تلفزيون ال سي دي بسعر !!

[kwaity1978]

السلام عليكم

اليوم شفت تلفزيون ال سي دي بسعر جدا حلو 270 دينار

الحجم 37 " الميزه انه full hd

الي يعرف شنو full hd يعرف ليش سعر حلو وخيالي

الجهاز موجود عند شو تايم انا كنت رايح اشترك بالشو تايم وشفته قلت ابلغ اخواني بالموقع يمكن احد يدور على هل النوع((لان قبل فتره شفت بالموقع احد يسئل )) وانا شفت السعر جدا حلو لاني ما شفت من قبل فل اش دي بهل السعر


والي يشوفه يبلغنا بمميزاته واسعار احلى اذا حصل خل يكون الموضوع اسعار التلفزيونات ومواصفاتهم كمرجع وعن نفسي انا شريت قبل اسبوعين ال سي دي من الوزان بسعر 199 ماركة هيونداي وفيه جهاز دي في دي داخلي وكنت ادور ميزه فصل الشاشه الى قسمين عشان البلي ستيشن والتلفزيون بنفس الوقت وجدا الميزه هذي فادتني مع كاله 3 سنوات دفعت تقريبا 228 دينار تقريبا لاني ناسي

والي فيه هل الميزه هيونداي و ال جي وفي نوع من تلفزيونات الغانم بس مو كلهم


وهذا الي خلاني احط الموضوع لاني كنت ابحث عن ميزات الشاشات

 

[momken]

موفق اخوي

 

[basha]

مشكووور وخوش موضوع اشكرك عليه

 

[kwaity1978]

العفو اخواني

 

[كنكون]

شنو ماركه الجهاز اخوى !!!!

 

[Alansary]

ما عليك أمر أخوي ممكن تفهمنا شنو يعني فل اتش دي ؟ والفرق بينه وبين الاتش دي ريدي. ويعطيك العافية

 

[Doc30]

ما عليك أمر أخوي ممكن تفهمنا شنو يعني فل اتش دي ؟ والفرق بينه وبين الاتش دي ريدي. ويعطيك العافية

HD Ready ميجا بكسل= 1

HD Full ميجا بكسل=2 . يعني ضعف الوضح

 

[kwaity1978]

ما عليك أمر أخوي ممكن تفهمنا شنو يعني فل اتش دي ؟ والفرق بينه وبين الاتش دي ريدي. ويعطيك العافية

انشاء الله اخوي

اولا الجيل الجديد من التلفزيونات اهوه فل اش دي يعني احدث شي حاليا

ثانيا مستوى الوضوح بالنسبه للردي اقوى

والردي يعني يقدر يقرأ وضوح اش دي
بس الفل يعني اصلا مجهز للاش دي

ويمكن احد يقدر يفيدنا زياده



بس بصراحه ماكو احلى من ميزه فصل الشاشه لنصين

 

[kwaity1978]

شنو ماركه الجهاز اخوى !!!!

بالنسبه للماركه والله ما ثبتها بس مو من الماركات الي نعرفها بصراحه

 

[مليونير بعد سنه]

مادري شلون بتركز اذا فصلت الشاشه نصين

 

[kwaity1978]

صاحب البالين كذاب شوف مثل القهوه تطالع تلفزيون وتلعب والي تلعب معاه لايعه جبده خخخخخخخخ

 

[فاضي حدي]

اولاً جزاك الله خير على المعلومة

ثانية فصل الشاشة نصفين يمكن يكون اخوك الصغير يبي يلعب او واحد من ربعك وانت متابع فلم او متابع مباراة على التلفزيون هذا المقصود فيها

 

[بوعلي_3]

اخوي شكرا على الموضوع الحلو بس جم حجم التلفزيون اللي شريته 32 ولا 42.

 

[VISION]

سالفه الفصل حلوه

 

[kwaity1978]

اخوي شكرا على الموضوع الحلو بس جم حجم التلفزيون اللي شريته 32 ولا 42.

حبيبي الي شريته من الوزان الله يسلمك 32 " ويكفي لحجم الارتدادا الي عندي تقريبا 2 متر بس

 

[kwaity1978]

اولاً جزاك الله خير على المعلومة

ثانية فصل الشاشة نصفين يمكن يكون اخوك الصغير يبي يلعب او واحد من ربعك وانت متابع فلم او متابع مباراة على التلفزيون هذا المقصود فيها

اي حبيبي كلامك صحيح 100% لكن احدهم من غير صوت تقدر تاخذ سماعات بالوزان هم موجوده على الوايلس تركبها بمصدرالجهاز الي ما فيه صوت عشان تسمع صوته بالسماعه فيكون جذي عندك تلفزيونين بمكان واحد

 

[bu dawood]

مرحبا ولد عميي ابي الجهاز الي بشوتايم شنو ماركته في كفاله ولا لا

 

[kwaity1978]

والله يا حبيبي ما ادري بس يكفي ان فل اش دي بس مو ماركه عرفها لكن اتوقع فيهم كفاله اذا عرفت اسم الماركه قولنا

 

[bu dawood]

وي مكتنهم ولد عمي اخاف لازم تشترك بالشوتايم او شي والله اذا جذي اليوم اروح اخذلي واحد لانه صج السعر مو طبيعي