يعطيك العافية ومبارك عليكم الشهر
وتقبل الله صيامكم
عفوا انا لما اقول
التفاصيل بالتقريب
20 -9 - 2008 ارتداد للسوق من نقطة 13200 الى 13350 لمدة شهر صعود تقريبا
شهر الصعود راح يصرفون الاسهم اللى شروها بالعالى وبالنازل
وبعد مايصرفون ..............................................
احتمال النزول الكبير يبدا بعد تاريخ 20 - 10 - 2008 والله العالم متى يخلص
بس راح يطول او راح يكون قاسى
والله اعلم
وانشاء الله لا يصدق هذا التوقع
ليست دعوه لا لشراء ولا البيع
الحذر الحذر الحذر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هل معناتها ان تدخلت بعلم الغيب
طبعا لا
جان الارصاد الجوية دخلوا
واللى يقول السهم رايح كذا وكذا هم دخل
لا ياخوك
هذا مجرد توقع واخبار من ناس موثوق فيها
وانا لولا اني حبيت اوصل للاخوان المحترمين اللى وصلني
((((احب لاخيك ماتحب لنفسك))))
ولا انا شلي بالطلايب واحد يقول لا طبل الله يسامحه
واحد يقول السوق موملكك
يالله ماعلينا ناصحهم فاضحهم
ونتمنى انه مايصير
ويلغى هذا التوقع في حال تم الغاء القرارات الاخيرة ومنها قرارات البنك المركزى
اما اذا تم الوضع على ما هو عليه
فراح نتوقع الى مكتوب
والواحد لو قبل لاينتقد خل يفكر لحظه شنو مصلحتى من الكلام هذا
والله يكتب اللى فيه الخير للجميع
اعتقد انك فتحت مجال للنقد وارجو انك تتقبل كلامى انت بكلامك هذا تبين للناس ان البيع الحين افضل لانك ذكرت ان السوق راح ينزل اكثر والمحللين يقولون سبب النزول الاكتتابات لزين والاتصالات الثالثه وبعض الاكتتابات الى صار عليها زياده راس الما والاكتتابات بدت يعني لما نوصل للتاريخ اللى ذكرته حضرتك اتكون الاكتتابات انتهت والسيول ارجعت للناس يعني بالتاريخ اللى انت قلت ان السوق راح ينزل اكثر كل التوقعات ان السوق راح يرتفع يعني من كلامك الحين كانك تقول بيعو قبل تاريخ 20-10 والصحيح ان هالتاريخ والله اعلم انه راح يكون اول خطوه للصعود يعني اللى يبي يبيع الحين مثلا على 300 فلس وهو خسران ماراح يسترجع سهمه ابو300 بالتاريخ اللى انت ذكرته لانه راح يكون على الاقل مرتفع 50 فلس ويكون بهالحاله البايع بالوقت الحالى ورد شراء بالتاريخ اللى انت 1كرته يكون خسران والعكس ان الاسهم حاليا اوصلت للقاع وراح ترتفع من بداية شهر عشره لان اعلانات الربع الثالث وانتها العيد ورمضان واسترجان السيوله اللى كانت للاكتتابات بايامنا هذى وخلصو من زكاة الاسهم ارجو انك تتقبل كلامى بصدر رحب والبايع بالوقت الحالى خسران والشارى ربحان وشكراوعلى فكره فيه كلمه انت قلتها قلت ان هذى توقعات واخبار من ناس موثوق فيها وانا اقولك بحكم عملى بالمقاصه ومن ناس من اهل السوق ان التواريخ اللى انت ذكرتها راح اتكون اغلب الاسهم مو بسعرها اليوم اغلبهن راع يكون مرتفع ابو ميتين ابربع وابو ربع وبثلاث ميه ومو كل من قال صدق هذا سوق وكلن يبي يسوى نفسه فاهم ومحلل وخبير
اهلا وسهلا ومبارك عليكم الشهر جميعا
اقرا وركز شنو قال العميرى وحاول اتفسر كلامة شوى شوى
@@@@@@@@@@@@@@@@
العميري يتوقع الصعود للبورصة
--------------------------------------------------------------------------------
((((أكد لـ الوطن أن حظر عمليات التمويل على مديري صناديق الاستثمار أخذ »الكل« بجريرة »البعض« )))))))
((((((((((((( جفاف السيولة ))))))))))))
ومع زوال هذا المسبب سيبدأ السوق في معاودة صعوده مجددا.
ولكن عقب وقال ........ السبب الاهم من جفاف السيولة وهو :
((((((((هناك سببا آخر يعتبر من
اهم الأسباب التي أثرت بشكل مباشر في تراجع مؤشر السوق ونقص السيولة اللازمة وهو تشدد بنك الكويت المركزي في الإقراض مقابل الأسهم والحد من تمويل شراء الأسهم بما يزيد من نقص السيولة ويؤدي حتما إلي استمرار تراجع البورصة ))))))))
(((((((((((((((((هناك عزوفاً متعمداً من المحافظ تزامن مع عدم وجود مبادرة من قبل
الدولة أو صناديق الهيئة العامة للاستثمار بالتحرك ))))))
لو تقرا مابين السطور ايضا راح تلقى اكثر واكثر
الحين كل شي تغير
قبل اذا احد يبى قرض حق تجارة او بناء او اى مشروع عقارى البنك يرحب ويهلي
والحين مافي كاش لا للمشاريع العقارية ولا الاكتتبات لزيادة رؤوس الاموال
ولا في شي اسمه ارهن اسهم وهاك كاش
الى يبى يكتتب بزيادة راس المال من كاشه
واللى يبى يبني من كاشه
واللى واللى واللى
فالنتيجة لازم يوفر الكاش يا من جيبه
او يبيع عقار او اسهم
وبكل الحالات اسمه بيع
واذا كثر العرض اكيد راح يقل السعر عموما
وخصوصا على الاسهم
اتجاه الدوله اللى باللون الاحمر
واضح
المليون في وقتنا هذا صار مثل 100 الف
كثروا اللى عندهم المليون
وكل من صار عند مليون اتجه للسياسة وزاد كلامة وانتقاداته لل ((( الدوله)))
وهذا اللى مايصير
ولا تسالني ليش ما يصير ومنو اللى مايبيه يصير
لانى اذا جاوبتك راح اصير من اللى ............؟؟؟؟
ماعلينا طوف
الاتجاه واضح والسياسه القادمة للدوله اوضح
ماني قايلك راح نرجع ايام العشرة الخضره
لا مو الى الدرجة هذى
بس موبعيد عنها
زبده الكلام
اللى عنده 100 الف د ك كاش فى المرحله القادمة
راح يكون فعلا عنده مليون د ك
هذا المستقبل والله اعلم