تنبيه :- اعلانات المجلات - تجارب شخصيه

[kwaity1978]

مع احترامي لردك الكريم اخوي ,,,, لكن الشوتايم و الاي أر تي أكبر نصابين و حراميه وخاصه للمشتركيين بدول الحليج !!!!

يعني اشتراك بالشوتايم ب 19,700 دينار شهريا يعني تقريبا اكثر من 60 $ و الأي أر تي ألعن 25 دينار شهريا !!! طيب ليش الاشتراكات في مصر مثلا بالجنيه المصري و بسعر تقريبا يفرق النص عن اسعار اشتراكات الخليجيين !!

شوفوا قناة الجزيره حتى و احنا عندنا رسيفرات دي اس أل الا اننا عندنا كروت جزيره لان اسعارهم ممتازه , وعلى فكره حتى بأمريكا اسعار الاشتراكات بالكيبل اللي فيه 500 قناة مشفره تقريبا مو نفس أسعارنا , و الطامه الكبرى حتى واهم خسرانيين من موضوع فك الشفرات مو راضين ينزلون أسعارهم ولو دينار واحد مثل ما سوى باقي القنوات الاوروبيه اللي انزلت بسعرها حتى أصبح مقارب لاشتراكات الدي اس أل !!!! متأملين الجماعه بالقانون !!! سبحان الله مال البخيل ياكله العيار .

بو يوسف​

والله يا اخي كلامك معقول .... المصيبه صرنا مثل السمج الصغار الك ياكل فينا يعني شنو يفرق بمصر عن الخليج والا عشن الله رزقنا معناته يرفعون الاسعار علينا معلومه اول مره ادري عنها

واتمنى الي يطالبون بحمايه الملكيه انهم يكونون معقولين بمطالباتهم

وعلى فكره وانا مسافر الصيف لقيت بالصيدليه ان الدواء من نفس الانتاج يختلف عندنا السعر اضعاف مضعفه
في كبسولات طبيه ياخذونها الاهل بالكويت ب 28 و 900 فلس يعني مو 29 لقيتهم نفسهم بالظبط ب 3 دنانير

والبروفين بالكويت ينباع ب 3 او 4 دنانير لقيتهم ب 180 فلس نفس النوع بالظبط اخذ لكن نرجع لموضوعنا واهو اعلانات الجرايد والمشاكل الحقيقيه ورائها

 

[kwaity1978]

لاحول ولا قوه الا بالله

 

[almutawa3]

الحين الجرائد والمجلات مثل الوسيط و 8080 وغيرها لما يروح واحد صاحب شركة يحط اعلان لشركته أو محله ما ياخذون اثباتات منه ولا السالفة بس فلوس وبس ! ليش ما يطلبون من مقدم طلب الاعلان صورة من الرخصة التجارية مع تصوير بطاقته المدنية .

 

[kwaity1978]

الحين الجرائد والمجلات مثل الوسيط و 8080 وغيرها لما يروح واحد صاحب شركة يحط اعلان لشركته أو محله ما ياخذون اثباتات منه ولا السالفة بس فلوس وبس ! ليش ما يطلبون من مقدم طلب الاعلان صورة من الرخصة التجارية مع تصوير بطاقته المدنية .

والله المفروض

 

[وليد السعيدي]

السلام عليكم

اخوي انا تقريبا من ست شهور اشتريت رسيفر دي اس ال طلع علي كامل 80 دينار

بس شغال من احسن ما يكون ويشغل جميع القنوات المشفره اي ار ات واربيت وشو تايم

لقيت اعلانهم بالجرايد واتصلت عليهم وقالولي كفالة ست شهور

 

[wal3li 2]

وبزيد سالفه سمعتها من واحد من الربع يقول جبت حق ولدي مدرس خصوصي وقعد يدرس الولد قواعد اللغه العربيه

المهم بعد فتره اتصلوا المدرسه فراح لهم
قالوا مستوى ولدك بالدراسه نهائيا ليس جيد

المهم قالهم باي ماده فكان الرد العجيب
ان باللغه العربيه

المهم استدعوا معلمة اللغه العربيه

فاتت فقالها انا حاطله مدرس خصوصي

باللغه العربيه شلون تقولين جذي فراحت واتت بكراساته وامتحاناته وبدئا تريه ان الاخطاء بالقواعد واضحه وتخالف الي يدرس فقالت له تبين ((مدرسك هذا شنو ))

المهم اتى المدرس كالعاده فمسكه صاحبنا وبتهديده اعترف ان اصلا ليس بمعلم ولا اي شي وامتهن هذي المهنه للترزق !! استغفر الله العظيم وين وصل النصب

والمصيبه ان الولد تعلم اللغه بشكل خاطئ تعال وجه مره ثانيه للصح

سالفتك هذي تذكرني بمدرس ييته من اعلان المهم عقب شهر او اكثر شفته يبيع سمج بشرق يعني اهو اساسا مو مدرس حدااق ؟؟ولا كلمته قلت له انت مو مدرس تعوووووووومس ماعرف شنو يرد

عاد تحسفت اصنه بالسمجه اللي في ايدي

 

[kwaity1978]

النصب صاير شي عادي ولازم الانسان يتأكد اكثر من مره ولاتنسون تعلموا علينا يعني قام يحط اعلان حقه وحق ربعه على ارقام بصفات وصايرين مثل المافيا تبي صباغ ايونك كل واحد بسياره ويتصلون ببعض يقولون حق بعض بجم طقوك بالسعر عشان ايك الصباغ الاصلي ويقولك السعر الي اهوه يبيه ديروا بالكم يا اخوان