوع في كتاب اللغة العربية أيام كنت في رابعة ابتدائي إسمه ((أحلام الرعاة))
     
  3. بوالعيس بيك

    بوالعيس بيك عضو مميز

    التسجيل:
    ‏29 يوليو 2008
    المشاركات:
    6,310
    عدد الإعجابات:
    831
    مكان الإقامة:
    الدعيه
    السلام عليكم

    انا حلمت أمس ان فلوسك طايره بالهوي ..ومنت طايل منها دينار..

    اللهم اجعله خير..
     
  4. اوكيشن

    اوكيشن عضو جديد

    التسجيل:
    ‏17 سبتمبر 2005
    المشاركات:
    407
    عدد الإعجابات:
    0
    حبيبي اذا قعدت فلوسك عندك بطير

    ومشروعك من اوله يبيله مصاريف اكثر من اللي عندك بواجد حييييييييل

    وراح تقط من جيبك لما يبدأ الشغل

    انصحك تاخذ فره على الكافيهات اللي فاتحينها شباب اللي مو مشهوره

    وفيه واحد تلقاه بالفحيحيل بشارع المستوصف شوفه وتلقى راعيه فيه استشيره مافيها شي

    وانا وصفتلك محله لان دايم امر من اهناك وعمري مالقيت احد داخل مافيه الا عماله

    والله يوفقك ان شاء الله

    واهم شي العزيمه
     
  5. TAXI

    TAXI موقوف

    التسجيل:
    ‏15 يونيو 2008
    المشاركات:
    23
    عدد الإعجابات:
    0

    قصدك درس صاحب الجره اللي ضل يحلم لما كسر جرته

    انا عارف هذا الدرس عدل بس اهم شي انت اتعرفه وماتنساه

    لانك من الناس اللي لاتفكر وذا نامت ماتحلم تبي تشتغل بالحكومه
    وتبي معاش ومادوم .......
    صح تذكرت.........حاسدين الفقير على موتت الجمعه
    لو قتلكم اني عدي 50 الف اووووووووووو شان ادخلوا
    العرافين واصحاب المشاريع الوهميه

    موتقولي احلام .....الغني الكل يضحكله ومنت طايل افلوسه مادري ليش
     
  6. بوالعيس بيك

    بوالعيس بيك عضو مميز

    التسجيل:
    ‏29 يوليو 2008
    المشاركات:
    6,310
    عدد الإعجابات:
    831
    مكان الإقامة:
    الدعيه
    السلام عليكم

    اخوي يالتاكسي,,

    الله يوفجك ان شاءالله..وتأكدان محد قاعد يتطنز أويستهزء..

    بالعكس الكل يبي مصلحتك ومانبيك تخسر بس طبعا كل واحد له طريقته

    واسلوبه ودايما ياخذونها بالضحك..والغشمره لأن هذامنتدي ..والمشاركات فيه تكون مميزه ..

    ودمتم بحفظ الله
     
  7. TAXI

    TAXI موقوف

    التسجيل:
    ‏15 يونيو 2008
    المشاركات:
    23
    عدد الإعجابات:
    0
    بو العيس ....اخوي انا ادري الشباب اسهل شي عنده التطنز متعود عليهم
    اهنيه وبالدوانيه .........ايا اخي شسوي كل شي امسكر علينا بهل البلد
    حتى التجار كاقاموا يفتحون دكاكين واوتي ومحل باجله
    ما خلول لشباب شي .......فلحد يلومهم اذا انحرفوا
     
  8. نوط بو ربع

    نوط بو ربع عضو جديد

    التسجيل:
    ‏24 يناير 2006
    المشاركات:
    488
    عدد الإعجابات:
    0
    مكان الإقامة:
    الكويت ما قبل 1978
    هاهاهاهاهاهاه ... لا تزعل يا الحبيب والله والله ثم والله إنه غرضي تحمي فليساتك ولكن بإسلوب الدعابة وليس السخرية ... يا الحبيب المشاريع كثيرة لكن هالمشروع بالذات حيل يخب على بيزاتك خل نكون واقعيين ... ما ابيك تشتري أربع قلاصات وغوري وبعدين يبنشر مشروعك ؟! وبعدين ترى مو كل الناس تقيم البشر على حسب رصيدها في البنك ... لا ترى فيه عيال حمايل ما ينقاسون عى أرصدتهم بالبنك ولكن ينقاسون على رصيدهم الحقيقي إللي هو أصلهم الطيب وعزة نفوسهم ؟!
    روح يا عسالله يباركلك بحلالك ويرزقك من حيث لا تحتسب .
     
  9. شكير

    شكير عضو جديد

    التسجيل:
    ‏11 ديسمبر 2005
    المشاركات:
    192
    عدد الإعجابات:
    0
    أخوي العزيز تاكسي بعد التحيه
    اذا تبي نجاملك ونقص عليك بنشجعك بس بصراحه المبلغ مالك بسيط وهذا النوع من الكافيهات اول شي يحتاج موقع يعني تحط على فلوسك دبل عشر مرات ماتحصل موقع زين وبعدين لازم عندك وكاله وهذي مو مشكله العلم متروس وكالات كافي حتى السعوديه فيه ماركات سوها سعودين وصارت مشهوره.
    اذا انت هاوي الموضوع انصحك بالبدايه سو مشروع مقهى بخيطان ينسون وسحلب وشيشه سلوم وولعه زينه والله كريم
    هاهاها لاتزعل الفقره الاخيره غشمره
     
  10. keepintouch

    keepintouch عضو نشط

    التسجيل:
    ‏12 مايو 2007
    المشاركات:
    524
    عدد الإعجابات:
    0
    مكان الإقامة:
    الكويت
    اخوي تاكسي

    اولا الله يكتب لك الخير وين ماكنت ويوفقك ان شاء الله في كل ما تتمناه


    اعود الى موضوعك واحببت ان اثير معك نقطة راس المال الذي ذكرته وهو مبلغ قد ينفع في مشروع اخر ممكن ان يعود عليك بمردود مادي وان كان بسيط ولكن قد يكون بداية خير عليك ويبارك لك فيه رب العباد.

    حبيبي مشروعك فكرنا فيه انا واثنين من الربع ولما حسبنا مبدئيا التكلفة انصدمت من التكاليف وتراجعنا عن هالمشروع المكلف .

    كانت النظرية هي مقهى محترم وعلى مستوى عالي من الخدمه وللنظر سويا الى الحسبة التالية:

    اولا : الحاجة الى محل لاقامة المشروع وهذا بحاجة الى مبلغ كبير و يعتمد المبلغ على موقع المحل من الاعراب ولن اتطرق له لانه يختلف من مكان لاخر.

    ثانيا : ديكورات وما ادراك مالديكورات وقد كنت اظن انها لن تكلف مبلغ كبير ولكن اتضح ان المبلغ فعلا هائل حول 10000 دينار .

    ثالثا : عمالة تكون مدربة وليس عمالة قهاوي خيطان وهذا يحتاج الى مبالغ وايضا الى بهدله في وزارات الدولة لعمل اجراءاتهم.

    رابعا : الايجارات ولمدة سنه على الاقل حتى يتمكن المقهى من الوقوف على رجليه ونبتدا في جني الثمار .

    خامسا : رواتب العمال وهذا شيئ يوضع بالحسبان.

    سادسا : المعدات وهي شيئ اساسي وكان الاتجاه الى محلات مبروك واعتقد ان الاخوة يعرفون ما معناة الشراء من محلات مبروك .(( شغل فنادق))

    اخيرا اضف مبالغ التموين للمقهى .


    اخيرا اخي انصحك اذا كنت تنوي فعلا الاتجاه الى هذا المشروع الابتعاد عن موضوع قهاوي الشيشة لانها محرمة شرعيا وتذكر ان دينار بالحلال ابرك مليون مرة من 10 دنانير بالحرام.


    وادعي لك بالتوفيق يارب

    دمتـ بود
     
  11. بو عبد العزيز

    بو عبد العزيز عضو جديد

    التسجيل:
    ‏3 أغسطس 2008
    المشاركات:
    13
    عدد الإعجابات:
    0
    اخوى المشروع يبيلة دراسة وحسبة مالية جيدة اوكى وبعدين لازم المكان يكون موقعة ممتاز والاربع الاف ماتكفى ترى لاتندفع وفكر عدل
     
  12. AL_ESSA

    AL_ESSA عضو نشط

    التسجيل:
    ‏21 مارس 2008
    المشاركات:
    216
    عدد الإعجابات:
    0
    4000 دينار رأس مال كافى باذن الله لاقامة مشروع أخر تكاليفه أقل ومردوده لا بأس فيه
    اختار مجموعة من الافكار وادرسها جيدا
    لا تخلى فكرة الكوفى شوب تسيطر على ذهنك
    بداية الالف ميل خطوة
     
  13. Bo_Fahad_Q8

    Bo_Fahad_Q8 عضو جديد

    التسجيل:
    ‏23 يونيو 2008
    المشاركات:
    55
    عدد الإعجابات:
    0
    لا زيادة على كلام الاخوان

    اخوي الـ 4000 شوية حق الكافية .. الا اذا كان عندك شريك ثاني يمولك
     
  14. NOCOMMENT

    NOCOMMENT عضو نشط

    التسجيل:
    ‏13 مارس 2008
    المشاركات:
    973
    عدد الإعجابات:
    0
    اعتقد مصيبتنا بالديرة الايجارات والخلو اللى يكسر الظهر
    والمعدات مادرى جم تكلف بس اكيد تبي آلاف
    والخوف كله من تراكم الايجارات في حاله ان المحل ماطلع شئ
    هنيه المصيبة فهل انت قادر على دفع الايجار ومعاش العمال من جيبك حتى يوقف المحل ؟
    اذا تقدر وضعك اوكي واذا ماتقدر انحش لاتصير مطلوب

    فيه فكرة شفتها بالسعودية وهى سيارات برد ايس كريم تبيع برد ونفيش وشعر بنات وشاي وممكن انت تزود عليها شغلات من ابتكاراتك
    فكرة حلوة وخصوصا ماتبي الا عامل واحد وماتبي ايجار
    فاذا كانت مسموحة بالكويت ففرصة تسويها وتكون ان اول واحد سواها
     
  15. mohamm3d

    mohamm3d عضو نشط

    التسجيل:
    ‏24 سبتمبر 2008
    المشاركات:
    347
    عدد الإعجابات:
    0
    شوف حبيبي التاكسي لاتسمع كلام هذا ولا هذا ان كان الله بيرزقك بيرزقك ,,

    في شي بعد انه مو شرط هالمبلغ ماتقدر تبطل فيه هالمشروع بالعكس انا اقولك تقدر

    لانك لو امنت بالشي وشديت حيلك بتفتحه وبأقل من هالتكلفه بعد الكوفي شوب مايبيله شي

    بالواقع لو تفر بتلقى وماعليك من كلام هذا وذاك لان نصهم يسمعون لكن ماشافوا بالواقع

    انا عندك مثلا فريت لقيت اجار محلات رخيص في ابو 400 وبدون خلو وفي ابو 370 وهم بدون خلو

    وفي ابو 270 وهم بدون خلو شرايك بالكلام الواقعي ؟؟

    مو احسن من كلام اللي يتكلم ويقولك مافي وميزانيه وثاني شي انا حسبت الميزانيه طلعت

    مو مكلفه يمكن تحتاج الف او الفين بس ان عرفت تدير ميزانيتك راح تعرف شلون تضبط شغلك ويزيد

    بعد عندك

    ماعليك من كلام الشباب لان الانسان المحبط دايم يعتقد الامور صعبه ومايقدر يجدم جدام

    اسمعها مني توكل وماعليك والله يوفقك والقلب داعيلك مدام عندك رخصه كل الامور سهالات

    لان اهم مافي الامر الرخصة وبس وتوكل ودربك ان شاءالله خضر يارب ..


    اخوك محمد ..
     
حالة الموضوع:
مغلق