مسابيح لآصحاب الاذواق العالية فاخرة وجميلة * لاتطوفكم *

[الذهبي4]

السلام عليكم اخواني الاعضاء الكرااااام ،،،،

اليوم جايب لكم مجموعة جميلة من المسابيــــــح الفاخرة للناس اللي تحب الشي المميز والجميل واتمني تحوز على رضائكم جميعااااا

والرجاء من اخواني اللي يبي يسوم أي مسباح يذكر رقم المسباح بالترتيب المعلن ورقم هاتفه على شان نبيع للجادين فقط وليس غيرهم
وشكرااااا للجميع وهذي صورة كل مسباح مع ترتيبه ،،،،​

المسباح الاول : وهو عقيق إيراني أصلي ​

المسباح الثاني : يسر مع حجر ليزر ومطعم بالفضة




المسباح الثالث : كهرب كبس وبداخل الحبات شوائب ( مصري ) 25 دينار )




المسباح الرابع : يسر بحجر الليزر والعظم ومطعم بالفضة




المسباح الخامس : كوك مزخرف بالفضة بلفظ الجلالة



المسباح السادس : كهرب كبس بالحشرات بكل حبة ( 30 دينار )




المسباح السابع : مسباح عظم ركبة الجمل ( مصري وشغل يدوي ) ( 15 دينار )




المسباح الثامن : مسباح كوك بالليزر ومطعم بالفضة الحلوة




المسباح التاسع : مسباح يسر بالكهرمان بالفضة والليزر الاصفر




المسباح العاشر : مسباح كهرب كبس بالحشرات ( 30 دينار )




المسباح الحادي عشر : مسباح عظم بالفضة وجحر الليزر مع حبات يسر

ياجماعة اللي يبي يسوم يحط رقم هاتفه وترتيب المسباح اللي عليه السوم ،،، والله يرزقنا ويرزق كل مسلم ،،، آمين

وهذا رقمي للجادين بالشراء // 6401400 فهـــــد ​

 

[اوكيشن]

وعليكم السلام


المسباح السادس من عندي 20 اذا بياع دزيتلك رقمي عزيزي


والله يوفقك

 

[e7m5]

الثالث ب 12

 

[أحمد ظاهر]

ما شاء الله لا قوة الا بالله

صراحة مسابيح جدا روعة .. الله يوفقك وييسر بيعتهم

 

[bo dhari]

الخامس 15 دينار 7547444

 

[زويان]

السلام عليكم

المسباح السادس والعاشر عندي بــ 30 دينار الاثنين

6380108

 

[stingray74]

يعطيك العافيه اخوي الذهبي

انا اخذ منك كل المسابيح ب 100 دك وانا جاد وشراي

تقبل مروري وعسى ربي يوفقك انشاء الله اخوك:بوخالد 9006642

 

[بوالعيس بيك]

السلام عليكم

الخامس ب16

 

[khaled3030]

اخوي السادس والعاشر عندي باربعين
6667808

 

[الذهبي4]

وعليكم السلام


المسباح السادس من عندي 20 اذا بياع دزيتلك رقمي عزيزي


والله يوفقك

أخوي الغالي حياك الله إذا لك خاطر وتبي المسباح السادس

تستاهله بــــ 26 دينار نهايته وحياك الله وشاكر مرورك الزكي ​

 

[الذهبي4]

الخامس ب16

أخوي أبو العيس سومتك على راسي من فوق ولكن ياجماعة ياريت السوام يحط رقم هاتفه علشان مايصير السوم بدون تركيز ياريت
وبالنسبة للمسباح الخامس ب 16 دينار تستاهله ياابو العيس ودز لي رقمك أو ياليت تتصل على موبايل ،،، وشكرااا على مرورك الطيب ​

 

[الذهبي4]

اخوي السادس والعاشر عندي باربعين
6667808

حياك الله اخوي الغالي ،،،، وصدقني هالمسباحين السادس والعاشر من المسابيح الطيبة والغالية وجزاك الله خير على السومه ،،، اذا تبون
السادس والعاشر كل واحد بــ 25 دينار يعني اللي يبيهم مع بعض
ب50 دينار يستاهلهم وربي يبارك للجميع فى رزقه ،،،،،


​

 

[الذهبي4]

يعطيك العافيه اخوي الذهبي

انا اخذ منك كل المسابيح ب 100 دك وانا جاد وشراي

تقبل مروري وعسى ربي يوفقك انشاء الله اخوك:بوخالد 9006642

أخوي بوخالد الله يرزقك الرزق الطيب وسومتك على خشمي وانا اخوك ولكن والله قيمتهم المسابيح كلها اكثر من سومتك بكثير ولما حسبتها والله ماتوفي وانت غالي وعزيز وشاكر لك مرورك اللي اسعدني يااخوك ​

 

[stingray74]

حبيب قلبي الذهبي وكلامك طيب عليك يطولي بعمرك تشرفت فيك يالغالي

وهذا سومتي للمسابيح وانا واحد هاوي يطولي بعمر ك بس هذا اللي اقدر عليه اذا يصرفلك

اوكي اخذهم منك كلهم 120 دك وعسى ربي يوفقك ووين ماكنت ووين مارحت ويسلملي خشمك

اخوك بو خالد وهذا رقمي 9006642

 

[الذهبي4]

تم وبحمد الله ومنته بيع المسباح الثاني والله يبارك للبايع والشاري يارب​

 

[الذهبي4]

حبيب قلبي الذهبي وكلامك طيب عليك يطولي بعمرك تشرفت فيك يالغالي

وهذا سومتي للمسابيح وانا واحد هاوي يطولي بعمر ك بس هذا اللي اقدر عليه اذا يصرفلك

اوكي اخذهم منك كلهم 120 دك وعسى ربي يوفقك ووين ماكنت ووين مارحت ويسلملي خشمك

اخوك بو خالد وهذا رقمي 9006642

اخوي بوخالد تسلم يمينك وربي يوفقك دائما لكل خير والله صاحب الحلال
ماوافق على سومتك وهو صديق ومكلفني بالاعلان فقط وصدقني اتمني لك التوفيق واتمني تشتريها ولكن يقول ماتوفي معاه هالسومه ويدعي لك وانا بعد ادعي لك بأن الله يوفقك ،،،، وراجع الخاص على شان اعطيك نهاية المسابيح الموجوده طبعا مانحسب اللي انباع ربي يوفق راعيه خذاه
وعسا ربي يبارك له ،،،،،

فراجع الخاص تلقا نهايتها اجماليا ،،، وشكراا اخوي بوخالد على طلتك ومرورك الزكي ​

 

[بوالعيس بيك]

السلام عليكم

اخوي الذهبي باجرانشالله ..ادق عليك المغرب

عندي رقمك

 

[بوعبدالله]

يالغالي مع احترامي لك ولصاحب البضاعه ماكو شي اسمه عقيق إيراني ,, و العقيق عمره ماطلع بإيران

العقيق حجر طبيعي يتكون من مواد جبلية طبيعيه متنوعه واهي غير متوفره بإيران ولا بآسيا غير اليمن

 

[الذهبي4]

اخوي الغالي مع احترامي لك بعد المسباح عقيق ايراني حسب

خبرة صاحب الحلال وهو شغال بالمسابيح 40 سنة ،،،،،

وانت بأي دليل او حق اتقول العقيق مايوجد غير باليمن كلامك غير منطقي ابدااااا

العقيق حجر يوجد فى كل مكان منو يثبت وجوده فى بلد دون بلد ومعني كلامك

مكه البلد الحرام مافيها عقيق والناس قاعده اتبيع فيها اجود انواع العقيق الجميل

اسمحلي كلامك مو منطقي ولكن يمكن انت من اهل اليمن واليمن على العين والرآس

ولكن العقيق ممكن له مراتب ومستويات فى بعض البلدان ولكن ماننفي وجوده هذي طامه

ماراح نقبلها الا بدليل قوي جداااا وقصة الجبال مااظننا نعرف جبال ايران حقيقة المعرفة حتي ننفي وجود ها الحجر الطبيعي فيها ،،،

ومع خالص شكري لمرورك الغالي ولكن عندي صاحبنا الخبير

المسابيح 40 سنة اوثق منكم فى هذا الفن ،،، وشكراااا​

 

[ابو بندر2000]

خوي كم نهايتك بجميع المسابيح الموجوده حاليا .
وكم تحسب لي رقم 3 - 6- 7 - 8 من النهاية وشكرا اخي الكريم وعسالله يبارك لك